Որոնք են առողջության համար ամենավտանգավոր, սակայն տարածված սոուսները
Հասարակություն
Տարածված ու հաճախ կիրառվող սոուսներից շատերը կարող են վտանգավոր լինել առողջության համար, ուստի դրանք ցանկալի չէ օգտագործել մեծ քանակությամբ։ Այս մասին «Վեչերնյայա Մոսկվա»-ի հետ զրույցում ասել է գաստրոէնտերոլոգ Սերգեյ Վյալովը՝ նշելով դրանցից ամենավնասակարները։
Մասնագետի խոսքով՝ նման սոուսների շարքին են դասվում մայոնեզն ու կետչուպը, որոնցում պարունակվող հսկայական քանակությամբ աղը բացասաբար է անդրադառնում մարդկանց օրգանիզմի ընդհանուր վիճակի վրա։ Մեծ քանակությամբ աղից բացի, կետչուպը հարուստ է նաև շաքարով, ուստի այն հակացուցված է շաքարային դիաբետով հիվանդներին ու ածխաջրային փոխանակության հետ կապված խնդիրներ ունեցողներին։ Ինչ վերաբերում է մայոնեզին, ապա այն չափազանց բարձր յուղայնություն ունի, ուստի չի կարող համարվել առողջարար։
«Մայոնեզը մաքուր ճարպ է։ Վատագույն համադրությունը մայոնեզի ու պանրի համադրությունն է, իսկ եթե մայոնեզով պատրաստվի, օրինակ, խոզի միսը, ապա կստացվի ամբողջությամբ խոլեստերին։ Այն շատ վտանգավոր է», - նախազգուշացրել է Վյալովը։
Բացի այդ, օգտակար չի համարվում նաև սոյայի սոուսը, քանի որ այն պարունակում է ոչ միայն մեծ քանակությամբ աղ, այլև գունանյութեր։ Սա է պատճառը, որ սոյայի սոուսի գործածության դեպքում առողջական խնդիրներից խուսափելու համար հարկավոր է չմոռանալ նաև բավարար քանակությամբ հեղուկի գործածության մասին։
1
7157 դիտում
2
4655 դիտում
3
4424 դիտում
4
2928 դիտում
5
2461 դիտում
1
11052 դիտում
2
10492 դիտում
3
9089 դիտում
4
8148 դիտում
5
7218 դիտում
1
37647 դիտում
2
36084 դիտում
3
34131 դիտում
4
19028 դիտում
5
18378 դիտում
