Նորայր Մեհրաբյանի հրաժեշտի արարողությունից հեռացա ծանր զգացումով և մի հարցով, որը հանգիստ չի տալիս․ Բալմանուկյան ՔՊ-ում թեւերի են բաժանվել․ ԲԱՄԲԱՍԱՆՔ Բռունցքներ՝ եթերում, ինտրիգներ՝ իշխանության ներսում Ինչու Աննան «կաստրուլկաներով» չի չխկչխկացնում Նիկոլի ականջին․ ԶԱՐՄԱՆՔ Պուտին–Թրամփ–Սի հանդիպումը կարող է դառնալ «ողջ մարդկության համար հզոր ազդանշան» Փաշինյանը` թուրք–ադրբեջանական «կաբելի» դերում Մանդատները վայր դրեք եւ Նիկոլը կհայտնվի մութ սենյակում․ Հովիկ Աղազարյան (ԱՆՈՆՍ) Կյանքից հեռացել է ՀՀ ժողովրդական արտիստ Հակոբ Ազիզյանը Վլադիմիր Պուտինն իր հետ միջուկային ճամպրուկը տարել է Չինաստան (Տեսանյութ) Տարադրամի փոխարժեքները նոյեմբերի 18-ին

Միակ օրինական ճանապարհը՝ արտահերթ քաղաքապետ ընտրելն է, մնացած բոլոր դեպքերը իրավաչափ չեն. Բաբայան

Հանդիպում

Երեւանի ավագանին այսօր քաղաքապետի արտահերթ ընտրություն կանցկացնի՝ օրենքի պահանջին հետեւելու համար: Նման անհրաժեշտություն առաջացել է քաղաքապետ Հրաչյա Սարգսյանի հրաժարականից հետո: Ավագանին արտահերթի համար ամենաուշը մեկ ամիս ժամանակ ուներ: Իսկ ի՞նչ կլինի, եթե ավագանին չկատարի օրենքի պահանջը ու քվորում չապահովի, «Իրավունքի» հետ զրույցում մանրամասնել է «Հայրենիք» կուսակցության քաղխորհրդի անդամ, փաստաբան ԱՐՍԵՆ ԲԱԲԱՅԱՆԸ` անդրադառնալով քաղաքապետի ընտրության ժամկետներին, իշխանության նպատակներին:

— Երեւանի ավագանու նիստին, որը նշանակված է ապրիլի 11-ին, եթե ավագանին քաղաքապետ չընտրի, որքա՞ն ժամանակում է լուծարվում ավագանին, ըստ օրենքի՝ ստիպվա՞ծ են լինելու գնալ արտահերթ ընտրության, թե՞ կա օրենքի որեւէ կարգավորում` ընտրությունները մինչեւ աշուն ձգելու համար:

— Սեպտեմբերին ընտրություն անելու միակ օրինական ճանապարհը՝ արտահերթ քաղաքապետ ընտրելն է, որպեսզի ամբողջությամբ լինի օրինական, ավագանին պետք է իր կազմից ընտրի նոր քաղաքապետ, մնացած բոլոր դեպքերը հակասում են եւ իրավաչափ չեն: Քաղաքապետի արտահերթ ընտրություններ անցկացնելու նիստը գումարելու պահից՝ այս պարագայում ապրիլի 11-ից սկսած, քաղաքապետարանի ավագանին պարտավոր է երկշաբաթյա ժամկետում ընտրել քաղաքապետ, եթե երկշաբաթյա ժամկետում չի ընտրում քաղաքապետ, ապա այդ պահից սկսած եւս երկու շաբաթվա ընթացքում  կառավարությունը պարտավոր է նշանակել նոր ընտրություններ, որից հետո ընտրությունը պետք է տեղի ունենա ոչ շուտ քան 30 եւ ոչ ուշ 40 օր հետո, սա է կարգը: Փաստացի, օրենսդրությամբ սահմանաված կարգով, մենք ունենք ապրիլի 11-ից երկու շաբաթ ժամկետ, որպեսզի ընտրվի քաղաքապետ, եթե այդ ժամկետում չի ընտրվում, հաշվի առնելով, որ քաղաքապետի հրաժարականից հետո մեկամսյա ժամկետում պետք է գումարվի քաղաքապետի արտահերթ ընտրությունների նիստ, այն նշանակվել է ամսի 11-ին: Հետեւաբար, այդ օրվանից սկսած, եթե քաղաքապետ չընտրվեց, երկշաբաթյա ժամկետում կառավարությունը պարտավոր կլինի կրճատել Երեւանի ավագանու ժամկետը, այսինքն՝ ցրել ավագանին եւ նշանակել նոր ընտրություններ: Օրը կորոշի Կենտրոնական ընտրական հանձնաժողովը, որը չի կարող լինել ավելի շուտ, քան 30 օրը եւ ավելի ուշ քան 40 օրը: Ըստ մամուլում հրապարակված եւ չհերքված լուրերի, իշխանությունը նպատակ ունի չանցկացնելու նիստը: Այսինքն՝ քվորում չեն ապահովելու, եւ նիստը տեղի չի ունենալու, եւ իրենք կարծում են, որ այդ ճանապարհով հնարավոր է կրճատել այդ երկշաբաթյա ժամկետը: Մինչդեռ օրենսդրության սկզբունքը, էությունը եւ տրամաբանությունը բոլորովին այլ է, այսինքն՝ գումարվում է ավագանու նիստ, որից հետո քվորման առկայության դեպքում նիստը իրականացվում է, կամ քվորման բացակայության դեպքում  նիստը չի իրականացվում: Հետեւաբար, նիստի գումարումը մեկամսյա ժակետում, որը որոշվել է ապրիլի 11-ին, պետք է լինի քաղաքապետի կամ նրա ժամանակավոր պաշտոնակատարի որոշմամբ, ինչը պարտավոր են անել, որովհետեւ դա օրենքի պահանջ է, պարտականությունների չկատարելը կառաջացնի որոշակի հետեւանքներ, այդ թվում` անգամ քրեական հետեւանք: Նիստը հենց գումարվեց, այդ ժամկետից սկսած, երկշաբաթյա ժամկետում ավագանին պետք է ընտրի քաղաքապետ:

— Իսկ «Հայրենիքը» որեւէ որոշում ունի՞, թե ինչ ձեւաչափով եք մասնակցելու քաղաքապետի ընտրություններին` լինի այն արտահերթ, թե հերթական:

— Մենք դեռ չունենք կուսակցական որոշում, մեր ներսի, ներկուսակցական  քննարկումները պարբերաբար իրականացվում են, հենց որոշումը լինի, դուք անպայման կիմանաք:

— Այսինքն՝ չե՞ք հերքում, որ կա քննարկում:

— Ոչ, այդպիսի ոչ հերքում կա, ոչ էլ հաստատում կա, կա ընդհանուր կուսակցական քաղաքական գիծ, որ ընդհանրապես պետք է մասնակից լինել քաղաքական պրոցեսներին: Բայց կոնկրետ քաղաքական պրոցեսի, այս պարագայում` Երեւանի քաղաքապետի ընտրության հետ կապված, կասեմ, երբ որ կլինի հստակություն, նախաձեռնություն, այդ ժամանակ նոր որոշում կլինի` մասնակցե՞լ այդ քաղաքական միջոցառմանը, թե՞ ոչ: Բայց ընդհանուր մոտեցումն այն է, որ քաղաքական ուժը պիտի մասնակցի քաղաքական պրոցեսներին:

Ս. ԱՍԱՏՐՅԱՆ

Հավանեցի՞ր հոդվածը, կիսվիր ընկերներիդ հետ