Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան «Իմ ընկերը». Թրամփը հրապարակել է Պուտինի հետ լուսանկար ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ Եթե ամերիկացիները որոշեն հարձակվել իրանական նավթատարի վրա, Թեհրանը կարող է դա մեկնաբանել որպես լայնածավալ պատերազմի վերսկսում Մարկո Ռուբիոն է հազիվ ծիծաղը զսպում Թրամփի հերթական զառանցանքից Ուկրաինական ռազմական աղբյուրներ. Ռուսաստանը սկսել է օգտագործել նոր եւ վտանգավոր «Ֆիլին» հրթիռները

136 անապահով հազար ընտանիքից 2015թ.-ին նպաստ է ստացել շուրջ 105 հազարը

Արխիվ 12-16

136 անապահով հազար ընտանիքից 2015թ.-ին նպաստ է ստացել շուրջ 105 հազարը

 

2015թ. միջին աշխատանքային կենսաթոշակի չափն ավելացել է 5000 դրամով` կազմելով շուրջ 41 հազար դրամ, զինվորական հիմնական կենսաթոշակի չափը սահմանվել է 16 հազար, վետերանների պատվովճարը կրկնապատվել է՝ դառնալով 50 հազար դրամ: Այս մասին  այսօր՝ փետրվարի 16-ին, Կառավարությունում Հովիկ Աբրահամյանի գլխավորությամբ տեղի ունեցած քննարկման ժամանակ ասել է աշխատանքի եւ սոցիալական հարցերի նախարար Արտեմ Ասատրյանը:

Կառավարության մամուլի ծառայությունից հայտնում են, որ ըստ նախարարի՝ անցած տարի ընտանիքների անապահովության գնահատման համակարգում հաշվառված 136 հազար ընտանիքից ընտանեկան կամ սոցիալական նպաստ է ստացել ամսական միջինում 105 հազար 408-ը, նպաստի միջին չափը կազմել է 30 հազար 350 դրամ:

Անդրադառնալով զբաղվածության ոլորտին՝ Արտեմ Ասատրյանն ընդգծել է, որ արմատապես փոխվել է զբաղվածության պետական քաղաքականությունը՝ հիմքում դնելով աշխատանք փնտրող անձանց աշխատանքով ապահովելու եւ աշխատանքի միջոցով եկամուտ ստանալու գաղափարախոսությունը: Գործազուրկների ժամանակավոր զբաղվածության ապահովման փորձնական ծրագրի միջոցով Տավուշի մարզի 44 սահմանամերձ համայնքի շուրջ 400 գործազուրկ ընդգրկվել է վարձատրվող հասարակական աշխատանքներում:

Հովիկ Աբրահամյանը նշել է, որ այս ոլորտը գտնվում է իր ուշադրության կենտրոնում եւ ընդգծել՝ նախարարության 2016 թվականի գերակա խնդիրը պետք է լինի ոլորտի նկատմամբ հանրային վստահության բարձրացումը, բարեփոխումների հիմքում դնելով արդարության եւ անառաչության ապահովման սկզբունքը: Կառավարության ղեկավարը կարեւորել է նաեւ սոցիալական ծառայությունների արդյունավետ եւ թափանցիկ գործունեության ապահովումը, նրանց գործունեության նկատմամբ վերահսկողության բարձրացումը:

 

 

Հավանեցի՞ր հոդվածը, կիսվիր ընկերներիդ հետ