Բրիթնի Սփիրսն ու Սեմ Ասգարին ամուսնալուծվում են մեկ տարվա ամուսնությունից հետո

Բրիթնի Սփիրսն ու Սեմ Ասգարին ամուսնալուծվում են մեկ տարվա ամուսնությունից հետո։ Այս մասին հայտնում է TMZ հրատարակությունը։

Ըստ հրապարակման՝ ամուսինների միջեւ կոնֆլիկտը  տեղի է ունեցել երգչուհու դավաճանությունների մասին լուրերի պատճառով։ Դրանից հետո Ասղարին տեղափոխվել է եւ պատրաստվում է ամուսնալուծության հայց ներկայացնել։ Հստակեցվում է, որ Սփիրսը փաստաբաններ է վարձել։Հրատարակությունը հավելում է, որ 41-ամյա Բրիթնի Սփիրսի եւ 29-ամյա Սեմ Ասգարիի հարաբերությունները վաղուց լավ չէին՝ նրանք հաճախ կռվում էին, իսկ երբեմն նույնիսկ ծեծկռտոցի էին անցնում։

Բրիթնի Սփիրսն ու Սեմ Ասգարին ամուսնացել էին անցյալ տարվա ամռան սկզբին։ Հարսանիքին ներկա էին աստղերից մի քանիսը, որոնց հետ երգչուհին ընկերություն է արել, այդ թվում՝ Փերիս Հիլթոնն ու Սելենա Գոմեսը։ Բրիթնիի ընտանիքի անդամները, որոնցից նա վիրավորված էր խնամակալության պատմության պատճառով, չէին հրավիրվել տոնակատարությանը։

Սփիրսի ամուսնության հետ կապված խնդիրների մասին լուրերը  համացանցում հայտնվեցին այս ամառ․ նա արձակուրդ էր մեկնել առանց ամուսնու, բայց ընկերոջ հետ, մինչդեռ Ասգարիին նկատել էին առանց մատանու։ Ավելի ուշ նրանք հերքեցին այս լուրերը եւ նորից սկսեցին Instagram-ում համատեղ լուսանկարներ եւ տեսանյութեր հրապարակել։

https://bravo.am/news/77568

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝