Նորայր Մեհրաբյան, Դուք արժանի էիք արվեստագետին վայել հրաժեշտի․ Մանո Գրիգորյանի հուզիչ խոսքը ⚡️⚡️«Իրավունք» թերթի այսօրվա տպագիր համարում կարդացե՛ք... Աշխարհի ամենաբարձր վարձատրվող ֆուտբոլիստների տասնյակը Սպերցյանի մասնակցությունը Ռոնալդուի թիմի դեմ խաղին հարցականի տակ է Դեկտեմբերին ամեն ինչ կպարզվի․ Փաշինյանը բոլորին ֆռացրել է․ Հովիկ Աղազարյան Պուտինի, Թրամփի և Սի Ցզինպինի գագաթնաժողովը բացահայտեց Եվրոպայի աշխարհաքաղաքական թուլությունը. Reuters Կրեմլը հայտարարել է, որ Ուկրաինան Ռուսաստան-Չինաստան-ԱՄՆ եռակողմ գագաթնաժողովի գլխավոր թեման չէր Մեդվեդև. Յալթային հղումը լիովին տեղին է Տարադրամի փոխարժեքները նոյեմբերի 19-ին ԱՄՆ-ն իր B-1 և B-2 հեռահար ռմբակոծիչները դրել է 96-ժամյա պատրաստվածության վիճակի

«Հայեր մենք կրակելու ենք՝ չեք ուզում ընկնել կրակի տակ հեռացեք ձեր օրրաններից»․ Ինչով է պայմանավորված թշնամու ակտիվացումը․ ԱՀ պատգամավորը մանրամասներ է ներկայացնում

Թեմա

Ի՞նչ ընթացքի մեջ է Բերձորը շրջանցող նոր այլընտրանքային  ճանապարհի կառուցումը եւ դրան զուգահեռ, ո՞ր փուլում է մասնավորապես Բերձորի բնակիչների տեղափոխման գործընթացը։ Հաշվի առնելով, որ այն համայնքները, որտեղ, որ ըստ նախնական տեղեկությունների պետք է տեղափոխվեն Բերձորի  բնակչությունը, համայնքապետների խոսքերով, այս պահին չկան կոնկրետ հավելյալ բնակչությամբ բնակեցնելու համար պայմաններ։ Այս եւ թշնամու վերջին օրերի ակտիվության պատճառների մասին զրուցել ենք Արցախի <<Արդարություն>> խմբակցության պատգամավոր ԿԱՐԵՆ ՀՈՎՀԱՆՆԻՍՅԱՆԻ հետ, ով նախ նկատեց․

-Իսկապես ճանապարհի շինարարությունը ակտիվ ընթացքի մեջ է, տեղ-տեղ վերջացած է նաև ասֆալտապատումը։ Սակայն դա չի նշանակում, թե հենց վաղն էլ սկսելու ենք երթևեկել այդ նոր ճանապարհով, որը շրջանցելու է Բերձոր-Տեղ ճանապարհահատվածը։ Իսկ ինչ մնում է բերձորցիների տեղահանելուն և նոր բնակավայրեր տեղափոխելուն, այս պահին նմանատիպ որևէ գործընթաց չկա։ Մարդիկ ապրում են Բերձորում և զբաղված են իրենց առօրյա հոգսերով, աշխատանքով։

-Պարոն Հովհաննիսյան, ինչո՞վ եք պայմանավորում թշնամու ակտիվացումը, ինչի՞ց են անհագիստ։

-Թշնամու կրակոցները մեր դիրքերի կամ գյուղերի ուղղությամբ կարող է պայմանավորված լինել բազմաթիվ հանգամանքներով, որից կարող ենք առանձնացնել նաև այն միտքը, որը հետևյալն է«հայեր մենք կրակելու ենք՝ չեք ուզում ընկնել կրակի տակ հեռացեք ձեր օրրաններից»։ Ենթադրում եմ, որ դա է մեսիջը, որը ուղղված է արցախահայությանը։ Ու, բնական է,  մենք էլ հակադարձում ենք՝ հուշելով հակառակորդին, որ մենք մեր տանն ենք՝ եկվորը դուք եք ու մեր ինքնիշխանությունը և ազատ անկախ ապրելու աստվածատուր պարգևը ոչ մեկին չենք զիջելու։

-Եվ վերջում, ի՞նչ է կատարվում Արցախի ներքաղաքական կյանքում։

-Արցախի ամառային ներքաղաքական կյանքը կարծես թե որոշակի հանգիստ վարքագծի դրսևորումներ է ցույց տալիս, բայց իրականում ակտիվ հանդիպումների, դիրսկուսների, ժամացույցի սլաքները ճշտելու աշխատանքներ են արվում, կապված մեծամասամբ ինչպես ՀՀ ներքաղաքական կյանքի ընթացքի այնպես էլ նոր սահմանադրության հայեցակարգի ակտիվ քննարկումների և մոտակա ժամանակաշրջանում հանրաքվեին պատրաստվելու գործընթացների հետ։

Զրույցը՝ ԻԼՈՆԱ ԱԶԱՐՅԱՆԻ

Հավանեցի՞ր հոդվածը, կիսվիր ընկերներիդ հետ