Նորայր Մեհրաբյանի հրաժեշտի արարողությունից հեռացա ծանր զգացումով և մի հարցով, որը հանգիստ չի տալիս․ Բալմանուկյան ՔՊ-ում թեւերի են բաժանվել․ ԲԱՄԲԱՍԱՆՔ Բռունցքներ՝ եթերում, ինտրիգներ՝ իշխանության ներսում Ինչու Աննան «կաստրուլկաներով» չի չխկչխկացնում Նիկոլի ականջին․ ԶԱՐՄԱՆՔ Պուտին–Թրամփ–Սի հանդիպումը կարող է դառնալ «ողջ մարդկության համար հզոր ազդանշան» Փաշինյանը` թուրք–ադրբեջանական «կաբելի» դերում Մանդատները վայր դրեք եւ Նիկոլը կհայտնվի մութ սենյակում․ Հովիկ Աղազարյան (ԱՆՈՆՍ) Կյանքից հեռացել է ՀՀ ժողովրդական արտիստ Հակոբ Ազիզյանը Վլադիմիր Պուտինն իր հետ միջուկային ճամպրուկը տարել է Չինաստան (Տեսանյութ) Տարադրամի փոխարժեքները նոյեմբերի 18-ին

Թիվ մեկ խնդիրը` վառելիքի խնդիրն է, ինչն էլ իր հետ կբերի զուգահեռ նաեւ ջրի խնդրի. ԱՀ Գյուղնախարարը ահազանգում է

Հանդիպում

2022 թվականի դեկտեմբերի 12-ից Արցախի Հանրապետությունը գտնվում է լիակատար շրջափակման մեջ, որն ավելի ահագնացավ հունիսի 15-ից սկսած: Այսօր Արցախի շուրջ առկա է հավաքական ակտը՝ բլոկադան, որը պատերազմի մեթոդ է, կամ պատերազմի նախապատրաստման ակտ, ցույց է տալիս, որ Ադրբեջանը տարածաշրջանում ոչ թե սպառնալիք, այլ վտանգ է ներկայացնում:

Արցախի կառավարության կողմից հսկայական ջանքեր են գործադրվում, որպեսզի խուսափեն հումանիտար աղետից, ցավոք, սակայն իրավիճակը բարդանում է օրեցօր․բոլոր տեսակի ապրանքների պակաս կա, մասնավորապես՝ առաջին անհրաժեշտության ապրանքների:

Իսկ, թե ի՞նչ գյուղատնտեսական խնդիրներ է իր հետ բերել լիակատար շրջափակումը բերքահավաքի եռուն փուլում փորձել ենք հետաքրքրվել ԱՀ գյուղատնտեսության նախարար Գեորգի Հայրիյանից, ով նախ փաստեց.

-Արցախի Հանրապետության կառավարությունը շրջափակման ողջ ընթացքում տարբեր ծրագրերի միջոցով սատար է կանգնել գյուղատնտեսության ոլորտում տնտեսավարողներին՝ փորձելով մեղմացնել բլոկադայի բացասական ազդեցությունը տնտեսության այս ճյուղի վրա:

Այս պահին սկսվել է բերքահավաքի սեզոնը` կարտոֆիլի, տարբեր բանջարաբոստանային կուլտուրանների մասով: Հենց գյուղատնտեսական ապրանքների շնորհիվ է, որ մեզ հաջողվում է քիչ թե շատ մեղմել պարենային ճգնաժամը, այս պահին հաշվարկներ են իրականացվում, որպեսզի կարողանանք հավասարաչափ ըստ տարածքների բաշխել: Ճիշտ է այս պահին բաջարեղենի քանակը լրիվությամբ չի բավարարում, բայց որոշակի քանակ ունենք: Հացահատիկային կուլտուրանների մասով եւս այս պահի խնդիրներ չունենք, բայց իրական պատկերը կարող ենք ասել միայն բերքահավաքի աշխատանքների ավարտին:

-Սահմամամերձ հատվածներում գյուղատնտեսական աշխատանքներ կատարվո՞ւմ են, թե՞ թշնամին թիրախավորում ա ու խոչընդոտում է նաեւ այդ աշխատանքներին:

-Սահմանամերձ շրջաններում անձրեւների պատճառով բերքահավաքը դեռ չի մեկնարկել, հենց սկսենք այդ ժամանակ հստակ կարող եմ պատասխանել Ձեր հարցին: 

-Պարոն Հայրիյան, 44-օրյա պատերազմից հետո մեծաթիվ ջերմոցային տնտեսություններ էին ներդրվել, էներգետիկ խնդիրներով պայմանավորված հաջողվում է ջերմոցները պահպաննել:

-Ներկա դրությամբ ջերմոցային տնտեսությունների աշխատանքները կազմակերպվում են ինչպես հարկն է, քանի որ ջեռուցում այս պահին չի իրականացվում օդի  ջերմաստիճանը բավարարում է, իսկ օդափոխության համար էլեկտրաէներգիան բավականացնում է: Այս պահին ոռոգման ջրի հետ կապված եւս որեւէ խնդիր չունենք:  Ընդհանուր առմամբ այս պահին գյուղատնտեսական սուր խնդիրներ չունենք, բայց ես չգիտեմ ինչքան կտեւի բլոկադան, որովհետեւ, եթե այն երկար տեւի, ապա իր հետ կբերի գյուղատնտեսության զարգացմանը խոչընդոտող թիվ մեկ խնդիրը` վառելիքի խնդիրն է,  ինչն էլ իր հետ կբերի զուգահեռ  նաեւ ջրի խնդրի:

-Եթե Արցախը ապաշրջափակվի, եղած խնդիրներն էլ լուծվեն, Արցախը եղած ռեսուրսներով գյուղատնտեսական առումով կհասնի՞ ինքնաբավության:

-Այդ հարցին դժվար է պատասխանել, որովհետեւ մինչեւ բերքահավաքը չավարտի, բերքը հավաքելուց հետո միայն կարող եմ հստակ պատասխանել Ձեր հարցին: 

Հավանեցի՞ր հոդվածը, կիսվիր ընկերներիդ հետ