Վրաստանում կորոնավիրուսի դեմ պատվաստված բոլոր քաղաքացիներին հավաստագրեր կտրամադրեն
---
Վրաստանում կորոնավիրուսի դեմ պատվաստված բոլոր քաղաքացիներին հավաստագրեր կտրամադրեն: Այդ մասին հայտարարել է Վրաստանի Հիվանդությունների եւ հանրային առողջության հսկողության ազգային կենտրոնի ղեկավար Ամիրան Համքրելիձեն, հաղորդում է Գրուզիա Online-ը:
«Բոլոր պատվաստված մարդկանց կտրամադրվի հաստատում, որ նրանք պատվաստվել են այս կամ այն պատվաստանյութով այս կամ այն օրը: Դա երկլեզու հավաստագիր է, որը համապատասխան բժշկական հաստատությունը կստորագրի եւ կկնքի»,-հայտարարել է Գամքրելիձեն:
Մարտի 13-ին Վրաստանին մատակարարվել է Covid-19-ի դեմ պատվսատանյութի առաջին խմբաքանակը՝ AstraZeneca-SKBio դեղամիջոցի 43,2 հազար դեղաչափ:
Պատվաստումները կիրականացվեն մարտի 15-ից 82 հատուկ ընտրված բուժհաստատություններում երկրի ամբողջ տարածքում: Ըստ ազգային պլանի՝ Վրաստանում նախ կպատվաստվեն բուժաշխատողները, որոնք չեն վարակվել կորոնավիրուսով վերջին 120 օրվա ընթացքում: Նախնական տվյալներով՝ երկրում կա այդպիսի 54 քաղաքացի:
AstraZeneca պատվաստանյութի հաջորդ խմբաքանակը կմատակարարվի Վրաստանին ապրիլին: Առաջիկա շաբաթներին երկրում նաեւ պետք է մատակարարվի ամերիկա-գերմանական Pfizer-BioNTech կոնսորցիումի պատվաստանյութը:
1
10307 դիտում
2
8774 դիտում
3
4274 դիտում
4
4096 դիտում
5
4016 դիտում
1
19020 դիտում
2
11383 դիտում
3
11038 դիտում
1
37647 դիտում
2
36010 դիտում
3
34122 դիտում
5
18377 դիտում
