Նորայր Մեհրաբյանի հրաժեշտի արարողությունից հեռացա ծանր զգացումով և մի հարցով, որը հանգիստ չի տալիս․ Բալմանուկյան ՔՊ-ում թեւերի են բաժանվել․ ԲԱՄԲԱՍԱՆՔ Բռունցքներ՝ եթերում, ինտրիգներ՝ իշխանության ներսում Ինչու Աննան «կաստրուլկաներով» չի չխկչխկացնում Նիկոլի ականջին․ ԶԱՐՄԱՆՔ Պուտին–Թրամփ–Սի հանդիպումը կարող է դառնալ «ողջ մարդկության համար հզոր ազդանշան» Փաշինյանը` թուրք–ադրբեջանական «կաբելի» դերում Մանդատները վայր դրեք եւ Նիկոլը կհայտնվի մութ սենյակում․ Հովիկ Աղազարյան (ԱՆՈՆՍ) Կյանքից հեռացել է ՀՀ ժողովրդական արտիստ Հակոբ Ազիզյանը Վլադիմիր Պուտինն իր հետ միջուկային ճամպրուկը տարել է Չինաստան (Տեսանյութ) Տարադրամի փոխարժեքները նոյեմբերի 18-ին

Մինչեւ սեպտեմբեր ավագանին կշարունակի գործել. կլինեն հերթական ընտրություններ. Խաժակյան

Հանդիպում

Երեւանի ավագանին քաղաքապետի արտահերթ ընտրության օր է սահմանել այսօր, սակայն իշխող «Իմ քայլը» խմբակցությունը որոշում ունի նոր քաղաքապետ չընտրել` հաշվի առնելով, որ ընտրություններին մի քանի ամիս ժամանակահատված է մնացել: Իսկ թե որքանո՞վ է նման որոշումը համապատասխանում օրենսդրությանը, «Իրավունքը» պարզեց Երեւանի ավագանու «Լույս» խմբակցության ղեկավար ԴԱՎԻԹ ԽԱԺԱԿՅԱՆԻ տեսակետը:

— Ի՞նչ է հաջորդելու Երեւանի քաղաքապետի այսօրվա «չընտրությանը»: Հնարավո՞ր է, որ ավագանին ազատ արձակվի:

— Օրենքի կարգավորումը բաց է եւ թողնում է մեկնաբանությունների տեղ, թե ինչ պետք է հաջորդի: Այն կարգավորումը, որին հղում է տալիս Երեւանի ՏԻՄ օրենքը, կարծես, չի պարտադրում ավագանու ժամկետի կրճատում: Ուստի` մնում է հարցը, ըստ էության, քաղաքական որոշման վրա, թե ինչպես պետք է այն շարունակվի: Որքանով հասկանում եմ` ոչինչ  չի հաջորդելու` մինչեւ ավագանու նստաշրջանի ավարտը, այսինքն` մինչեւ սեպտեմբեր ավագանին կշարունակի գործել: Իսկ քաղաքապետի պարտականությունները  կկատարի առաջին տեղակալ Լեւոն Հովհաննիսյանը: Հետո, ըստ ամենայնի, կլինեն հերթական ընտրություններ:

— Բայց կան պնդումներ, որ քաղաքապետի արտահերթ ընտրություններ անցկացնելու նիստը գումարելու պահից, այս պարագայում` ապրիլի 11-ից սկսած, ավագանին պարտավոր է երկշաբաթյա ժամկետում ընտրել քաղաքապետ: Իսկ եթե չի ընտրում, ապա այդ պահից սկսած եւս երկու շաբաթվա ընթացքում կառավարությունը պարտավոր է նշանակել նոր ընտրություններ:

— Նշանակման խնդիր այս պարագայում չկա, քանի որ քաղաքապետի առաջին տեղակալը կատարելու է ամբողջ ծավալով պարտականությունները: Իսկ ավագանու ժամկետի կրճատման մասով կա բաց, որն ըստ այդմ` թույլ է տալիս կայացնել քաղաքական որոշում:

— Այդուհանդերձ, մասնակցելո՞ւ եք այսօրվա կայանալիք ավագանու նիստին` քաղաքապետ ընտրելու օրակարգով:

— Նույնիսկ եթե մասնակցենք, կլինի պարզապես տեխնիկական մասնակցություն, որովհետեւ քաղաքապետի թեկնածուի առաջադրման խնդիր չկա` լավ հասկանալով, որ, ըստ էության, հաջորդ քաղաքապետը պետք է ընտրվի արդեն ժողովրդի կամարտահայտությամբ, նաեւ այն պատճառով, որ, ըստ էության, հինգ տարին այս ավագանու բոլորում է:

— Իսկ «Լուսավոր Հայաստանը» վերջնական որոշում ունի՞, թե ընտրություններին ինչ ձեւաչափով է մասնակցելու:

— Այս պահին դրա հետ կապված քննարկում չկա, քանի որ դեռեւս ժամանակ ունենք: Մինչ այդ, քաղաքական դաշտը կհստակեցվի, եւ մենք էլ որոշում կկայացնենք: Կածում եմ` դա կլինի երկու-երեք ամիս անց:

— Եթե չեմ սխալվում, Դուք չէիք բացառել ՔՊ-ի հետ համագործակցությունը: Կարո՞ղ է ավագանու ընտրություններին վերականգնվի «Ելք» դաշինքը:

— Կարծում եմ` սա «Ելքի» առանձին երեք ուժերի որոշման հարց է: Ինձ նման քննարկում հայտնի չէ, որ այս երեք ուժերից որեւէ մեկում, այդ թվում եւ մեզ մոտ նման քննարկում ընթացել է: Քննարկում չի եղել, իսկ մնացյալը ժամանակի հարց է:

ՀՐԱՆՏ ՍԱՐԱՖՅԱՆ

Հավանեցի՞ր հոդվածը, կիսվիր ընկերներիդ հետ