Նորայր Մեհրաբյանի հրաժեշտի արարողությունից հեռացա ծանր զգացումով և մի հարցով, որը հանգիստ չի տալիս․ Բալմանուկյան ՔՊ-ում թեւերի են բաժանվել․ ԲԱՄԲԱՍԱՆՔ Բռունցքներ՝ եթերում, ինտրիգներ՝ իշխանության ներսում Ինչու Աննան «կաստրուլկաներով» չի չխկչխկացնում Նիկոլի ականջին․ ԶԱՐՄԱՆՔ Պուտին–Թրամփ–Սի հանդիպումը կարող է դառնալ «ողջ մարդկության համար հզոր ազդանշան» Փաշինյանը` թուրք–ադրբեջանական «կաբելի» դերում Մանդատները վայր դրեք եւ Նիկոլը կհայտնվի մութ սենյակում․ Հովիկ Աղազարյան (ԱՆՈՆՍ) Կյանքից հեռացել է ՀՀ ժողովրդական արտիստ Հակոբ Ազիզյանը Վլադիմիր Պուտինն իր հետ միջուկային ճամպրուկը տարել է Չինաստան (Տեսանյութ) Տարադրամի փոխարժեքները նոյեմբերի 18-ին

ՔՊ-ից ովքե՞ր անվստահություն կհայտնեն Փաշինյանին. մեկնաբանում է Արման Աբովյանը

Հանդիպում

«Իրավունքի» զրուցակիցն է ԱԺ նախկին պատգամավոր, քաղաքական մեկնաբան ԱՐՄԱՆ ԱԲՈՎՅԱՆԸ:

— Կարծես թե, Նիկոլ Փաշինյանի հրաժարականին հասնել իմպիչմենթի գործընթացով չի ստացվում, 2018-ի տեխնոլոգիաներով իրավիճակ թելադրել փողոցով` եւս, ի՞նչ գործիքակազմ է մնում, որով կարող է Բագրատ սրբազանի առաջնորդած շարժումը հաջողել:

— Միանգամից ասեմ, որ ո՛չ իմպիչմենթի, ո՛չ այլ պրոցեսների հետ կապված, ոչինչ նշել չեմ կարող, քանի որ չեմ հանդիսանում գործընթացի գեներացնող կողմ: Ես Հայ Առաքելական եկեղեցու զավակ եմ եւ ընդամենը, որպես քրիստոնյա մարդ, աջակցում եմ եկեղեցու բոլոր քայլերին: Թերեւս այսքանը: Եվ համարում եմ սխալ այս փուլում մեծ խորհուրդներով մտնել պրոցեսի մեջ: Ես զերծ եմ մնում այդ ամենից եւ դիրքավորում եմ ինձ ընդամենը` որպես հայ քրիստոնյա:

— Այնուհանդերձ, ըստ Ձեզ, ո՞վ կարող է լինել այն կոմպրոմիսային վարչապետի թեկնածուն, եթե Բագրատ սրբազանի թեկնածությունն առաջադրելը չստացվի:

— Չգիտեմ, թույլ տվեք չմեկնաբանել` այն պարզ պատճառով, որ սա կրկին այն տիրույթում է, որի մեջ ես միտումնավոր չեմ ուզում մտնել:

— Ի դեպ, Բագրատ սրբազանի շարժումը ամեն կերպ փորձ է արվում աշխարհաքաղաքական տարբեր կենտրոնների հետ կապել: Ստվերային կողմ կա՞ այս ամենի մեջ:

— Ո՛չ, չեմ տեսնում: Սա եկեղեցու, հայ մարդու ընդվզումն է, որն ունի շատ հստակ հենք` չենք ուզում գնալ թուրքի երախը: Այդքան բան:

— Ադրբեջանական մամուլը ողողված է լուրերով, թե` Նիկոլ Փաշինյանին հեռացնելու դեպքում` պատերազմ է լինելու: Ի՞նչ կասեք այս մասին:

— Հետեւությունները թողնում եմ մեր քաղաքացիներին եւ կարծում եմ` ամեն ինչ ավելի քան ակնհայտ է:

— Դուք աշխատել եք ՔՊ-ական պատգամավորների հետ նույն գումարման խորհրդարանում: Թերեւս գիտեք նաեւ նրանցից շատերի հոգեբանությունը: Ըստ Ձեզ` նրանց շարքերը կուռ կմնա՞ն, թե՞ կգտնվեն 18-20 պատգամավոր, որոնք անվստահություն կհայտնեն Նիկոլ Փաշինյանին:

— Այո, եղել եմ խորհրդարանի պատգամավոր եւ գործի բերումով ուզած-չուզած շփվել եմ: Ինչ վերաբերում է Ձեր հարցին` թույլ տվեք այն թողնել` առանց մեկնաբանության:

ՀՐԱՆՏ ՍԱՐԱՖՅԱՆ

Հավանեցի՞ր հոդվածը, կիսվիր ընկերներիդ հետ