Նորայր Մեհրաբյանի հրաժեշտի արարողությունից հեռացա ծանր զգացումով և մի հարցով, որը հանգիստ չի տալիս․ Բալմանուկյան ՔՊ-ում թեւերի են բաժանվել․ ԲԱՄԲԱՍԱՆՔ Բռունցքներ՝ եթերում, ինտրիգներ՝ իշխանության ներսում Ինչու Աննան «կաստրուլկաներով» չի չխկչխկացնում Նիկոլի ականջին․ ԶԱՐՄԱՆՔ Պուտին–Թրամփ–Սի հանդիպումը կարող է դառնալ «ողջ մարդկության համար հզոր ազդանշան» Փաշինյանը` թուրք–ադրբեջանական «կաբելի» դերում Մանդատները վայր դրեք եւ Նիկոլը կհայտնվի մութ սենյակում․ Հովիկ Աղազարյան (ԱՆՈՆՍ) Կյանքից հեռացել է ՀՀ ժողովրդական արտիստ Հակոբ Ազիզյանը Վլադիմիր Պուտինն իր հետ միջուկային ճամպրուկը տարել է Չինաստան (Տեսանյութ) Տարադրամի փոխարժեքները նոյեմբերի 18-ին

ՍԻՄ կուսակցության անդամները` Հայկ Բաբուխանյանի գլխավորությամբ այցելեցին եւ իրենց աջակցությունը փոխանցեցին արցախահայ ընտանիքներին. Տեսանյութ

Հանդիպում

Արցախից բռնի տեղահանված Մասիս խոշարացված համայնքի Դարակերտ համայնքում ապաստանած ընտանիքներին տեսակցելու էին գնացել ՍԻՄ  կուսակցության անդամները` կուսակցության նախագահ Հայկ Բաբուխանյանի գլխավորությամբ`  իրենց հետ տանելով  քաղցրավենիքներ,  տաք հագուստ, առաջին անհրաժեշտության իրեր և հիգիենայի պարագաներ:

ՍԻՄ կուսակցության նախագահին համայնքում դիմավորեցին Դարակերտ համայնքի ղեկավար Դանիել Պետրոսյանը եւ Դարակերտի առողջության առաջնային պահպանման կենտրոնի Էռնեստ Բալույանցը: Կուսակցության նախագահին ներկայացվեց արցախահայ մեր հայրենակիցների առաջնային խնդիրները եւ, թե ինչ արվում համայնքի կողմից այդ խնդիրների լուծման նպատակով:

Համայնքի ղեկավարը նշում է, որ ընդհանուր առմամբ Մասիս խոշորացված համայնքը իր հարկի տակ ընդունել է շուրջ 11 հազար արցախահայ ընտանիք, որից 11-ը ապաստան են գտել Դարակերտ համայնքում: Այստեղ ապաստանած ընտանիքներից մեկը Արցախից բռնի տեղահանվել է սեպտեմբերի 24-ին, երբ Մարտակերտում այլեւս վխտում էին թշնամու զինված հրոսակախմբերը, ովքեր մորթում, ամենադաժան ձեևով սպանում էին միայնակ կանանց` չխնայելով անգամ մանուկներին:

Երեք անչափահաս երեխաների մայր` Անին շատ է կարոտում իր հայրենի Մարտակերտը: Արցունքն աչքերին է վերհիշում իրենց երջանիկ ընտանիքը եւ չարաբաստիկ սեպտեմբերի 19-ը, երբ ժամերի ընթացքում քաղաքը վերածվեց ռազմի դաշտի. «Վազում էինք ով ուր հասներ, ոտաբոբիկ, մի տապչկայով, մենակ  թե հասցնեինք մեր երեխաներին ապաստարաններ: Տղամարդիկ առաջնագծում էին, մի մասն էլ` քաղաքն էր պաշտպանում, բայց սեպտեմբերի 24-ից հետո այլեւս պայքարն անիմաստ էր, թշնամին հասել էր մեր տները: Մարտակակերտի վարչական ղեկավարը մեզ թույլ չտվեց գոնե մի արժեքավոր իր մեր տներից վերցնենք, ասեց, որ թույլ չեն տալու Հակարի կամրջից անցկացնելը, անգամ անձնական փաստաթղթերը մեզ խորհուրդ տվեց լուսանկարել` մտավախություն ունենալով, որ դա էլ կվերցնեն ձեռքներիցս»:

Անին թեեւ շատ է կարոտում հայրենի քաղաքը, բայց վերադարձի մասին էլ, ցավոք չի կարող մտածել, վստահեցնում է. «Քանի Արցախը Ադրբեջանի կազմում է, մեր վերադարձն անհնար է»:

Մանրամասները «Իրավունք TV»-ի ռեպորտաժում

Հավանեցի՞ր հոդվածը, կիսվիր ընկերներիդ հետ