Ես տեղափոխվում եմ Հայաստան. Դենիս Ջորկաեֆը առաջադրվել է որպես ՀՖՖ նախագահի թեկնածու Լեվոն Զուրաբյան VS Նիկոլ Փաշինյան Ակրոպոլիս թանգարանում բացվել է «Հին Հայաստան» միջազգային ցուցահանդեսը Ջրամատակարարման ընդհատումներ են տեղի ունեցել Կիևի հինգ շրջաններում Բրիտանիան ցանկանում է վերադառնալ ԵՄ. Brexit-ը չափազանց թանկ էր. The Times Մելանյա Թրամփը հնարավոր է համարում Ուկրաինայում հրադադարը մինչև Սուրբ Ծնունդ Քո մասին այնպիսի ճշմարտություն կասեմ, ստիպված կլինես փախչել նաեւ ՌԴ-ից․ Դանիելյանը՝ Պիպոյին Մեզ այսօր շատ են պակասում Մոնթեի պես հայերը․ Հռիփսիմե Նահապետյան Հայաստանի նկարիչների միությունը նոր նախագահ ունի Իրական դեպքեր, բարդություններ եւ նոր բացահայտումներ․ «Մոնթե» ֆիլմը շուտով մեծ էկրաններին

Փաշինյանի հարցազրույցը EURONEWS -ին համաշխարհային քաղաքականության մեջ Հայաստանն ու Արցախը մուրացկանի վերածած ավանտյուրիստի գյալաջի էր. Արմեն Աշոտյան

Զարկերակ
Փաշինյանի հարցազրույցը EURONEWS -ին պրիմիտիվ, ազգային շահերի հետ ոչ մի կապ չունեցող, համաշխարհային քաղաքականության մեջ Հայաստանն ու Արցախը մուրացկանի վերածած ավանտյուրիստի գյալաջի էր։
Սակայն այդ կանխատեսելի բառակույտի մեջ մեկ դրվագ հատկապես ականջ ծակեց, քանզի առաջին անգամ էր հնչում և տակը թաքնված նպատակ ուներ։
Խոսելով ադրբեջանական ժողովրդին դիմելու հնարավորության մասին` Նիկոլն ասաց, որ երբ ղեկավարները խոսում են, ապա փաստացի խոսում են ժողովուրդները, որովհետև (այստեղ` ուշադրություն) թե մեկը (այսինքն` Նիկոլը), թե մյուսը (այսինքն` Ալիևը) ընտրված են իրենց ժողովուրդների կողմից։
Դնում եմ մի կողմ Նիկոլի «ընտրված» լինելու հարցը։ Այստեղ զարհուրելի է Ալիևին «ընտրված» անվանելու փաստը։
Եվրոպայի խորհրդի ամենաավտորիտար, ամենակոռումպացված, ամենահակաժողովրդավարական պետություններից մեկի ղեկավարին իրեն հարգող ոչ մի մարդ այդպես չի կոչել։
Կարծո՞ւմ եք, սա շողոքորթությո՞ւն էր, արևելյան շիրոտ հաճոյախոսությո՞ւն, ակնհայտ քծնա՞նք։ Գուցե, բայց այդ դեպքում նույն հաջողությամբ Նիկոլը Ալիևին կարող էր կոչել կապուտաչյա Ապոլլոն։
Իրականում Ալիևին անվանելով սեփական ժողովրդի կողմից ընտրված` Փաշինյանը նոր, մեկ այլ ստոր հարված հասցրեց առանց այդ էլ թուլացող հայկական դիրքերին։ Չէ՞ որ բոլոր բանական և բարոյական գործիչները թե Հայաստանում, թե դրսում պնդում են, որ սեփական քաղաքացիների բոլոր հիմնարար իրավունքները ոտնահարող Ալիևը չի կարող երաշխավորել Արցախի ժողովրդի իրավունքներն ու անվտանգությունը։
Եվ ահա Հայաստանի «վարչապետը» ընտրված է համարում իր բռնապետ գործընկերոջը։
ԱՐՄԵՆ ԱՇՈՏՅԱՆ
ՀՀԿ փոխնախագահ
«Նուբարաշեն» ՔԿՀ
04.08.2023

Հավանեցի՞ր հոդվածը, կիսվիր ընկերներիդ հետ