Նորայր Մեհրաբյանի հրաժեշտի արարողությունից հեռացա ծանր զգացումով և մի հարցով, որը հանգիստ չի տալիս․ Բալմանուկյան ՔՊ-ում թեւերի են բաժանվել․ ԲԱՄԲԱՍԱՆՔ Բռունցքներ՝ եթերում, ինտրիգներ՝ իշխանության ներսում Ինչու Աննան «կաստրուլկաներով» չի չխկչխկացնում Նիկոլի ականջին․ ԶԱՐՄԱՆՔ Պուտին–Թրամփ–Սի հանդիպումը կարող է դառնալ «ողջ մարդկության համար հզոր ազդանշան» Փաշինյանը` թուրք–ադրբեջանական «կաբելի» դերում Մանդատները վայր դրեք եւ Նիկոլը կհայտնվի մութ սենյակում․ Հովիկ Աղազարյան (ԱՆՈՆՍ) Կյանքից հեռացել է ՀՀ ժողովրդական արտիստ Հակոբ Ազիզյանը Վլադիմիր Պուտինն իր հետ միջուկային ճամպրուկը տարել է Չինաստան (Տեսանյութ) Տարադրամի փոխարժեքները նոյեմբերի 18-ին

Ինչ հետեւանքներ կարող է ունենալ Թուրքիայի երկրաշարժը ՀՀ-ի վրա, որտեղ թաքնված երկրաշարշի փունջը.Բացառիկ մանրամասներ է ներկայացնում հայտնի սեյսմոլոգը

Հանդիպում

Թուրքիայի երկրաշարժը ուժգնությամբ համեմատելի՞ է Սպիտակում 1988-ին տեղի ունեցած երկրաշարժի հետ,  հարցի պատասխանը փորձել ենք ստանալ ԳԱԱ Երկրաբանական գիտությունների ինստիտուտի գիտաշխատող, սեյսմոլոգ Հրաչյա Պետրոսյանից, ով հստակ փաստեց.

Մեր տվյալները որևէ հիմք չեն տալիս՝ ենթադրելու, որ մոտ ապագայում ուժեղ  երկրաշարժ է սպասվում». սեյսմոլոգ ‹ ԱՐՑԱԽ ԼՐԱՏՎԱԿԱՆ

-Սպիտակի երկրաշարժի ուժը կամ մագնիտուդը ըստ Ռիխտերի սանդղակի եղել է 7, իսկ այս երկրաշարժերից առաջինն ու ամենաուժգինը եղել է 7.8, նույն օրը ցերեկը՝ 7.5: Երկուսն էլ ավելի ուժեղ են, քան Սպիտակի երկրաշարժը: Բայց Սպիտակում մենք ունեցանք 25 հազար զոհ, իսկ Թուրքիայի դեպքում վերջին տվյալով զոհերի թիվը հասնում է 2000-ի: Հիմա դուք տեսեք՝ ինչ տարբերություն է:

Սպիտակի երկրաշարժի ուժգնությունը կամ ինտենսիվությունը էպիկենտրոնային գոտում հասել է 10 բալի, իսկ Թուրքիայի պարագայում՝ 11 բալի: Այնպես որ, թե՛ ուժի առումով, այսինքն՝ ըստ Ռիխտերի սանդղակի մագնիտուդը և թե՛ ուժգնության առումով ինտենսիվությունը Թուրքիայի վերջին երկրաշարժերը գերազանցում են Սպիտակի երկրաշարժին: Տեսնում եք՝ զոհերը Թուրքիայում անհամեմատ քիչ են, քան Սպիտակի երկրաշարժի ժամանակ:

-Որքանո՞վ է մասնավորապես Թուրքիայի երկրաշարժը առնչվում Հայաստանին:

-Թուրքիայի երկրաշարժի փունջը գտնվում է Միջերկրական ծովից ոչ հեռու՝ այդ երկրի հարավային ու հարավարևմտյան հատվածում, Թուրքիա-Սիրիա սահմանային գոտուց ոչ հեռու: Թուրքիայի երկրաշարժը գտնվում է մեզնից մեծ հեռավորության վրա և մեզ անմիջական որևէ վտանգ չի սպառնում այդ երկրաշարժից:

Թուրքիայի տարածքով քարտեզագրված է երկու խոշոր, առաջին կարգի սեյսմոտեկտոնական խզվածք՝ հյուսիսանատոլիականը և արևելաանատոլիականը (հարավանատոլիական): Սրանք Թուրքիայի արևելյան հատվածում կարծես միանում են միմյանց, բայց հեռու են Հայաստանի տարածքից: Մեր խզվածքները որևէ ուղիղ համակցում չունեն Թուրքիայի այս երկու խզվածքի հետ, հետևաբար անմիջական որևէ վտանգ մենք չենք տեսնում թե՛ Թուրքիայի, թե՛ Իրանի կամ Խոյի երկրաշարժերից:

 -Իսկ Երևանը որքանո՞վ է ապահովագրված 8-10 բալանոց երկրաշարժից:

– Այն շենքերը, որոնք կառուցվել են Խորհրդային Միության փլուզումից հետո, որակյալ են, սեյսմակայուն են, որովհետև կառուցված են Երևան քաղաքում 9 բալ ազդեցության համար՝ նախկին 7 բալի փոխարեն:

Հետխորհրդային Հայաստանը, այսինքն՝ մեր անկախ Հայաստանը մշակեց սեյսմակայունության իր նորմերը, որոնք մի քանի անգամ թարմացվել են, արդիականացվել, և նոր շինարարությունը տարվում է համաձայն նոր նորմերի: Երևանի ամբողջ տարածքը համարվում է 9 բալ ազդեցության երկրաշարժի գոտի, և շինություններն էլ համապատասխան կառուցվում են:

ԻԼՈՆԱ ԱԶԱՐՅԱՆ

Հավանեցի՞ր հոդվածը, կիսվիր ընկերներիդ հետ