Հենց նման «գաղտնի» ձևով էլ բանակը կազմաքանդեցիք ու պետությունը հասցրեցիք ձեր ցածր՝ զրոյական մակարդակին. Հենրիխ Դանիելյան

Ինձ իսկապես շատ հետաքրքիր է չե՞ ն հոգնել այն լատենտ նիկոլականները, ովքեր ամեն ինչում մեղադրում են ընդդիմությանը։ Իշխանությունների արած կամ ավել շատ չարած գործողությունների արդյունքները վերագրել ընդդիմությանը։ Իշխանությունն է պատասխանատու այս երկրում տեղի ունեցող ցանկացած գործողության համար, իշխանությունն է իր քայլերով դավաճանում սեփական երկրին ու ժողովրդին, իսկ ընդդիմության գործառույթը այդ ամենը րոպե առաջ կանխելն ու բարձրաձայնելն է, մարդկանց աչքերը բացելն ու իրականության իրական կողմը ցույց տալն է։

Այսօրվա չկահավորված բանակի միակ մեղավորը գործող իշխանությունն է և դա է դավաճանությունը, այլ ոչ թե այն մարդկանց ու մասնագետների ( տվյալ դեպքում ՝ լրագրողների) աշխատանքը, ովքեր ցույց են տալիս այն, ինչը այսօր տեղի է ունենում իրականում։ Ու՞ ր մնաց ձեր թափանցիկ աշխատելաոճը, երբ աշխատելու և արարելու էիք միայն այս ժողովրդի համար, իսկ իրականում՝ բացի աղետ բերելուց, ոչինչ էլ չարեցիք այս ազգի համար։