Ո՞ՐՆ Է ԿԱՊԻՏՈՒԼՅԱՆՏԻ ՊԱԹՈԼՈԳԻԿ ՎԱԽԻ ՀԻՄՔԸ

Բաղ­դա­դում «խուր­մա» կա` ի­րա­քյան INA լրատ­վա­կան գոր­ծա­կա­լու­թյու­նը, վկա­յա­կո­չե­լով երկ­րի ԱԳՆ խոս­նակ Ահ­մեդ Ալ-Սա­հա­ֆին, հայտ­նում է, որ դեկ­տեմ­բե­րի 4-ին Բաղ­դա­դում տե­ղի կու­նե­նա «Հնա­գույն քա­ղա­քակր­թու­թյուն­նե­րի ֆո­րում»՝ Հու­նաս­տա­նի, Չի­նաս­տա­նի, Ե­գիպ­տո­սի, Ի­րա­նի, Ի­տա­լի­ա­յի, Պե­րո­ւի, Բո­լի­վի­ա­յի, Հա­յաս­տա­նի և Մեք­սի­կա­յի մաս­նակ­ցու­թյամբ: Նի­կո­լի ա­կան­ջը խուլ` հան­կարծ չբո­ղո­քի, թե ին­չու «կիրթ ու կա­ռու­ցո­ղա­կան» Ա­լի­և­ի ար­հես­տա­ծին եր­կիրն ընդգրկ­ված չէ...

ԱԺ ԴԱՀ­ԼԻ­ՃԻՑ Ա­ՀՈՒ­ՍԱՐ­ՍԱ­ՓԻ ՀՈՏ Է ԳԱ­ԼԻՍ

Խորհր­դա­րա­նի կու­լո­ւար­նե­րում կա­տա­կում են, որ ե­թե Ֆրան­սի­ա­յի Սե­նա­տի ըն­դու­նած բա­նա­ձև­ը բե­րեն ԱԺ, ա­պա դժվար թե այդ տեքս­տը ձայ­նե­րի մե­ծա­մաս­նու­թյուն հա­վա­քի: Դե, ե­թե ՔՊ-ական Գնել Սա­նո­սյա­նը, ստանձ­նե­լով թշնա­մու աս­կյար­նե­րի փաս­տա­բա­նի դե­րը, ՀՀ սու­վե­րեն տա­րած­քում դե­պի ա­զե­րի­նե­րի գրա­ված բնագ­ծե­րը լայն ճա­նա­պարհ­նե­րի շի­նա­րա­րու­թյունն ար­դա­րաց­նում է ձմռա­նը աս­կյար­նե­րին սո­ված չթող­նե­լու պատ­ճա­ռա­բա­նու­թյամբ, ա­պա սրան­ցից սպա­սե­լի է ա­մեն ինչ:

Եվ մինչ երկ­րում ար­դեն եր­կու տա­րի է ա­մեն օր 2020-ի նո­յեմ­բե­րի 9-ը չի պրծնում, և ապ­րում ենք պեր­մա­նենտ կա­պի­տու­լյա­ցի­ա­յի մեջ, Ա­լեն Սի­մո­նյա­նը հայ­տա­րա­րում է, թե ի հե­ճուկս ընդ­դի­մու­թյան` հայ­կա­կան կող­մը հետ­պա­տե­րազ­մյան եր­կու տա­րում լավ բա­նակ­ցում է՝ հա­վաս­տի­աց­նե­լով, որ մի­­ջազ­գա­յին աս­պա­րե­զում կա­րե­լի է շատ եր­կար նշել մեր դի­վա­նա­գի­տու­թան հաղ­թա­նակ­նե­րը: Դրա «փո­րա­ցա­վը» պարզ է` ջա­նում է ա­պա­ցուցել, որ բա­նակ­ցող փո­խե­լու անհ­րա­ժեշ­տու­թյուն չկա. «Էս նման ներգ­րավ­վա­ծու­թյուն ԱՄՆ-ի կող­մից, Ֆրան­սի­ա­յի կող­մից, Ռու­սաս­տա­նի կող­մից նույ­նիսկ չի ե­ղել Մինս­կի խմբի, այս­պես ա­սած, գո­վա­բան­ված ֆոր­մա­տի ա­մե­նա­ակ­տիվ ժա­մա­նա­կա­հատ­վա­ծում, ար­դյոք դա հաղ­թա­նակ չէ՞…»: Ա­լե­նը հաղ­թա­նա­կի մա­սին լրիվ այ­լա­սեր­ված պատ­կե­րա­ցում­ներ ու­նի, քա­նի որ մի­այն նվաս­տա­ցու­մից սե­ռա­կան հա­ճույք ստա­ցող մա­զո­խիս­տի մտքով կա­րող է անց­նել՝ վեր­ջին եր­կու տար­վա մղձա­վան­ջը դի­վա­նա­գի­տա­կան հաղ­թա­նակ ո­րա­կե­լու: Իսկ մի­գու­ցե ոչ թե հայ­կա­կան, այլ ադր­բե­ջա­նա­թուր­քա­կա՞ն կող­մին նկա­տի ու­նի...

Ին­չև­է, խուն­տա­յի մեջ վա­խը մտած է, որ ֆորս­մա­ժո­րա­յին տար­բե­րա­կով բա­նակ­ցող փո­խող կա­րող է լի­նել: Տե­սախ­ցիկ­նե­րը ֆիք­սել են, թե ինչ­պես են կա­պի­տու­լյան­տի անվ­տան­գու­թյունն ա­պա­հո­վող ՊՊԾ աշ­խա­տա­կից­նե­րը մուտք գոր­ծում ԱԺ նիս­տե­րի դահ­լիճ ու տե­ղա­վոր­վում ընդ­դի­մա­դիր խմբակ­ցու­թյուն­նե­րի հատ­վա­ծի գխա­վե­րև­ում, ին­չը բա­ցա­ռիկ ե­րև­ույթ է ՀՀ խորհր­դա­րա­նի ողջ պատ­մու­թյան ըն­թաց­քում: Եվ դա այն դեպ­քում, որ աշ­խար­հում դժվար է գտել ո­րև­ի­ցե երկ­րի խորհր­դա­րան, ո­րի պատ­գա­մա­վոր­նե­րը նիս­տե­րի դահ­լիճ մուտք գոր­ծե­լու ի­րա­վունք ստա­նան բա­ցա­ռա­պես ո­տից-գլուխ զննվե­լուց հե­տո: Գու­մա­րած դրան, հենց որ կա­պի­տու­լյան­տը ժա­մա­նեց, ընդ­դի­մա­դիր պատ­գա­մա­վոր­նե­րը մի­ան­գա­մից ցու­ցադ­րա­բար լքե­ցին դահ­լի­ճը:

Ու­րեմն ի՞նչ, սե­փա­կան թի­մա­կից­նե­րի՞ց վախ ու­նի: Կա­պի­տու­լյանտ­նե­րի թի­մի պա­ռակ­տումն ակն­հայտ է ան­գամ քա­ղա­քա­կա­նու­թյու­նից գլուխ ար­դու­կել սի­րող տաք­սիստ­նե­րի և վար­սա­վիր­նե­րի հա­մար, ի­զուր չէ, որ ՔՊ-ում տի­րում է «շպի­ո­նա­մա­նի­ա», վար­չու­թյան ընտ­րու­թյուն­նե­րը վե­րած­վում են հրա­պա­րա­կա­յին սկան­դա­լի, իսկ Նի­կո­լը ան­ձամբ է գլխա­վո­րում վար­չու­թյու­նը, ե­րև­ի վա­խե­նա­լով, որ ՔՊ-ում ի­րեն «ֆուկ» կա­նեն: «Փո­ղո­ցից ե­կած իշ­խա­նու­թյու­նը թույլ է լի­նե­լու»,- Հո­վիկ Ա­ղա­զա­րյանն ընդ­դի­մու­թյան մա­սին է այդ­պես խո­սում, ճշգրտո­րեն նկա­րագ­րե­լով այն ա­մենը, ինչ ի­րենց թիմն ա­րեց 2018-ին և դա վե­րագ­րե­լով ընդ­դի­մու­թյա­նը: Դե, քա­նի որ ՔՊ-ի մա­սին ճշմար­տու­թյունն ի­մա­նա­լու փո­խա­րեն գժից ու ճժից հարց­նե­լու փո­խա­րեն պետք է հարց­նել Հո­վիկ Ա­ղա­զա­րյա­նից, ու­րեմն` ՔՊ-ի ներ­սում այդ թե­ման կա, թե ինչ­պես է ընդ­դի­մու­թյու­նը փո­ղո­ցի մի­ջո­ցով ի­րենց բո­լո­րին #սի­կոլ ա­նում...

Իսկ Armenian info վեր­լու­ծա­կան բլոգն էլ անս­պա­սե­լի հար­ցադ­րում է ա­նում. «Նի­կո­լը մահ­վան հո՞տ է ա­ռել: Ե­թե ա­ռել է, ա­պա ու­մի՞ց է ա­ռել կամ ին­չո՞ւ են նրա մոտ զգա­յա­րան­ներն ու ինք­նա­պահ­պան­ման բնազ­դը սրվել: Հո­գե­կան լրջա­գույն խնդիր­ներ ու­նե­ցող Նի­կո­լի վա­խը կա­րող է պայ­մա­նա­վոր­ված լի­նել թե­րևս սպաս­վե­լի­քով. հաս­տատ ու­զում է ա­նել կամ ար­դեն իսկ ա­րել է մի բան, ո­րը նրան կա­րող է ար­ժա­նաց­նել ա­սենք Ից­հակ Ռա­բի­նի ճա­կա­տագ­րին»:

Դե մին­չև տա­րե­վերջ ու­զում են ա­մեն գնով «խա­ղա­ղու­թյան պայ­մա­նա­գիր» կնքել այն թշնա­մու հետ, ո­րը Նի­կո­լի իսկ խոս­քով պատ­րաստ­վում է ցե­ղաս­պա­նել հա­յե­րիս, և ո­րը նույն Նի­կո­լի խոս­քով պայ­մա­նա­գիր կնքե­լուց 12 ժամ անց կա­րող է պա­տե­րազմ սկսել:

ԽՈՒՆ­ՏԱ­ՅԻ ԳՐՈ­ՀԸ ՀՀԿ-Ի ԴԵՄ

ԱԺ-ում կա­պի­տու­լյան­տը նա­և մատ­նո­ցա­խաղ սկսեց, հայ­տա­րա­րե­լով, որ ին­քը ան­վե­րա­պահ կողմ է «ռու­սա­կան տար­բե­րա­կին», թա­քուն դրան կողմ է ե­ղել նույ­նիսկ հուն­վա­րից սկսած, և հար­ցադ­րում է` իսկ ընդ­դի­մու­թյու­նը կո՞ղմ է, թե՞ դեմ: Բայց ե­թե այդ փաս­տա­թուղ­թը տե­սել է մի­այն Նի­կո­լը, ինչ­պե՞ս կա­րող են ա­ռար­կա­յո­րեն կողմ կամ դեմ լի­նել մար­դիկ, ով­քեր տեքս­տը չեն տե­սել... Դա տի­պիկ գեղ­ցի­ա­կան «շուստ­րի­ու­թյուն» է, հաս­ցե­ագր­ված Հյու­սիս, թե` Վլա­դի­միր Վլա­դի­մի­րիչ, ես ան­վե­րա­պա­հո­րեն կողմ եմ քո ա­սած­նե­րին և ան­վե­րա­պա­հո­րեն հնա­զանդ եմ քեզ, իսկ այ էս «քըխ» ընդ­դի­մա­դիր­ները դա­վա­դիր բա­ներ են մտմտում: Սա­կայն կար­ծել, թե ՌԴ նա­խա­գա­հը կու­տի այդ պար­զու­նակ «կտե­րը», կնշա­նա­կի նրան խիստ թե­րագ­նա­հա­տել...

Ի պա­տաս­խան այդ մատ­նո­ցա­խա­ղի` ՀՀԿ դիր­քո­րո­շու­մը ներ­կա­յաց­րեց քա­ղա­քա­կան հա­լա­ծանք­նե­րի են­թարկ­վող ՀՀԿ փոխ­նա­խա­գա­հը: ­Կարճ մեջ­բե­րենք.

• Նի­կոլն ԱԺ-ում հայ­տա­րա­րեց՝ ՀՀ քա­ղա­քա­կան դաշ­տում կա կոն­սեն­սուս ՝ ռու­սա­կան տար­բե­րա­կի շուրջ:

— Ես հայ­տա­րա­րում եմ, որ ՀՀԿ-ի և «Պա­տիվ ու­նեմ»-ի դա­սա­կարգ­ման մեջ տար­բե­րակ­նե­րը չեն դի­տարկ­վում ըստ ի­րենց աշ­խար­հա­քա­ղա­քա­կան, քա­ղա­քա­կան ծագ­ման երկ­րի կամ մայ­րա­քա­ղա­քի:

— Մենք ա­սում ենք մեր սկզբունք­նե­րը և որ տար­բե­րա­կի մեջ այդ սկզբունք­նե­րը պահ­պան­ված կլի­նեն, այդ տար­բե­րակն էլ, որ­պես սկզբուն­քից բխող հե­տև­անք, կլի­նի ըն­դու­նե­լի:

— Մեզ ո­րակն է պետք, չենք նա­յե­լու «made in» որ­տեղ է:

— 2021-ի հուն­վա­րից ռու­սա­կան տար­բե­րա­կին սա­տա­րող «տղեն» իր ըն­տա­նե­կան թեր­թում ընդ­դեմ ռուս­նե­րի հոդ­ված կգրի՞:

Այդ ըն­տա­նե­կան թեր­թում, որն ա­վե­լի ճիշտ կլի­նի ո­րա­կել աղ­բա­կայք, նա­և «գլխից վեր» սուտն է գրվում Սերժ Սարգ­սյա­նի մա­սին, և Ար­մեն Ա­շո­տյա­նի խոս­քով. «Երկնել է մի թարմ հի­մա­րու­թյուն, թե Սերժ Սարգ­սյա­նը մի­ջազ­գա­յին գոր­ծըն­կեր­նե­րի հետ հան­դի­պում­նե­րի ժա­մա­նակ պնդում է, «թե իբ­րև Նի­կոլ Փա­շի­նյա­նը պայ­մա­նա­վոր­վա­ծու­թյուն է ձեռք բե­րել ՌԴ նա­խա­գահ Վլա­դի­միր Պու­տի­նի հետ, ըստ ո­րի՝ «Հա­յաս­տա­նի սու­վե­րեն տա­րած­քով ռու­սա­կան կող­մի հսկո­ղու­թյամբ Հա­յաս­տա­նը պետք է մի­ջանցք տրա­մադ­րի Ադր­բե­ջա­նին»:

Այս զա­վեշ­տը կմնար պար­զա­պես Իս­լան­դի­ա­յի ա­փե­րին օվ­կի­ա­նոսում կե­տե­րի հետ ֆո­տո­սե­սի­ա ա­նող տիկ­նոջ եւ իր ստա­խոս ու վախ­կոտ ա­մուս­նու լրատ­վա­կան աղ­բա­նո­ցի շար­քա­յին ցնդա­բա­նու­թյուն, ե­թե չհե­տապն­դեր հեր­թա­կան նենգ նպա­տակ­նե­րը: Այն է. Հա­յաս­տա­նի ինք­նիշ­խա­նու­թյան հաշ­վին ա­նել նոր ճա­կա­տագ­րա­կան զի­ջում­ներ ու այդ նպա­տա­կով նա­խա­պես «հող նա­խա­պատ­րաս­տել» նախ­կին­նե­րի գրպան­նե­րը գցե­լու հա­մար... չփոր­ձեք Հա­յաս­տա­նի հա­մար կեն­սա­կան հար­ցե­րով դա­վադ­րու­թյուն­նե­րի գնա­լու ձեր կեղ­տոտ պատ­րաս­տա­կա­մու­թյու­նը փա­թա­թել նախ­կին­նե­րի վրա»:

Ի դեպ` օ­րի­նա­չա­փու­թյուն է դար­ձել ՀՀԿ ա­ռաջ­նորդ­նե­րի վրա քրգոր­ծեր կա­րել, որ­պես­զի չկա­րո­ղա­նան մեկ­նել ար­տեր­կիր և օգ­տա­գոր­ծել ի­րենց մի­ջազ­գա­յին կա­պե­րը տար­բեր հար­թակ­նե­րում: Այդ­պի­սին է Սերժ Սարգ­սյա­նի քրգոր­ծը` խա­փա­նել նրա մաս­նակ­ցու­թյու­նը ԵԺԿ մի­ջո­ցա­ռում­նե­րին: Հի­մա էլ Ար­մեն Ա­շո­տյա­նին քրգործ կա­րե­լու մի­ջո­ցով չթո­ղո­ցին մեկ­նել ԵԺԿ մի­ջո­ցառ­մա­նը: Եվ ա­մե­նև­ին էլ նշա­նա­կու­թյուն չու­նի, թե ինչ է գրված «քրգոր­ծեր» և «մե­ղադ­րա­կան եզ­րա­կա­ցու­թյուն­ներ» կոչ­վող մա­կու­լա­տու­րա­յում, դրա վրա ժա­մա­նակ ծախ­սելն ա­վե­լորդ է: Կա­րև­ո­րը հե­տև­յալն է` ստեղ­ծել երկ­րից չբա­ցա­կա­յե­լու խա­փան­ման մի­ջոց, տվյալ դեպ­քում դա խա­փան­ման մի­ջոց է ընդ­դեմ մի­ջազ­գա­յին կա­պե­րի, բայց ա­ռայժմ վա­խե­նում են կա­լա­նա­վո­րել: Բայց Հայկ Մա­մի­ջա­նյա­նը փաս­տում է. «Ինչպես գի­տեք, ես և Ար­մեն Ա­շո­տյա­նը պի­տի մաս­նակ­ցե­ինք Լի­սա­բո­նում ըն­թա­ցող ԵԺԿ քա­ղա­քա­կան ա­սամբ­լե­ա­յին: Երբ մեր եվ­րո­պա­ցի գոր­ծըն­կեր­նե­րը տե­ղե­կա­ցան, որ Փա­շի­նյա­նի հրա­մա­նով Ար­մեն Ա­շո­տյա­նի մաս­նակ­ցու­թյան հա­մար խո­չըն­դոտ­ներ են ստեղծ­վել՝ ա­ռա­վել մեծ հե­տաքրք­րու­թյուն ցու­ցա­բե­րե­ցին մեր ա­սե­լիք­նե­րին ՀՀ և Ար­ցա­խի անվ­տան­գու­թյան, մեր երկ­րում քա­ղա­քա­կան դրդա­պատ­ճառ­նե­րով հե­տապն­դում­նե­րի և այլ թե­մա­նե­րի մա­սին»:

Դե ինչ, այս ան­գամ կար­ծես թե «խի­յա­րը թարս է բուս­նում»:

ՀՈՎ­ՀԱՆ­ՆԵՍ ԳԱ­ԼԱ­ՋՅԱՆ