Հրապարակվել է Եղիսաբեթ II-ի վերջին լուսանկարի պատմությունը

Լուսանկարիչ Ջեյն Բարլոուն, որը Մեծ Բրիտանիայի թագուհի Եղիսաբեթ II-ի վերջին լուսանկարն է արել նրա մահից երկու օր առաջ, նոր վարչապետ Լիզ Թրասի հետ միապետի հանդիպման ժամանակ, պատմել է այդ կադրի պատմությունը: Նրա խոսքը մեջբերում է Sky News պարբերականը։

Բարլոուն թագուհու մի քանի դիմանկարներ է արել, մինչ նա սպասում էր Պահպանողական կուսակցության առաջնորդի ժամանմանն իր շոտլանդական կալվածքում: Նրա խոսքով՝ 96-ամյա թագուհին թույլ էր, բայց լավ տրամադրությամբ։

«Ես այնտեղ էի, որպեսզի լուսանկարեմ նոր վարչապետի հետ նրա հանդիպումը, բայց ինձ համար լավագույն լուսանկարը թագուհու լուսանկարն էր։ Եվ հիմա այն ակնհայտորեն դարձել է ավելի իմաստալից։ Մենք խոսեցինք թագուհու հետ մռայլ եղանակի մասին, բայց նա ասաց, որ իր տրամադրությունը ճիշտ հակառակն է: Թագուհին անդրադարձել է նաև մի շարք թեմաների, այդ թվում՝ հոր՝ Էդինբուրգի դուքսի, ձիերի, նրա հավատքի և Բալմորալի նկատմամբ նրա սիրո մասին։ Ես նրանից շատ ժպիտներ եմ ստացել»,- խոստովանել է լուսանկարիչը։

Նրա խոսքով՝ թագուհին ավելի թույլ և ավելի նիհար էր, քան ամռանը։

«Այս փխրուն տիկինը մտավ, բայց դեռևս այն զգացումն էր, թե ով էր նա, և դա իրական զգացողություն է, որ դուք անմիջապես անկաշկանդ եք զգում, անմիջապես խոսում եք, գեղեցիկ պայծառ ժպիտ, այն ամենը, ինչ ակնկալում եք ձեր միապետից«,- ավելացրել է Բարլոուն:

Հիշեցնենք՝ Բուքինգհեմյան պալատը երեկ՝ սեպտեմբերի 8-ին հայտնել էր, որ Մեծ Բրիտանիայի թագուհի Եղիսաբեթ Երկրորդը, որը երկիրը կառավարում էր ավելի քան 70 տարի, մահացել է Շոտլանդիայում 96 տարեկանում:

Հազարավոր մարդիկ հավաքվել էին Բուքինգհեմյան պալատի մոտ։