Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան

ՌԴ-ն շարունակում է մնալ ՀՀ տնտեսության զարգացման պրոգրեսը ապահովվող հիմնաքարային երկիրը.

Տնտեսություն

Ազգային ժողովում շարունակվում են «ՀՀ 2024 թվականի պետական բյուջեի մասին» ՀՀ օրենքի նախագծի նախնական քննարկումները:  Ինչպիսին է 2024թ.-ի պետբյուջեն հարցի պատասխանը փորձել ենք ստանալ տնտեսագիտության դոկտոր, պրոֆեսոր, ՌԴ բնական գիտությունների ակադեմիայի անդամ Վարդան Բոստանջյանից, ով նախ նկատեց.

-Ընդհանուր առմամբ տնտեսական աճի և ակտիվության տեմպերը շարունակում են բարձր մնալ եւ կանախտեսվող ցուցանիշները չի կարելի վատը գնահատել: Երկնիշ տնտեսական աճը պահպանվել է նաև այս տարվա ընթացքում. առաջին եռամսյակում գրանցվել է 10.5% տնտեսական աճ, իսկ հունվար-օգոստոսին՝ 10.4% տնտեսական ակտիվության ցուցանիշի աճ։ Այս պայմաններում 2023թ. տնտեսական աճը կանխատեսվում է ՀՀ կառավարության թիրախավորած 7%-ի շրջանակներում և ներկա միտումների պահպանման պայմաններում կարող է ավելին լինել: 2024թ. ևս թիրախավորված է ապահովել 7% տնտեսական աճ և Հարկեր/ՀՆԱ ցուցանիշի բարելավում շուրջ 0.75%-ին կետով, ինչի արդյունքում հարկային եկամուտները կկազմեն 2,566 մլրդ դրամ՝ ավելի լինելով 2023 թվականի ճշտված բյուջեի հարկային եկամուտներից 342 մլրդ դրամով կամ 15.4 %-ով: Չնայած տնտեսական աճի զգալի մասն ապահովել է ծառայությունների ճյուղը, սակայն աճը համատարած է եղել՝ դրսևորվելով գրեթե բոլոր ճյուղերում։ Ընդ որում, տնտեսությունում որակական տեղաշարժեր են տեղի ունեցել՝ մեծացնելով ՀՀ տնտեսության ներուժը։

2024թ. բյուջեն շարունակությունն է նախորդ տարիների իրականացվող քաղաքականությունների: Ծախսերը կկազմեն 3 տրիլիոն 17 մլրդ դրամ՝ գերազանցելով 2023 թվականի ճշտված բյուջեի ծախսերը շուրջ 415 մլրդ դրամով կամ շուրջ 15.9%-ով, որից կապիտալ ծախսերը կկազմեն 695 մլրդ դրամ՝ ավելի լինելով 2023 թվականի կապիտալ ծախսերից 126 մլրդ դրամով կամ 22%-ով:

-Կոնկրետ ոլորտների մասով որեւէ նկատառում ունե՞ք:

-Ո՛չ, գիտեք ինչո՞ւ, որովհետեւ ինձ մոտ կա 2020-2023թ. կտրվածքով նախատեսվող աճի տեմպերը եւ այստեղ երեք հարյուր միլիարդ դրամի չափով եկամուտներն են շատացել: Այդ եկամուտների ավելացումը համամասնորեն, ինչպես նախորդ տարիներին բաշխված է ըստ ծախսային հոդվածների, այլ բան անել չէին էլ կարող: Այստեղ միայն սոցիալական ոլորտին վերաբերող ծախսերի կտրվածքով, կարելի էր, թերեւս նախատեսել կենսաթոշակային ֆոնդի ավելացում:

-Պարոն Բոստանջյան եկամուտների աճի մեջ ինչ դերակատարում ունի ՌԴ-ն:

-Չափազանց մեծ եւ դա ակնհայտ փաստ է, եւ այ՛ո, այսօրվա  տնտեսական թռիչքը մեծաես պայմանավորված է նաեւ արտաքին աշխարհից ներհոսող գումարներով, մասնավորապես ՌԴ-ից: Եվ չենք կարող չարձանագրել, որ ՌԴ շարունակում է մնալ  ՀՀ տնտեսության զարգացման պրոգրեսը ապահովվող հիմնաքարային երկիր: 

 

Հավանեցի՞ր հոդվածը, կիսվիր ընկերներիդ հետ