Այն ամենն, ինչ պետք է իմանան Նենսի Փելոսի Հայաստան այցով ոգեւորվածները

ԱՄՆ Կոնգրեսի Ներկայացուցիչների պալատի խոսնակ Նենսի Փելոսին այս շաբաթ կգա Հայաստան եւ կհանդիպի Նիկոլ Փաշինյանի եւ այլ պաշտոնյաների հետ։ Փելոսին Հայաստան կժամանի կոնգրեսական Ջեքի Սփեյերի հետ: Այս տեղեկությունն, ինչպես ասում են՝ ցնցել է համացանցը, իսկ թե ում այցի համար է հանրության մի զանգված այդքան ոգեւորվել, չափազանց «հուզիչ է»:

 

Նենսի Փելոսին ԼԳԲՏ շքերթների ակտիվ մասնակից է, ընդ որում՝ նա սովորաբար ծածանում է ծիածանագույն դրոշը՝ երեխաների հետ միասին: Անվանել սա՝ ժողովրդավարություն, թե մանկապղծություն, թողնում ենք ձեր դատին: Առհասարակ ԱՄՆ Կոնգրեսի Ներկայացուցիչների պալատի խոսնակի կենսագրությունը հարուստ է ԼԳԲՏ-ականների պաշտպանության մասին փաստերով: Ավելին՝ նրա ջանքերի շնորհիվ է ԱՄՆ Կոնգրեսի Ներկայացուցիչների պալատը ընդունել ԼԳԲՏ-ականներին խրախուսող օրինագծեր: Եվ այս հարցում Փելոսին բավական վճռական է, նա մի առիթով բարձր ամբիոնից շեշտել է. «Կանգ չենք առնելու մեր այս ուղու մեջ՝ ստեղծելով բոլորի համար ավելի արդար եւ հավասար ապագա»:

 

Ի դեպ, ի գիտություն պաշտոնական արարողակարգի՝ նշենք նաեւ, որ Նենսի Փելոսին գտնում է, որ ճիշտ է, երբ սեղանի շուրջ նստում են տարբեր սոցիալական խմբերի ներկայացուցիչներ՝ մաշկի տարբեր գույների, լինեն նրանք տղամարդիկ եւ կանայք, երիտասարդներ եւ մեծահասակներ, ԼԳԲՏ համայնքի անդամներ:

 

«Բազմազանությունն անհրաժեշտ է»,- հարցազրույցներից մեկում շեշտել է ԱՄՆ Կոնգրեսի Ներկայացուցիչների պալատի խոսնակը: 

 

Հատկանշական է նաեւ այն, թե ինչու է բազմազանության, հավասարության մասին այդքան «հուզիչ»  տեքստեր ասող Նենսի Փելոսին ատում ՌԴ նախագահ Վլադիմիր Պուտինին, ինչը նա չի թաքցրել դեռ շատ վաղուց: 2013 թվականին պայթեցրեց համացանցը Պուտին-Փելոսի արժեհամակարգային տարբերության ցցուն փաստը: The New York Times-ում հրապարակվեց մի հոդված, որտեղ Վլադիմիր Պուտինն ասել էր. «Մենք բոլորս տարբեր ենք, բայց երբ Աստծուց օրհնություն ենք խնդրում, չպետք է մոռանանք, որ Աստված մեզ հավասար է ստեղծել», ինչին անդրադառնալով Նենսի Փելոսին սոցցանցում գրառում էր կատարել եւ շեշտել. «Հուսով եմ, որ երբ նախագահ Պուտինը խոսում է բոլոր մարդկանց միջեւ հավասարության մասին, նա այս հայեցակարգում ընդգրկում է Ռուսաստանում ԼԳԲՏ համայնքի բոլոր ներկայացուցիչներին»: Թեման այսքան տարի անց նույնքան ակտուալ է մնացել, որովհետեւ հոգեւորի եւ անբարոյականության միջեւ պատերազմն այսօր ակնառու է առավել քան երբեւէ...

 

Չմոռանանք նշել նաեւ, որ Փելոսիին Հայաստան ուղեկցող կոնգրեսական Ջեքի Սփեյերն էլ բավական մասնագիտացած է այս թեմայով: Նրա քաղաքական հայացքների թոփ հնգյակում ԼԳԲՏ հավասարությունն է: Այնպես որ, Նենսի Փելոսին ավելի շուտ ԼԳԲՏ-ականներին նոր արտոնությունների փաթեթ կբերի Հայաստան, քան թե խաղաղություն: