«ԹՈՒՐՔԻԱՅԻ ՑԵՂԱՍՊԱՆԱԾԻՆ ՔԱՂԱՔԱԿԱՆՈՒԹՅԱՆ ԴԱՏԱՊԱՐՏՈՒՄԸ ՄԵՐ ՔԱՂԱՔԱԿԱՆ ՕՐԱԿԱՐԳԻ ԱՌԱՎԵԼ ՀՐԱՏԱՊ ԹԵՄԱՆ Է»
թերթին տված հարցազրույցում ՍԻՄ նախագահ, ԱԺ ՀՀԿ խմբակցության անդամ ՀԱՅԿ ԲԱԲՈՒԽԱՆՅԱՆԸ պատասխանելով այն հարցադրմանը, թե արդյո՞ք համաձայն է այն տեսակետին, որ հայկական քաղաքական էլիտան ոչ բավարար հստակությամբ է դիրքորոշում արտահայտում Ռուսաստանի եւ Թուրքիայի հակամարտության հարցով, մասնավորապես ասաց.–Այդպիսի ոչ պրոֆեսիոնալ տեսակետ երբեմն կարելի է գտնել ռուսական մամուլում, սակայն քաղաքական եւ փորձագիտական շրջանակներում այդ տեսակետը անշուշտ չեն կիսում: Նրանք, ովքեր քչից-շատից գլուխ են հանում հայկական թեմատիկայից, շատ լավ գիտեն, որ ե՛ւ նախագահ Սարգսյանը, ե՛ւ խորհրդարանի ղեկավարությունը, ե՛ւ մեր ԱԳՆ-ն, ե՛ւ հայտնի քաղաքական գործիչներից շատերը վճռական եւ միանշանակորեն դատապարտել են Թուրքիայի դիրքորոշումը` Սիրիայում խփված ռուսական ինքնաթիռի հարցով:
– Իսկ Սիրիայում անցկացվող թուրքական քաղաքականության վերաբերյալ կա՞ն արդյոք գնահատականներ եւ հայտարարություններ` Հայաստանի իշխանությունների եւ քաղաքական շրջանակների կողմից:
– Անշուշտ, եւ ամենակոշտը: Ընդ որում, այդ հայտարարությունները բարձրաձայն հնչում են ոչ միայն վերջին ամիսներին, այլեւ այն ժամանակից սկսած, երբ Թուրքիան սկսեց աջակցել ահաբեկիչներին Սիրիայում, իսկ շատ ավելի վաղ` Չեչնիայում: Երկու տարի առաջ ահաբեկիչները Թուրքիայի ուղղակի օժանդակությամբ հարձակվել էին Սիրիայի հյուսիս-արեւմուտքում գտնվող հայաբնակ Քեսաբ ավանի վրա, թալանել էին մեր եկեղեցիները, ոչնչացրել քրիստոնեական մշակույթի հուշարձանները, հազարավոր մեր հայրենակիցներ դարձել էին փախստական, շատերը զոհվել էին: Նույնը տեղի ունեցավ եւ Հալեպի հայաբնակ թաղամասերի նկատմամբ: Հայաստան Սիրիայից ժամանել էին առավել քան 20 հազար փախստականներ: Թուրքիայի ցեղասպանածին քաղաքականության դատապարտումը մեր քաղաքական օրակարգի առավել հրատապ թեման է, եւ չնկատել դա` պարզապես անհնար է:
Բացի այդ, հայ-թուրքական հակամարտությունը տեւում է հազար տարուց ավելի եւ չի սահմանափակվում Սիրիայով: Առկա է եւ Լեռնային Ղարաբաղի հարցը, ուր Թուրքիան աջակցելով Ադրբեջանին, գործնականում դարձել է հակամարտության 4-րդ կողմ: Մեր արտաքին քաղաքականության ամենասուր հարցերից մեկը 1915թ. Հայոց ցեղասպանության ճանաչումն է` դրանից բխող բոլոր հետեւանքներով հանդերձ: Բացի այդ, շարունակվում է Հայաստանի շրջափակման եւ մեկուսացման թուրքական քաղաքականությունը, որը մեզ համար բերում է ծանր հետեւանքներ: Առկա է եւ մեր պատմամշակութային հուշարձանների ոչնչացումը Արեւմտյան Հայաստանի տարածքում եւ բազում այլ հարցեր, որոնց մասին ամեն օր խոսում են երկրի ղեկավարությունը, մեր քաղաքական շրջանակները, ԶԼՄ-ները:
Ընդամենը օրեր առաջ` փետրվարի 12-ին, իր ծրագրային ելույթում Հայաստանի նախագահ Սերժ Սարգսյանը Թուրքիան անվանեց անանցանելի եւ անհատակ ճահիճ եւ շեշտեց, որ այս պահին չի տեսնում Թուրքիայի հետ հարաբերություններում որեւէ առաջընթացի ոչ մի հնարավորություն:
թերթին տված հարցազրույցում ՍԻՄ նախագահ, ԱԺ ՀՀԿ խմբակցության անդամ ՀԱՅԿ ԲԱԲՈՒԽԱՆՅԱՆԸ պատասխանելով այն հարցադրմանը, թե արդյո՞ք համաձայն է այն տեսակետին, որ հայկական քաղաքական էլիտան ոչ բավարար հստակությամբ է դիրքորոշում արտահայտում Ռուսաստանի եւ Թուրքիայի հակամարտության հարցով, մասնավորապես ասաց.–Այդպիսի ոչ պրոֆեսիոնալ տեսակետ երբեմն կարելի է գտնել ռուսական մամուլում, սակայն քաղաքական եւ փորձագիտական շրջանակներում այդ տեսակետը անշուշտ չեն կիսում: Նրանք, ովքեր քչից-շատից գլուխ են հանում հայկական թեմատիկայից, շատ լավ գիտեն, որ ե՛ւ նախագահ Սարգսյանը, ե՛ւ խորհրդարանի ղեկավարությունը, ե՛ւ մեր ԱԳՆ-ն, ե՛ւ հայտնի քաղաքական գործիչներից շատերը վճռական եւ միանշանակորեն դատապարտել են Թուրքիայի դիրքորոշումը` Սիրիայում խփված ռուսական ինքնաթիռի հարցով:
1
2224 դիտում
2
1961 դիտում
3
1601 դիտում
4
1381 դիտում
5
1308 դիտում
1
11060 դիտում
2
10497 դիտում
3
9089 դիտում
4
8154 դիտում
5
7241 դիտում
1
37648 դիտում
2
36091 դիտում
3
34134 դիտում
4
19032 դիտում
5
18383 դիտում
