Քիմ Քարդաշյանը ներողություն է խնդրել ընտանիքից նախկին ամուսնու՝ Քանյե Ուեսթի պահվածքի համար

Ամերիկահայ հեռուստաաստղ Քիմ Քարդաշյանը Keeping Up with the Kardashians ռեալիթի շոուի նոր դրվագում ներողություն է խնդրել իր ընտանիքից նախկին ամուսնու՝ Քանյե Ուեսթի պահվածքի համար, գրում է Spletnik-ը։

«Ես տեղյակ եմ իմ հարաբերությունների ազդեցության մասին իմ ընտանիքի վրա: Եվ ես երբեք հնարավորություն չեմ ունեցել պարզապես ասելու՝ «ներողություն»,֊ասել է Քիմը։

Նա հավելել է, որ ինքը միշտ փորձել է պաշտպանել իր ամուսնուն, ով պայքարում էր երկբևեռ խանգարման դեմ:

«Ես միայն կարող եմ փորձել վերահսկել իմ արձագանքը ինչ-որ բանի նկատմամբ: Ես չկարողացա վերահսկել, թե ինչպես է նա վերաբերվում ինձ կամ ձեզ: Ես ինքս ինձ խոստացա, որ երբեք թույլ չեմ տա, որ դա ձեզ հետ նորից կրկնվի: Ես այլևս թույլ չեմ տա, որ որևէ մեկը ձեզ հետ այդպես վարվի»,֊ասել է Քիմը:
Նրան աջակցել են հարազատները։ Մայրը՝ Քրիս Ջեները, ասել է, որ հասկանում է Քիմին, քանի որ նա ամեն ինչ արել է՝ հանուն երեխաների։ «Դու նրա երեխաների մայրն ես և փորձել ես ըմբռնումով վերաբերվել նրան։ Մի օր քո երեխաները կհասկանան դա»,֊ ասել է Քրիս Ջենները։ Քլոե Քարդաշյանը հավելել է, որ Քիմը կարող է պատասխանատվություն կրել միայն իր, այլ ոչ թե ուրիշների համար։

Ինչպես հայտնի է, Քիմ Քարդաշյանն ու Քանյե Ուեսթը միասին չորս երեխա ունեն՝ Նորթը, Սեյնթը, Չիկագոն և Պսալմը։

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝