Ինչպես կապարակնքվեց Նկարիչների միության ցուցասրահը Նկարիչների միության նորընտիր նախագահի բացառիկ հարցազրույցը Ես տեղափոխվում եմ Հայաստան. Դենիս Ջորկաեֆը առաջադրվել է որպես ՀՖՖ նախագահի թեկնածու Լեվոն Զուրաբյան VS Նիկոլ Փաշինյան Ակրոպոլիս թանգարանում բացվել է «Հին Հայաստան» միջազգային ցուցահանդեսը Ջրամատակարարման ընդհատումներ են տեղի ունեցել Կիևի հինգ շրջաններում Բրիտանիան ցանկանում է վերադառնալ ԵՄ. Brexit-ը չափազանց թանկ էր. The Times Մելանյա Թրամփը հնարավոր է համարում Ուկրաինայում հրադադարը մինչև Սուրբ Ծնունդ Քո մասին այնպիսի ճշմարտություն կասեմ, ստիպված կլինես փախչել նաեւ ՌԴ-ից․ Դանիելյանը՝ Պիպոյին Մեզ այսօր շատ են պակասում Մոնթեի պես հայերը․ Հռիփսիմե Նահապետյան

«Մհեր Ենոքյանին տեղափոխել են ցածր անվտանգային գոտի». հայտարարություն

Իրավական

«Ազատություն Մհեր Ենոքյանին» ֆեյսբուքյան էջը հայտնում է.

«Սիրելի՛ մարդիկ, այս օրերին մենք ստանում ենք բազմաթիվ շնորհավորանքներ, զանգեր, ոգևորող նամակներ, քանի որ տարածվել է տեղեկատվություն, որ Մհերը ազատվել է:

Հայտնում ենք ձեզ, որ մեր՝ տարիների համառ, հետևողական, սիրով ու համբերությամբ լեցուն պայքարից, վիճարկումներից հետո Մհերին տեղափոխել են ցածր անվտանգային գոտի, որը նախկինում կոչվում էր բաց ՔԿՀ: Այսինքն՝ 27-րդ տարում մեղմացվել են նրա պահման պայմանները. ուսման, աշխատանքի, վերասոցիալականացման նպատակով կարող է թույլատրվել ՔԿՀ սահմաններից դուրս գալ որոշակի ժամանակով և նախապայմաններով: Յուրաքանչյուր ցմահ դատապարտյալ կարող է տեղափոխվել պատժի կրման այս պայմաններ 20 տարի անց դրական վարքագծի հիմքով: Նախադեպը եղել է 2020-ին, երբ ցմահ դատապարտյալ Արսեն Արծրունին տեղափոխվեց բաց ՔԿՀ:

Շնորհակալ ենք Ձեզ, բոլոր մեր ընկերներին, ծանոթ-անծանոթներին, քանի որ այս փորձություններով, դժվարություններով, տառապանքներով լի ճանապարհին հաճախ մեզ ոգևորել եք անկեղծ խոսքով, գործով ու հավատով, որ Օրը կգա... բարին Ձեր ընտանիքներին...
Մենք շարունակում ենք աշխատել միասին՝ որպես իրավաբաններ փորձելով մեր գիտելիքներով, անցած ճանապարհով ու փորձով աջակցել մարդկանց իրավունքների վերականգնման հարցում:
Ճանապարհը շարունակվում է...»:

Հիշեցնենք՝ Ենոքյանին մեղադրանք է առաջադրվել համակուրսեցի Իոսիֆ Աղաջանովին սպանելու համար։ Նա 1996-ին նոյեմբերի 29-ին դատապարտվել է մահապատժի։ Ըստ դատավճռի՝ հանցագործությունը Ենոքյանը կատարել է ընկերոջ՝ գյուղատնտեսական ինստիտուտի ուսանող Արամ Հարությունյանի հետ, վերջինի տանը: 2003-ին, երբ մահապատիժը վերացավ Հայաստանում, Մհեր Ենոքյանը դատապարտվեց ցմահ ազատազրկման։

Ենոքյանն ասում է, որ այսքան տարի պայքարել է արդարության համար։ Նա պնդում է՝ սպանության մեջ մեղավոր չէ։

Հավանեցի՞ր հոդվածը, կիսվիր ընկերներիդ հետ