Ինչպես կապարակնքվեց Նկարիչների միության ցուցասրահը Նկարիչների միության նորընտիր նախագահի բացառիկ հարցազրույցը Ես տեղափոխվում եմ Հայաստան. Դենիս Ջորկաեֆը առաջադրվել է որպես ՀՖՖ նախագահի թեկնածու Լեվոն Զուրաբյան VS Նիկոլ Փաշինյան Ակրոպոլիս թանգարանում բացվել է «Հին Հայաստան» միջազգային ցուցահանդեսը Ջրամատակարարման ընդհատումներ են տեղի ունեցել Կիևի հինգ շրջաններում Բրիտանիան ցանկանում է վերադառնալ ԵՄ. Brexit-ը չափազանց թանկ էր. The Times Մելանյա Թրամփը հնարավոր է համարում Ուկրաինայում հրադադարը մինչև Սուրբ Ծնունդ Քո մասին այնպիսի ճշմարտություն կասեմ, ստիպված կլինես փախչել նաեւ ՌԴ-ից․ Դանիելյանը՝ Պիպոյին Մեզ այսօր շատ են պակասում Մոնթեի պես հայերը․ Հռիփսիմե Նահապետյան

Փաշինյանին խանգարելու համար զոհվածների ծնողներին կդատե՞ն․ «Եռաբլուր»-ի միջադեպի հետեւանքները (mediahub.am)

Թեմա

Պարզվում է, այս օրերին, երբ զոհված զինծառայողների ծնողները ակցիաներ են իրականացնում Քննչական կոմիտեի դիմաց՝ պահանջելով հարցաքննել իրենց նկատմամբ սեպտեմբերի 21-ին բիրտ ուժ կիրառած ոստիկաններին, դատարան է մտնում ծնողներին վարչական պատասխանատվության ենթարկելու համապատասխան հոդվածով նախատեսված որոշումը։

Սեպտեմբերի 21-ին «Եռաբլուր» զինվորական պանթեոնում զոհված զինծառայողների եւ ոստիկանների միջև տեղի ունեցած միջադեպի ժամանակ 37 ծնող էր բերման ենթարկվել՝ ՀՀ ՎԻՎՕ-ի 182-րդ հոդվածի հիմքով՝ ոստիկանության ծառայողի օրինական պահանջը չկատարելու համար:

MediaHub-ին Ոստիկանությունից պարզաբանում են՝ նոր բողոք կամ հայցադիմում վարչական դատարան չի ներկայացվել, 182-րդ հոդվածով նախատեսված վարչական պատասխանատվության ենթարկելու որոշումը վերապահված է ՀՀ վարչական դատարանին՝ ՀՀ ոստիկանությունը, ղեկավարվելով գործող օրենսդրության համապատասխան դրույթներով, նյութերը ներկայացրել է դատարան։ «Սեպտեմբերի 21-ին ՀՀ ոստիկանությունը «Եռաբլուր» պանթեոնում իրականացրել է ուժեղացված ծառայություն, որի ընթացքում ոստիկանության ծառայողները, ղեկավարվելով Վարչական իրավախախտումների վերաբերյալ ՀՀ օրենսգրքի 261-րդ հոդվածով, իրականացրել են վարչական ձերբակալում, միաժամանակ ոստիկանությունում նախապատրաստվել են վարչական իրավախախտումների վերաբերյալ գործի նյութեր»,-ասացին Ոստիկանությունից:

44-օրյա պատերազմում զոհված զինծառայող Հակոբ Ռոստոմյանի հայրը՝ Արա Ռոստոմյանը MediaHub-ի հետ զրույցում ասաց, որ որոշման մեջ այնքան զավեշտալի կետ կա, որ Վարչական դատարանը կարդալով՝ գործը վարույթ չի ընդունի։

«Որոշման մեջ նշված է, որ մեզ վարչական պատասխանատվության են ենթարկում նաեւ ճանապարհային երթեւեկության ՀՀ օրենքը խախտելու համար։ Ծիծաղելին այն է, որ երբ այս որոշումը կարդում ես, պարզվում է, որ մենք մտնում ենք դատարան, քանի որ «Եռաբլուրի» աստիճանների վրա խախտել ենք ճանապարհային երեւեկության կանոնները։ Ստացվում է, որ Արա Ռոստոմյանը, այսինքն՝ ես, գտնվելով «Եռաբլուրում», խոչընդոտել է ավտոմեքենաների երթեւեկությանը։ Այսինքն՝ պանթեոնի մեջ մեքենաների երթեւեկությանը ես խոչընդոտել եմ։ Վարչական դատարանը սենց հիմարություններ կարդալով՝ վարույթ չի ընդունի»,- նշեց զոհվածի հայրը։

Հիշեցնենք, որ սեպտեմբերի 21-ին՝ ՀՀ անկախության օրը, զոհված զինծառայողների ծնողները պանթեոնում էին՝ արգելելու Նիկոլ Փաշինյանին մոտենալ իրենց որդիների շիրիմներին։ Ոստիկանության աշխատակիցները՝ ծառայողական պարտականությունները կատարելիս, ծնողների մի մասին, այդ թվում նաեւ մայրերին, ուժով բերման ենթարկեցին, որպեսզի Փաշինյանը անարգել մտնի պանթեոն։ Տեղի ունեցած միջադեպից հետո զոհվածների ծնողների բողոքի հիման վրա քրեական գործ է հարուցվել։ Զոհվածների ծնողների ակցիաներից հետո պարզ դարձավ, որ Քննչական կամիտեն միայն 3 ամիս անց է ոստիկաններին կանչում հարցաքննության։ Մինչ այդ, ինչպես նշում են բողոքաբերները, սայլը տեղից չէր շարժվում, ավելին՝ Քննչական կոմիտեից հայտնում էին, որ ծնողների նկատմամբ ուժ կիրառած ոստիկանները դեռեւս չեն հայտնաբերվել։

Սկզբնաղբյուրը` mediahub.am

Հավանեցի՞ր հոդվածը, կիսվիր ընկերներիդ հետ