Լավ հիշեք այս օրերը, տարիներ հետո սրա համար եւս ներողության աղերսներ են լինելու

Երկու օր է խորհրդարանը եռում է. Հայ Եկեղեցու դեմ ՔՊ-ականները էլ ինչ գիտեն ասում են, նույնիսկ ոմանք այս ընթացքում հասցրել են Աստվածաշունչ կարդալ՝ թեման «խորքային» տիրապետելու համար: Այս մարդիկ այնքան են «ազարտի» մեջ ընկել, որ սարն ու քարը խառնել են ծովի ու լճի հետ: Ամենից ֆանտաստիկը Կոնջոյանն էր՝ էլ քաղաքական հայդուկներ, էլ քաղաքական հեթանոսներ որակումներով, տպավորություն է, թե այս մարդը լավ ու փիս բառերը միքսել է քաղաքական բառով ու ստացել է պախարակիչ մի արտահայտություն:

Դե պարզ է, էլ ինչ ՔՊ-ական ատելության խոսք՝ առանց Փաշինյանի, սա էլ այնքան էր ընկել «ազարտի» մեջ, որ կոկա-կոլան խառնել էր կիլոյանոց խաչերի հետ, անհասկանալի մեջբերումներ են անում Եկեղեցական թեմերից, խոսում հպատակ լինելու մասին, կարծես, ինքը Ալիեւի հպատակը չէ: Իսկ վերջում էլ Փաշինյանը ասաց, որ Պապ թագավորն էլ չի սպանվի:

Թվում է, թե ՔՊ-ն այսօր 10-ից 10 խփեց ու արդեն վերջ՝ կարող են հանգիստ լինել Հայ Եկեղեցուն նվաստացրել են, պատմությունը խառնել են, իրենք էլ մաքրվել են, բայց այս մարդիկ չեն հասկանում, որ Հայաստանում իրողություն է փոխվել, մարդիկ այս մարդկանց ստերի պատճառով այսօր անտուն են մնացել, բազմաթիվ ընտանիքներ կորցրել են իրենց տան ճրագը՝ մեկը զավակին, մյուսը տան հորը, երրորդն անտուն է մնացել: Հայաստանում երեխաներ մեծացնող ծնողները մտահոգ են, չգիտեն վաղը իրենց երեխաների ապագան ինչ է լինելու, դպրոցը այն չէ, համալսարանը շուտով այն չի լինի, աշխատելուց դառնալու են տունգանքի մատերյալ կամ հարկ վճարող ընտրող զանգված, իսկ բանակ գնացող տղան հարց է՝ վերադառնալու է, թե՝ ոչ: Չնայածա Փաշինյանն ու իր խմբավորումն այս ամենը ներկայացնում է իբրեւ ձեռքբերում, իսկ եեղեցուն «ձեռքբերումների» խանգարող, բայց հարցը սրանից չի փոխվում. մարդիկ վախենում են, որ Հայաստանի ղեկավարը անհասկանալի կերպար է՝ ոչ հավասարակշիռ կեցվածքով ու, եթե վաղը ժողովուրդը ունենա նոր թեկնածու, Փաշինյանին նետելու է քաղաքական աղբամանը: Ու ինչպես կասեր Կոնջոյանը, հենց իրենք՝ նիկոլականներն են դառնալու քաղաքական մուրացկաններ: Լավ հիշեք այս օրերը, տարիներ հետո սրա համար եւս ներողության աղերսներ են լինելու:

ՀՐԱՆՏ ՍԱՐԱՖՅԱՆ