Նորայր Մեհրաբյանի հրաժեշտի արարողությունից հեռացա ծանր զգացումով և մի հարցով, որը հանգիստ չի տալիս․ Բալմանուկյան ՔՊ-ում թեւերի են բաժանվել․ ԲԱՄԲԱՍԱՆՔ Բռունցքներ՝ եթերում, ինտրիգներ՝ իշխանության ներսում Ինչու Աննան «կաստրուլկաներով» չի չխկչխկացնում Նիկոլի ականջին․ ԶԱՐՄԱՆՔ Պուտին–Թրամփ–Սի հանդիպումը կարող է դառնալ «ողջ մարդկության համար հզոր ազդանշան» Փաշինյանը` թուրք–ադրբեջանական «կաբելի» դերում Մանդատները վայր դրեք եւ Նիկոլը կհայտնվի մութ սենյակում․ Հովիկ Աղազարյան (ԱՆՈՆՍ) Կյանքից հեռացել է ՀՀ ժողովրդական արտիստ Հակոբ Ազիզյանը Վլադիմիր Պուտինն իր հետ միջուկային ճամպրուկը տարել է Չինաստան (Տեսանյութ) Տարադրամի փոխարժեքները նոյեմբերի 18-ին

ՌԴ-ի նկատմամբ նման թշնամական քայլը ուղիղ ազդելու է հայ-ռուսական հարաբերությունների վրա.Ռուսական մշակույթի միջազգային կենտրոնի նախագահը` Հռոմի ստատուտի վավերացման մասին

Հանդիպում

Նախօրեին Ազգային ժողովը 60 կողմ 22 դեմ ձայներով ընդունեց Միջազգային քրեական դատարանի Կանոնադրությունը  (Հռոմի ստատուտ) վավերացնելու և հետադարձ ուժով իրավազորությունը ճանաչելու մասին հայտարարության օրենքի նախագիծը:

«Հարմոնիա» ռուսական մշակույթի միջազգային կենտրոնի նախագահ Աիդա Հարությունյանը «Իրավունքի» հետ զրույցում անդրադառնալով վավերցված ստատուտին վրդովված նկատեց.

-Հռոմի ստատուտի վավերացմանը դեմ եմ, ավելին` ես համարում եմ, որ այս պահին ՌԴ-ի նկատմամբ նման թշնամական քայլը ուղիղ ազդելու է հայ-ռուսական հարաբերությունների վրա, սա սեպ էր խրված հայ-ռուսական դարավոր բարեկամության վրա:

-Իսկ, ինչպե՞ս եք վերաբերում, որ ռուսական համայնքի իշխանական ներկայացուցիչը Աժ-ում կողմ քվերակեց Հռոմի ստատուտին: Ձեզ հետ, որպես ռուսական համայնքի ներկայացուցի չի՞ քննարկվել է առհասարակ այս հարցը ՔՊ-ի պատգամավորի կողմից:

-Նախ ես համարում եմ, որ սխալ է արել մեր ներկայուցիչը ԱԺ-ում քվերարկելով կողմ, բայց միեւնույն ժամանակ ուզում եմ տեղեկացնել, որ պատգամավորը մեր տեսակետը չի հարցրել, չի քննարկել: Կարծում եմ, որ նա այդպիսով բացառապես իր դիրքոշումն է հայտնել: Գիտեք, ՀՀ-ում կան բազմաթիվ ռուսական համայնքի ներկայացուցիչներ, բայց կազմակերպությունների մեջ էլ այդ հարցը չի քննարկվել:

-Լավ, ի՞նչ սպասել, վավերացումից հետո:

-Իսկ այսօր որեւէ մեկը կարո՞ղ է պատասխանել, թե ինչ է մեզ սպասվում, օրինակ հենց վաղը: Ակնհայտ է մի բան` Ռուսաստանը սա ընկալում է, մեղմ ասած, ոչ բարեկամական քայլ, իսկ, թե ինչ կհաջորդի այս ամենին դժվար է ասել: Ես ինքս մեծ ցավ եմ ապրում, որ հայ ղեկավարությունը որոշել է գնալ ՌԴ-ի հետ հարաբերությունների ուղիղ սրման, այլ բան ասել չեմ կարող:

-Ձեր կազմակերպությունը որեւէ կերպ ընդվզելո՞ւ է ստեղծված իրավիճակին:

-Մեր կազմակերպության կանոնադրության մեջ հտակ գրված է, որ մենք չենք զբաղվում քաղաքականությամբ, ուղղակի իրավունք չունենք զբաղվելու: Վերը նշվածն էլ իմ անձնական կարծիքն է: 

 

Հավանեցի՞ր հոդվածը, կիսվիր ընկերներիդ հետ