Երեք սխալ սիրախաղը փչացնելու համար

Սիրախաղը հեշտ գործ չէ, քանի որ դրա հետևում հակասական շարժառիթներ կան: Մի կողմից, դուք ցանկանում եք ցույց տալ ձեր հետաքրքրությունը ինչ-որ մեկի նկատմամբ և տեսնել, թե արդյոք նա փոխադարձաբար հետաքրքրված է: Մյուս կողմից, չեք ցանկանում չափազանց կպչուն թվալ և մերժվել: Արդյունքում, դուք անընդհատ հավասարակշռում եք եզրագծին, ամեն ինչ մշուշոտ է, անորոշ և ոչ միանշանակ։

Կան երեք տարածված սխալ, որոնց պատճառով սիրախաղը ձախողվում է և ձեզ հիասթափության ու ֆրուստրացիայի մեջ գցում:

1. Դուք ի սկզբնե չափազանց հոռետես եք

Դուք կարծում եք, որ արժանի չեք պոտենցիալ զուգընկերոջ հետաքրքրությանը և ակնկալում եք, որ ձեզ կմերժեն։ Փոխարենը, հարկավոր է կենտրոնանալ հետաքրքրասիրության վրա՝ պետք է ակտիվորեն մասնակցեք զրույցին, հետաքրքրվեք նոր ծանոթով, հարցաքննեք նրան, պատասխանեք հարցերին և ինքներդ հարցեր ուղղեք: Սա ոչ միայն ձեզ կշեղի անհանգիստ սպասումներից, այլև թույլ կտա ավելին իմանալ այդ մարդու մասին․ միգուցե պարզապես չպե՞տք է ժամանակ վատնեք նրա վրա:

2. Դուք չափազանց շատ եք հույսը դնում բառերի վրա

Մարդու ասածով դժվար է հասկանալ նրա իրական էությունը, այն, ինչ նա իրականում մտածում և զգում է։ Բավական չէ այս իրավիճակում ձեր զրուցակցի նկատմամբ հետաքրքրություն ցուցաբերել, շատ ավելի կարևոր է մարմնի լեզուն և ոչ խոսքային հաղորդակցության այլ ձևերը, ինչպես նաև այն, թե ինչ «անդրադարձ» է գտնում նրա վարքը ձեզ մոտ։ Նրա ժպիտը, հայացքը, ժեստերը, դեմքի արտահայտությունը. եթե դրանք ձեզ համար ընդունելի են, ապա գործի մեծ մասն արված է:

3. Դուք սիրախաղը դեմ առ դեմ չեք անում, փոխարենն առցանց եք շփվում

Տեքստային հաղորդագրությունների կամ տեսակապի միջոցով հաղորդակցվելիս բացակայում է ֆլիրտի ամենակարևոր բաղադրիչը՝ ոչ բանավոր հաղորդակցությունը: Առանց մարդու հետ ֆիզիկապես շփվելու, դժվար է ձեզ համար հասկանալ, արդյոք իսկապե՞ս դուր եք գալիս նրան: Հետեւաբար, իրական սիրախաղը կարող է տեղի ունենալ միայն անձնական հանդիպմամբ:

Աղբյուր` LADYNEWS.am

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝