Այս ոչ ակնհայտ պատճառներով է, որ դուք չեք կարողանում նիհարել

Հրաժարվելով մթերքների պատկառելի ցանկից (ինչպես դա տեղի է ունենում կետո դիետայի կամ սպիտակուցային դիետայի դեպքում), դուք ձեր մարմինը մեծ սթրեսի եք ենթարկում: Ուստի նման հացադուլի ավարտից հետո միանգամայն հնարավոր է գիշերը հայտնվեք սառնարանի մոտ՝ երշիկը ձեռքին։

Ինքներդ ձեզ պարբերաբար սովամահ անելու փոխարեն, շարունակաբար զարգացրեք առողջ սնվելու սովորույթներ: Օրինակ՝ առանց շաքարի սուրճ և թեյ խմեք, գիշերն արագ սնունդ մի կերեք, քաղցր գազավորված ըմպելիքը փոխարինեք հանքային ջրով։

Սպիտակուցի անբավարարություն

Սպիտակուցը մեր մարմնի ցանկացած հյուսվածքի՝ մկանների, մազերի, եղունգների, մաշկի, ներքին օրգանների հիմնական շինանյութն է: Այն նաև կարևոր դեր է խաղում նիհարելու գործում, քանի որ երկար ժամանակ հագեցվածության զգացում է հաղորդում։

Որպես կանոն չափից շատ ուտում են նրանք, ովքեր բավարար քանակությամբ սպիտակուցներ չեն օգտագործում։ Ուստի խորհուրդ է տրվում օրական ուտել առնվազն 0,8 գրամ նյութ` մեկ կիլոգրամ մարմնի քաշի համար։ Սպիտակուցներ ամենաշատը պարունակվում են կարմիր խավիարում, սոյայում, պարմեզանում, հավի կրծքամսում, դդմի սերմերում և թունայում:

Սթրես

Մարմնում սթրեսի հորմոն կորտիզոլի ավելցուկով ճարպը կուտակվում է հիմնականում պարանոցի, դեմքի, կրծքավանդակի և որովայնի վրա: Ուստի կրկնակի կզակը, կուզը և կլոր դեմքը վկայում են հորմոնալ անհավասարակշռության մասին։

Կանոնավոր դիետաներն այստեղ չեն աշխատի. որքան էլ սահմանափակեք ձեր սնունդը, փորը կշարունակի մեծանալ, քանի որ կորտիզոլը մկանային զանգվածը վերածում է ճարպի։ Այս դեպքում սննդաբանները նախատեսում են աշխատել հոգեկանի հետ՝ վերացնել սթրեսը, ավելի շատ քայլել, ինչպես նաև հրաժարվել կոֆեինից՝ քունը նորմալացնելու համար:

Սնվելը բաց թողնելը

Օսակայի համալսարանի գիտնականները վստահ են, որ կալորիաների ավելցուկը կարող է խոչընդոտ դառնալ քաշի կորստի համար։ Նրանք ուսումնասիրել են 26000 ճապոնացի ուսանողների սնվելու վարքագիծը և պարզել, որ նրանց մոտ, ովքեր բաց են թողնում ընթրիքը, հետագայում քաշն ավելանում է 10%-ով:

Պատճառն այն է, որ երբ դուք պարբերաբար հրաժարվում եք կերակուրներից, ձեր նյութափոխանակությունը դանդաղում է։ Ուստի ճապոնացիները խորհուրդ են տալիս օրական չորս կամ հինգ անգամ քիչ քանակով սնունդ ընդունել՝ ճաշը կամ ընթրիքը բաց թողնելու փոխարեն:

http://ladynews.am/arm/news/9253/ays-och-aknhayt-pattsharnerov-e-or-duq-cheq-karoghanum-niharel

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝