«Իմ ընկերը». Թրամփը հրապարակել է Պուտինի հետ լուսանկար ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ Եթե ամերիկացիները որոշեն հարձակվել իրանական նավթատարի վրա, Թեհրանը կարող է դա մեկնաբանել որպես լայնածավալ պատերազմի վերսկսում Մարկո Ռուբիոն է հազիվ ծիծաղը զսպում Թրամփի հերթական զառանցանքից Ուկրաինական ռազմական աղբյուրներ. Ռուսաստանը սկսել է օգտագործել նոր եւ վտանգավոր «Ֆիլին» հրթիռները Զապորոժիեն մեկ ժամվա ընթացքում հարվածել է 20 ավիառումբ Թրամփ եւս Պուտինի և Սիի հետ գագաթնաժողովը համարում է «Յալթա 2» Իրանը, տեւական դադարից հետո, հարձակվել է Բահրեյնի ԱՄՆ ռազմական բազաների վրա Ինչպես կապարակնքվեց Նկարիչների միության ցուցասրահը Նկարիչների միության նորընտիր նախագահի բացառիկ հարցազրույցը

Դաշնամուրային երաժշտության հրավառություն. Դենիս Մացուեւը Երեւանում

Ազդագրեր

Փետրվարի 2-ին «Երևանյան հեռանկարներ» միջազգային երաժշտական 24-րդ փառատոնի նախաձեռնությամբ «Արամ Խաչատրյան» համերգասրահում տեղի կունենա վիրտուոզ դաշնակահար Դենիս Մացուևի մենահամերգը:

Կհնչեն Չայկովսկու, Ռախմանինովի, Մուսորգսկու ստեղծագործությունները: Ռուսաստանի ժողովրդական արտիստ և Մոսկվայի պետական համալսարանի պատվավոր պրոֆեսոր, գրականության և արվեստի բնագավառում Ռուսաստանի Դաշնության պետական մրցանակի դափնեկիր Դենիս Մացուևը մեր ժամանակների տաղանդաշատ դաշնակահարներից է, որը նորարարությունը համադրում է ռուսական դաշնամուրային դպրոցի ավանդույթների հետ:

Դենիս Մացուևը ծնվել է Իրկուտսկում: Ավարտել է Մոսկվայի Չայկովսկու անվան պետական կոնսերվատորիան`աշակերտելով Ալեքսեյ Նասեդկինին և Սերգեյ Դորենսկուն: 1998 թ. Չայկովսկու անվան 11-րդ միջազգային մրցույթում հաղթանակ տանելուց հետո, որպես վիրտուոզ դաշնակահար, սկսվեց նրա շռնդալից մուտքը երաժշտական աշխարհ: Դենիս Մացուևը համագործակցում է աշխարհի լավագույն նվագախմբերի և դիրիժորների հետ, մենահամերգներով հանդես գալիս լավագույն համերգասրահներում:

Բացի տաղանդավոր երաժիշտ լինելուց, Դենիս Մացուևը նաև նախաձեռնում է մեծածավալ փառատոներ, ինչպիսիք են «Աստղերը Բայկալում» (Իրկուտսկ), «Դենիս Մացուևը հրավիրում է...» (Մոսկվայի կոնսերվատորիայի Մեծ դահլիճ) համերգաշարերը և այլն: Նա նաև «Կրեշենդո», «Անսի», «Աստանա դաշնամուրային կախարդանք», «Սբերբանկ Դեբյուտ» երաժշտական փառատոների գեղարվեստական ղեկավարն է: 2019 թ. Դենիս Մացուևը եղել է Չայկովսկու անվան XVI միջազգային մրցույթի դաշնամուրի անվանակարգի ժյուրիի նախագահը։ Նա նաև «Նոր անուններ» ռուսական բարեգործական հիմնադրամի նախագահն է, որը բացահայտում և աջակցում է տաղանդավոր երեխաներին: 

Հավանեցի՞ր հոդվածը, կիսվիր ընկերներիդ հետ