Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան «Իմ ընկերը». Թրամփը հրապարակել է Պուտինի հետ լուսանկար ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ Եթե ամերիկացիները որոշեն հարձակվել իրանական նավթատարի վրա, Թեհրանը կարող է դա մեկնաբանել որպես լայնածավալ պատերազմի վերսկսում Մարկո Ռուբիոն է հազիվ ծիծաղը զսպում Թրամփի հերթական զառանցանքից Ուկրաինական ռազմական աղբյուրներ. Ռուսաստանը սկսել է օգտագործել նոր եւ վտանգավոր «Ֆիլին» հրթիռները

«Կեղծ հաղթանակը կարմիր դիպլոմի նման մի բան է, գնված կարմիր դիպլոմը տգետին խելոք չի դարձնի»

Արխիվ 12-16

«ԿԵՂԾ ՀԱՂԹԱՆԱԿԸ ԿԱՐՄԻՐ ԴԻՊԼՈՄԻ ՆՄԱՆ ՄԻ ԲԱՆ Է, ԳՆՎԱԾ ԿԱՐՄԻՐ ԴԻՊԼՈՄԸ ՏԳԵՏԻՆ ԽԵԼՈՔ ՉԻ ԴԱՐՁՆԻ»

 

Մի քանի օրից արդեն հայտնի կդառնա, թե երբ է լինելու ArmBody Project-ի «Լավագույներից լավագույնը» երաժշտական մրցույթի սպասված եզրափակիչ փուլը: Իսկ մինչ այդ «Իրավունքը» շարունակում է բացահայտել մրցույթի մասնակիցներին: Եվ այս անգամ մեր զրուցակիցն է ԼԻԼԻԹ ՕՍԻՊՅԱՆԸ, ով, ի դեպ, առաջին անգամ է մասնակցում նման մասշտաբային մրցույթի: Հիշեցնենք, որ նա աչքի ընկավ մրցույթի հենց սկզբից` «Ես կուլամ» երգի կատարմամբ, որը հենց իր գնահատմամբ այդ րոպեներին համապատասխանում էր ներաշխարհին:

- Լիլիթ, շատ քիչ է մնացել, որ ավարտվի մրցույթը: Հետաքրքիր է` այն Ձեզ ի՞նչ տվեց:

- Սկզբում մտածում էի` փորձ, բայց առավել կարեւոր դարձան այն մասնակիցները, որոնք դարձան թանկ: Բնավորությամբ էքստրովերտ եմ, ուստի` մարդկային շփումը վեր եմ դասում հաղթանակից ու փորձից:

- Իսկ ի՞նչ կասեք մրցույթի կազմակերպչական կողմի մասին:

- Լակոնիկ կպատասխանեմ` կազմակերպչական կողմը հիացրեց ինձ:

- Ժյուրին, թեպետ հենց առաջին փուլում խոստացավ խիստ լինել, բայց ամեն անգամ խնայում էր մասնակիցներին` հաջորդ փուլ թույլ տալով մասնակցել շատերին: Որքանո՞վ էին անաչառ նրանք եւ ո՞ւմ խորհուրդները կառանձնացնեք:

- Այո, ժյուրին խիստ չէր, բայց պահանջկոտ էր, հենց այդ պահանջկոտությունն էլ ինձ ամենից շատ դուր եկավ: Ժյուրին անաչառ էր մասնակիցներին մի քանի անգամ հնարավորություն տալու հարցում, բայց ժյուրին խելացի է ու գիտի, թե որտեղ է պետք օգտագործել կողմնապահությունը:Կառանձնացնեմ Գիսանե Պալյանի խորհուրդները, որոնք մինչ օրս էլ դրոշմված են գիտակցությանս մեջ:

- «Լավագույններից լավագույնը» կլինի մեկը, արդյո՞ք այս ընթացքում մասնակիցների շրջանում մրցակցությունն առավել թեժ է դարձել:

- Մրցակցության թեժ ընթացք չեմ նկատել, մասնակիցների մրցակցությունն ավելի թեժ կդառնա, երբ լավագույններից լավագույնի փոխարեն ուրիշը հաղթի:

- Պատրա՞ստ եք անկախ մրցույթի վերջնական արդյունքներից շարունակել երգարվեստի ուղղությամբ գնալ, թե հաղթանակն ամենակարեւորն է Ձեզ համար:

- Եթե մի գործ ամբողջական չեմ անելու, չեմ էլ սկսում, հաղթանակը կարեւոր է, բայց ոչ միշտ է արդար. կեղծ հաղթանակը կարմիր դիպլոմի նման մի բան է, գնված կարմիր դիպլոմը տգետին խելոք չի դարձնի:

- Ի՞նչ երգի կատարմամբ հանդես կգաք եզրափակիչ փուլում:

- Կատարելու եմ Առնո Բաբաջանյանի «Озарениe» ու շանսոնի մեծերից Ազնավուրի «Une vie d'amour» երգերը:

Հավելենք, որ եզրափակիչ փուլում մասնակիցներից յուրաքանչյուրը կերգի 2 երգ` մեկը ազատ թեմայով, մյուսը` Առնո Բաբաջանյանի երգացանկից:

 

ՀՐԱՆՏ ՍԱՐԱՖՅԱՆ

Հավանեցի՞ր հոդվածը, կիսվիր ընկերներիդ հետ