Ասես երեկ լիներ․ մեր սիրելի «Երիտասարդական պալատ»-ը, որը դարձավ հուշ

Երևանյան նախկին հիշարժան և բավականին նշանակալի շինություններից մեկը՝ Երիտասարդական պալատը, որն ի դեպ երևանցիներս սիրում էինք անվանել Կուկուռուզնիկի շենք, էդպես էլ մնաց գեղեցիկ հուշ մեր մտքերում։

Շատերի առաջին իսկ հանդիպման վայրը և շատերի ամենից սիրելի հանրային տեղը, որն իր շուրջն էր համախմբում հարյուրավոր մեր համաքաղաքացիների։

Պալատի կառուցման նպատակն էր, որպեսզի տարբեր հանրապետություններից ժամանած երիտասարդները հանդիպեին այնտեղ, շփվեին, սիմպոզիումներ, փառատոններ կազմակերպեին, զբաղվեին սպորտով և այդ ողջ ընթացքում բնակվեին շենքի տարածքում գործող հյուրանոցում։