Նորայր Մեհրաբյանի հրաժեշտի արարողությունից հեռացա ծանր զգացումով և մի հարցով, որը հանգիստ չի տալիս․ Բալմանուկյան ՔՊ-ում թեւերի են բաժանվել․ ԲԱՄԲԱՍԱՆՔ Բռունցքներ՝ եթերում, ինտրիգներ՝ իշխանության ներսում Ինչու Աննան «կաստրուլկաներով» չի չխկչխկացնում Նիկոլի ականջին․ ԶԱՐՄԱՆՔ Պուտին–Թրամփ–Սի հանդիպումը կարող է դառնալ «ողջ մարդկության համար հզոր ազդանշան» Փաշինյանը` թուրք–ադրբեջանական «կաբելի» դերում Մանդատները վայր դրեք եւ Նիկոլը կհայտնվի մութ սենյակում․ Հովիկ Աղազարյան (ԱՆՈՆՍ) Կյանքից հեռացել է ՀՀ ժողովրդական արտիստ Հակոբ Ազիզյանը Վլադիմիր Պուտինն իր հետ միջուկային ճամպրուկը տարել է Չինաստան (Տեսանյութ) Տարադրամի փոխարժեքները նոյեմբերի 18-ին

Ամեն ջանք պիտի գործադրենք օր առաջ կյանքի այդ ճանապարը կրկին բացելու համար.Ռումինիայի Հայոց թեմի առաջնորդ Տեր Տաթեւ եպիսկոպոս Հակոբյան

Հանդիպում

«Մենք խստորեն դատապարտում ենք ադրբեջանական իշխանությունների նման գործողությունները, որոնք լրջագույն խնդիրներ են ստեղծել Արցախի մեր հայրենակիցների համար»,-«Իրավունքի» հետ զրույցում անդրադառնալով  Արցախի շորւրջ տեղի ունեցող վերջին օրերի զարգացումներին եւ շուրջ 120 հազար մարդու շրջափակված լինելու փաստին ասաց Ռումինիայի Հայոց թեմի առաջնորդ Տեր Տաթեւ եպիսկոպոս Հակոբյանը, ընգծելով.

-Ակնհայտ է, որ բնապահպանական ակցիայի քողի ներքո թշնամին շարունակում է իրականացնել իր նենգ ծրագրերը՝  հոգեբանական ճնշում գործադրելով արցախահայության վրա։ Լաչինի միջանցքի փակումով Ացախի մեր հայրենակիցները կանգնել են լուրջ հումանիտար խնդիրների առաջ և մենք ամեն ջանք պիտի գործադրենք օր առաջ կյանքի այդ ճանապարը կրկին բացելու համար։ Միանշանակ է, որ թշնամու ցեղասպան քաղաքականությունը չի փոխվել, Արցախը հայաթափելու և էթնիկ զտումներ իրականացնելու մտադրությունը չի վերացել, հետևաբար խաղաղ համակեցության և խաղաղության դարաշրջանի մասին խոսողների համար գուցե սա սթափեցնող լինի։ Ցանկացած ծանր իրավիճակից ելքը գտնելու համար անհրաժեշտ է նախևառաջ համախմբվել, դառնալ միասնական, պետք է համախմբել բոլոր կարող, հայրենասեր, ազգային շահով ու գաղափարախոսությամբ առաջնորդվող մեր հայորդիներին և համակարգված ու միասնական աշխատանքով լծվել Հայրենիքի փրկության առաքելությանը։ Հայ Եկեղեցին, իր աշխարհասփյուռ թեմերի միջոցով, մշտապես անգնահատելի աշխատանք է տանում։ Նման իրավիճակներում թեմակալ առաջնորդների, առաջնորդական տեղապահների կամ Հայրապետական պատվիրակների կողմից նամակներ են հղվում եկեղեցիների պետերին, էկումենիկ ու միջեկեղեցական կառույցներին, տարբերի միջազգային կազմակերպությունների ու կառույցների, կազմակերպվում են բողոքի և իրազեկման ակցիաներ, այն երկրներում, որի Խորհրդարանում հայ պատգամավորների ներկայություն կա, ինչպես օրինակ Ռումինիայում, քաղաքական հայտարարություն է արվում հենց Խորհրդարանի ամբիոնից՝ հրավիրելով միջազգային հանրության ուշադրությունը։

Մենք էլ, իբրև Ռումանիայի Հայոց թեմ և հայ համայնք, մեր տեղում ենք, ապրում ենք Հայրենիքի հոգսերով և ամենայն միջոցներով աջակցում ենք բոլոր համահայկական խնդիրների կարգավորմանը։

ԻԼՈՆԱ ԱԶԱՐՅԱՆ

Հավանեցի՞ր հոդվածը, կիսվիր ընկերներիդ հետ