Մի ամբողջ կյանք միմյանց սիրող ու գնահատող Մերիլ Սթրիփը եւ Դոն Գամերը

Արդեն 45 տարի է 74-ամյա Մերիլ Սթրիփը եւ 75-ամյա Դոն Գամերն ամուսնացած են ու միմյանց շարունակում են նայել սիրահարված աչքերով: Նրանք 4 երեխա ունեն, կայացել են որպես մասնագետներ ու, ամենակարեւորը, չեն դադարել գնահատել ու սիրել միմյանց: BRAVO.am-ը պատմում է մերօրյա ամենահայտնի դերասանուհիներից մեկի կյանքի ու ընտանիքի մասին:

Կարիերայի սկիզբը

Մերի Լուիզա Սթրիփի վրա մեծ ազդեցություն է ունեցել նկարչուհի մայրը: Նա մանկուց է դստերը ծանոթացրել արվեստին ու 12 տարեկանում նրա համար երգի ուսուցչուհի վարձել: Դպրոցն ավարտելուց հետո Սթրիփը միանգամից է որոշել, թե ինչով է ցանկանում զբաղվել:

Նա քոլեջում դերասանի վարպետություն է սովորել, ապա շահել Եյլի համալսարանի դրամատիկ դպրոցում 3 տարի անվճար սովորելու դրամաշնորհ: Ավարտելուց հետո ստացել է արվեստի մագիստրոսի կոչում ու ընտրել Մերիլ Սթրիփ անունը: Իր տաղանդի շնորհիվ Բրոդվեյում դերեր է ստացել Շեքսպիրի, Միլլերի, Ուիլյամսի պիեսներում, «Թոնի» թատերական մրցանակի արժանացել, չնայած այդ հաջողությանը՝ կինոյում մեծ դերեր քիչ էին բաժին հասնում՝ համաձայնվում էր եղած առաջարկություններին: Առաջընթաց եղավ «Եղնիկների որսորդը» ֆիլմից հետո, որում նա գլխավոր դեր մարմնավորեց ու առաջին անգամ առաջադրվեց Օսկարի:

Գտած ու կորցրած սերը

Կարիերային զուգահեռ բուռն կերպով զարգանում էին նրա հարաբերությունները դերասան Ջոն Կազալեի հետ, ծանոթացել էին 1976 թվականին ներկայացման փորձերի ժամանակ: Հենց նա է Մերիլին օգնել հայտնվել իր առաջին՝ «Ջուլիա» ֆիլմում: Շատերի համար 40-ամյա դերասանի ու երիտասարդ Սթրիփի սիրավեպը հանելուկ էր, մինչդեռ Մերիլը սիրում էր սիրալիր ու մի քիչ ցրված Ջոնին, որը հավատում էր նրա հաջողություններին:

1978թ. նա Մերիլին համոզեց մեկնել «Հոլոքոստ» սերիալի նկարահանումներին, արդեն իմացել էր որ անբուժելի հիվանդ է եւ չէր ցանկանում, որ դերասանուհին խնամի իրեն: Սթրիփը մեկնեց Ավստրիա ու վերադառնալուց հետո իմացավ, որ սիրելին ի վիճակի չէ վեր կենալ անկողնուց: Կազալեի կյանքի վերջին 3 ամիսների ամեն օրը հիվանդանոցում էր անցկացնում:

Նրա մահից կես տարի անց դերասանուհու կյանքում հայտնվեց նոր երկրպագու՝ քանդակագործ Դոն Գամերը, որը նրա եղբոր ընկերներից էր: Իմանալով Մերիլի ծանր դրության մասին (Կազալեի մահից հետո Մերիլ ապրելու տեղ չուներ), առաջարկեց իր բնակարանը, քանի որ պատրաստվում էր 6 ամսով մեկնել շուրջերկրյա ճանապարհորդության:

https://bravo.am/news/77563

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝