Ինչպես կապարակնքվեց Նկարիչների միության ցուցասրահը Նկարիչների միության նորընտիր նախագահի բացառիկ հարցազրույցը Ես տեղափոխվում եմ Հայաստան. Դենիս Ջորկաեֆը առաջադրվել է որպես ՀՖՖ նախագահի թեկնածու Լեվոն Զուրաբյան VS Նիկոլ Փաշինյան Ակրոպոլիս թանգարանում բացվել է «Հին Հայաստան» միջազգային ցուցահանդեսը Ջրամատակարարման ընդհատումներ են տեղի ունեցել Կիևի հինգ շրջաններում Բրիտանիան ցանկանում է վերադառնալ ԵՄ. Brexit-ը չափազանց թանկ էր. The Times Մելանյա Թրամփը հնարավոր է համարում Ուկրաինայում հրադադարը մինչև Սուրբ Ծնունդ Քո մասին այնպիսի ճշմարտություն կասեմ, ստիպված կլինես փախչել նաեւ ՌԴ-ից․ Դանիելյանը՝ Պիպոյին Մեզ այսօր շատ են պակասում Մոնթեի պես հայերը․ Հռիփսիմե Նահապետյան

Սամվել Վարդանյանը եւս երեք ամիս կմնա տնային կալանքի տակ

Իրավական

Քաղաքական ակտիվիստ Սամվել Վարդանյանը, որը միջադեպ էր ունեցել ավտոբուսում ՔՊ-ական պատգամավոր Հակոբ Ասլանյանի հետ, ապա բերման ենթարկվել ու ճանապարհին էլ խոշտանգվել իրավապահների կողմից, եւս երեք ամիս կմնա տնային կալանքի տակ՝ մինչեւ սեպտեմբերի 15-ը: Որպես խափանման համակցված միջոցներ՝ անփոփոխ կմնա նաեւ 7 մլն դրամ գրավը եւ երկրից բացակայելու արգելքը: Խափանման միջոցի փոփոխության հարցի վերաբերյալ դատական նիստին նման որոշումը կայացրեց Երեւան քաղաքի առաջին ատյանի ընդհանուր իրավասության քրեական դատարանի դատավոր Դավիթ Արղամանյանը: Իսկ թե ով է նա, առավել ուշագրավ է:

Հիշեցնենք, որ Դավիթ Արղամանյանը 2018 թվականին ակտիվորեն մասնակցել է Նիկոլ Փաշինյանի իշխանափոխությանը, ավելին՝  «դըմփ-դըմփ-հու» անող թմբուկահար է եղել: Իսկ իշխանափոխությունից մեկ տարի հետո՝ կարիերայի սրընթաց աճ է ունեցել ու դարձել ՀՀ տարածքային կառավարման եւ ենթակառուցվածքների նախարարի օգնական, երկու տարի անց էլ` դատավոր: Որպես չգրված կանոն՝ քաղաքական հնչեղություն ունեցող բոլոր գործերը, չգիտես ինչպես, մակագրվում են հենց նրան:

Այսպիսով՝ սույն դատավորը իր որոշման մեջ մնաց անդրդվելի՝ ուշադրություն չդարձնելով Ս. Վարդանյանի պաշտպաններ Ռուբեն Մելիքյանի եւ Արամ Վարդեւանյանի շեշտադրումներին, որ իրենց պաշտպանյալը բարձրագույն ավարտ է, 44 օրյա պատերազմի մասնակից է, երբեւէ չի ունեցել դատվածություն, ՔՊ-ական պատգամավորի հետ առերեսման ժամանակ դրսեւորել է բարեկիրթ վարքագիծ եւ, ի վերջո, մեղադրվում է ոչ ծանր հանցանքի համար, դեռ մի բան էլ ինքն է խոշտանգվել ոստիկանների կողմից:

«Թե՛ տուժողի (նկատի ունի ՔՊ-ական պատգամավոր Հ. Ասլանյանին), թե՛ գործով անցնող վկայի նկատմամբ դատարանը գնահատում է, որ խոչընդոտելու հիմքը բացառապես այն կարգի բարձր է, որ նույնիսկ կալանք խափանման միջոց էր անհրաժեշտ կիրառել: Բայց դատարանը չի կարող չգնահատել այն հանգամանքը, որ մեղադրյալն այն ժամանակահատվածում, երբ գտնվել է անազատության մեջ, առերեւույթ հնարավոր է ենթարկված լինի խոշտանգման: Մասնավորապես դրա մասին է վկայում մեղադրայլի նկատմամբ կիրառված փորձաքննության եզրակացությունը: Այսինքն՝ փաստական տվյալ ունի դատարանը, որ մեղադրյալի նկատմամբ հնարավոր է գործադրվել է բռնություն, խոշտանգում, համենայնդեպս, փորձաքննության եզրակացությունը համապատասխանում է նման հետեւանքներին: Այս պայմաններում տնային կալանք է անհրաժեշտ կիրառել, քանի որ չենք կարող բացառել, որ մի անգամ եթե խոշտանգում եղել է երկրորդ անգամ նման թերացում կլինի, թե ՝ ոչ», - դեռ մի բան էլ, իբրեւ «բարի կամքի դրսեւորում»՝ իր որոշումն այսպես մեկնաբանեց դատավորը:

ՀՐԱՆՏ ՍԱՐԱՖՅԱՆ

Հավանեցի՞ր հոդվածը, կիսվիր ընկերներիդ հետ