Նորայր Մեհրաբյանի հրաժեշտի արարողությունից հեռացա ծանր զգացումով և մի հարցով, որը հանգիստ չի տալիս․ Բալմանուկյան ՔՊ-ում թեւերի են բաժանվել․ ԲԱՄԲԱՍԱՆՔ Բռունցքներ՝ եթերում, ինտրիգներ՝ իշխանության ներսում Ինչու Աննան «կաստրուլկաներով» չի չխկչխկացնում Նիկոլի ականջին․ ԶԱՐՄԱՆՔ Պուտին–Թրամփ–Սի հանդիպումը կարող է դառնալ «ողջ մարդկության համար հզոր ազդանշան» Փաշինյանը` թուրք–ադրբեջանական «կաբելի» դերում Մանդատները վայր դրեք եւ Նիկոլը կհայտնվի մութ սենյակում․ Հովիկ Աղազարյան (ԱՆՈՆՍ) Կյանքից հեռացել է ՀՀ ժողովրդական արտիստ Հակոբ Ազիզյանը Վլադիմիր Պուտինն իր հետ միջուկային ճամպրուկը տարել է Չինաստան (Տեսանյութ) Տարադրամի փոխարժեքները նոյեմբերի 18-ին

Նիկոլը փորում է Հայաստանի գերազմանը. Հայկ Բաբուխանյան

Հանդիպում

«Իրավունք TV»-ի տաղավարում զրուցել ենք «Ուժեղ Հայաստան Ռուսաստանի հետ. հանուն նոր Միության» շարժման գործադիր կոմիտեի անդամ, ՍԻՄ կուսակցության նախագահ ՀԱՅԿ ԲԱԲՈՒԽԱՆՅԱՆԻ հետ:

— Հայաստանը հրաժարվել է ՀԱՊԿ գլխավոր քարտուղարի տեղակալի` իր քվոտայից: Ի՞նչ գործընթացի մեկնարկի մասին է սա վկայում:

— Մեկնարկ չկա: Նիկոլն իր ամբողջ գիտակցական կյանքում` սկզբում լրագրության, հետո քաղաքականության մեջ պայքարում էր, որպեսզի ՀԱՊԿ-ում Հայաստանի անդամակցությունը դադարեցնի: Քանի անգամ նա նման օրինագծեր է բերել, երբ ընդդիմադիր խմբակցության պատգամավոր էր: Բազմիցս ասել եմ, որ Նիկոլի նպատակն է ընդհանրապես երկիրը դուրս հանել ՀԱՊԿ-ից, ԵԱՏՄ-ից ու Ռուսաստանի հետ հարաբերությունները վատթարացնել` Հայաստանը դնելով Արեւմուտքի եւ Թուրքիայի վերահսկողության տակ: Եթե հիշում եք, Նիկոլի այս տարվա առաջին ասուլիսից հետո` հունվարի սկզբին, «Իրավունք TV»-ի տաղավարում բացահայտել էի նրա ծրագիրը, թե այս տարվա իր գործունեության համար ինչ է հռչակել: Այդ ծրագրի առաջին կետը փաստացի ՀԱՊԿ-ից դուրս գալն էր: Նա ուզում է դեռեւս ոչ իրավաբանորեն Հայաստանը դադարեցնի իր մասնակցությունը ՀԱՊԿ-ին, իսկ հաջորդ գործողությունը լինելու է  Արցախում խաղաղապահներից հրաժարվելն ու նրանց փոխարինելը, այսպես ասած, միջազգային խաղաղապահներով: Դրանով նաեւ ընդհանրապես հրաժարվելու է ռուսական ռազմական ներկայությունից Հայաստանում:

— Արդեն իսկ տեսանք, որ Արցախում տեղի ունեցավ բողոքի ակցիա` ընդդեմ ռուս խաղաղապահների: Վերջին դիվերսիայից հետո` որոշ ակտիվիստներ կոչ էին անում ռուս խաղաղապահներին, թե` որ չեք պաշտպանում, հեռացեք: Ի՞նչ հետեւանք սա կարող է ունենալ:

— Նիկոլի նպատակն այն չէ, որ ռուս խաղաղապահները մնան եւ պաշտպանեն Արցախը: Նրա համար Արցախ պաշտպանելն ընդհանրապես օրակարգում չկա: Հակառակը` իր նպատակն է Արցախից հնարավորինս հրաժարվել, ընդ որում` ինչքան հնարավոր է շուտ: Այն, ինչ տեղի է ունենում, հենց Նիկոլի ծրագիրն էր: Նա անընդհատ գործը տանում է Արցախից հրաժարվելուն, որովհետեւ Արցախը նաեւ այն լծակն է, որը ռուսներն ունեն Ադրբեջանի նկատմամբ: Արցախի ոչնչացումը պետք է առաջին հերթին Ադրբեջանին, Թուրքիային, Արեւմուտքին, եւ Նիկոլը, քանի որ իրենց գործիքն է այս տարածաշրջանում, իրականացնում է: Եվ սրանով Նիկոլը փորում է Հայաստանի գերեզմանը:

ՀՐԱՆՏ ՍԱՐԱՖՅԱՆ

Հ.Գ.- Հարցազրույցն ամբողջությամբ դիտե՛ք տեսանյութում.

Հավանեցի՞ր հոդվածը, կիսվիր ընկերներիդ հետ