Շաբաթը հոբելյանական էր
Արխիվ 16-20Նախորդ շաբաթը լի էր հոբելյանական տարեդարձներով, որոնցից առանձնացրել ենք ամենահիշարժանները: Փետրվարի 25-ին ՀՀ ժողովրդական արտիստ ՌԱԻՍԱ 
ՄԿՐՏՉՅԱՆԸ նշեց ծննդյան 75, իսկ փետրվարի 17-ին ՀԽՍՀ վաստակավոր արտիստ ԼԵՎՈՆ ՇԱՐԱՖՅԱՆԸ տոնեց իր 70-ամյակը:
«ՁԵՐ ՍԵՐՆ ՈՒ ՋԵՐՄՈՒԹՅՈՒՆԸ ԻՆՁ ԷԼ ԱՎԵԼԻ ՈՒԺ Է ՏԱԼԻՍ»
75-ամյա լեգենդար երգչուհուն տարեդարձի առթիվ շնորհավորական ուղերձ հղեց ՀՀ նախագահ Սերժ Սարգսյանը, սակայն տոնական համերգ, որպես այդպիսին, տեղի չունեցավ: Ի պատասխան հարյուրավոր շնորհավորանքների, ՌԱԻՍԱ ՄԿՐՏՉՅԱՆԸ նշել է հետեւյալը. «Սիրելի ընկերներ, երկրպագուներ, բարեկամներ, ուսանողներ, անչափ շնորհակալ եմ ու շոյված անկեղծ բարեմաղթանքների եւ ուշադրության համար։ Ձեր սերն ու ջերմությունը ինձ էլ ավելի ուժ է տալիս եւ պարգեւում մեծ ուրախություն»։
«ՁԵՐ ԿՈՂՄԻՑ ՍՏԱՑԱԾ ՀՈԳԵՎՈՐ ՈՒԺԸ ԵՎ ԷՆԵՐԳԻԱՆ ԻՆՁ ԿՋԵՐՄԱՑՆԻ ԵՐԿԱՐ ՏԱՐԻՆԵՐ»
70-ամյա դերասան ԼԵՎՈՆ ՇԱՐԱՖՅԱՆԻ տարեդարձը թեպետ նշվեց օվկիանոսից այն կողմ` ԱՄՆ-ում, բայց մեծ հոբելյանական միջոցառում էր կազմակերպվել նրա պատվին: Անդրադառնալով ստացած շնորհավորանքներին` Լ. Շարաֆյանը շեշտել էր. «Թանկագին ընկերներ, հեռու եւ մոտիկ կոլեգաներ, ծանոթներ եւ անծանոթներ, շնորհակալ եմ ջերմ եւ բարի խոսքերի համար, որ դուք շռայլորեն ուղղեցիք ինձ իմ հոբելյանի կապակցությամբ: Ձեր կողմից ստացած հոգեւոր ուժը եւ էներգիան ինձ կջերմացնի երկար տարիներ: Շնորհակալ եմ ձեր ակտիվ ուշադրության համար. ես ձեզ սիրում եմ եւ գրկում ամուր-ամուր: Այո, երջանիկ մարդ եմ, որ ունեմ լավ ընտանիք եւ շատ-շատ բարի ընկերներ»:
Ի դեպ, երեկ հոբելյանական էր նաեւ ՀՀ ժողովրդական արտիստ ԱԼԲԵՐՏ ՄԿՐՏՉՅԱՆԻ համար: Սիրված դերասանը նշում էր ծննդյան 80-ամյակը:
Պատրաստեց ՀՐԱՆՏ ՍԱՐԱՖՅԱՆԸ
Ռաիսա Մկրտչյանի մահով ամփոփվեց հայկական էստրադայի մի ամբողջ դարաշրջան
Աշխարհում լավագույն կոստյումների դիզայներների թոփ տասնյակում հայտնվել է Միքայել Շարաֆյանը
1
8318 դիտում
2
5669 դիտում
3
4030 դիտում
4
2219 դիտում
5
1923 դիտում
1
31460 դիտում
2
19478 դիտում
3
11451 դիտում
4
11407 դիտում
3
17726 դիտում
