Նորայր Մեհրաբյանի հրաժեշտի արարողությունից հեռացա ծանր զգացումով և մի հարցով, որը հանգիստ չի տալիս․ Բալմանուկյան ՔՊ-ում թեւերի են բաժանվել․ ԲԱՄԲԱՍԱՆՔ Բռունցքներ՝ եթերում, ինտրիգներ՝ իշխանության ներսում Ինչու Աննան «կաստրուլկաներով» չի չխկչխկացնում Նիկոլի ականջին․ ԶԱՐՄԱՆՔ Պուտին–Թրամփ–Սի հանդիպումը կարող է դառնալ «ողջ մարդկության համար հզոր ազդանշան» Փաշինյանը` թուրք–ադրբեջանական «կաբելի» դերում Մանդատները վայր դրեք եւ Նիկոլը կհայտնվի մութ սենյակում․ Հովիկ Աղազարյան (ԱՆՈՆՍ) Կյանքից հեռացել է ՀՀ ժողովրդական արտիստ Հակոբ Ազիզյանը Վլադիմիր Պուտինն իր հետ միջուկային ճամպրուկը տարել է Չինաստան (Տեսանյութ) Տարադրամի փոխարժեքները նոյեմբերի 18-ին

Մասուդ Փեզեշկիան հայտնի է Խորհրդարանում թյուրքալեզու պատգամավորների ֆրակցիա կազմելու իր առաջարկով. Իրանահայ խմբագիրը փակագծեր է բացում

Հանդիպում

Ինչո՞վ են Իրանի նախագահական ընտրություններում երկրորդ փուլ դուրս եկած թեկնածուներից յուրաքանչյուրը, ինչո՞վ են աչքի ընկել։ Մասուդ Փեզեշկիան նշում են , որ ունի ակնհայտ ադրբեջանամետ կեցվածք, ուրեմն ի՞նչ սպասել վերջինս ընտրվելու պարագայում այս եւ այլ հարցերի շուրջ զրուցել ենք Թեհրանում լույս տեսնող  «Արաքս» շաբաթաթերթի գլխավոր խմբագիր Մովսես Քեշիշյանի հետ, ով նախ նկատեց.

- Մասուդ Փեզեշկիանը (ռեֆորմիստ) բարեփոխական է, մասնագիտությամբ բժիշկ է (սրտի վիրահատ), որոշ ժամանակ ղեկավարել է Թավրիզի բժշկական համալսարանը, 2001-2005 թթ. առողջապահության նախարար է եղել բարեփոխական Խաթամիի նախագահության օրոք, քանի շրջան խորհրդարանի պատգամավոր է եղել, իսկ 2016-2020 թթ. խորհրդարանի փոխնախագահ, հայտնի է Խորհրդարանում թյուրքալեզու պատգամավորների ֆրակցիա կազմելու իր առաջարկով, Իրանի ազգայնական շրջանակը նրան անջատողական գաղափարների կրող է անվամնում, բայց ինքը հերքում է նման մեղադրանքները և պնդում՝ «այն ինչ արել և անում եմ միասնական ու ամբողջական Իրանի համար է»:

Ինչ վերաբերում է Սաիդ Ջալիլիին, վերջինս պահպանողական շրջանակին է պատկանում, մոտ երկու տասնյակ աշխատել է արտգործնախարարությունում, 2007-2013 թթ. Իրանի հոգևոր առաջնորդ այաթոլլահ Խամենեիի ներկայացուցիչն էր Ազգային անվտանգության գերագույն խորհրդում, նաև միջուկային համապարփակ ծրագրի հարցով (Իրան-Արևմուտք երկխոսություն) իրանական խմբի նախագահողն է եղել, 2013 թվականից անդամակցում է երկրի Նպատակահարմարության խորհրդին:

Փեզեշկիանի ընտրվելու պարագայում, Իրանի արտաքին քաղաքականության և հատկապես հայ-իրանական հարաբերություններում դժվար թե փոփոխությումններ առաջանան, քանի որ արտաքին քաղաքականության ճշտողը նախագահը չէ, այլ հոգևոր առաջնորդը:

-Այն որ որեւէ թեկնածու չհաղթահարեց անցողիկ շեմը, արդյո՞ք չի խոսում այն մասին, որ Իրանում ներքաղաքական կյանքը բավական ինտրիգային ու լարված է։

 - Բնակապաբար, երբ քաղաքական ներկապնակում առկա ուժերի համակրող շրջանակների թվաքանակը իրար մոտիկ լինեն, մրցակիցների գործը դժվարանում է անցողիկ շեմին հասնելու համար։

Իսկ այդ փաստը ոչ միշտ է խոսում ինտրիգային ու լարված վիճակի մասին։ Այստեղ հարցի ավելի մտահոգիչ կողմն ընտրություններին մասնակցության համեմատական ցածր տոկոսն է, ինչի համար պատասխանատու է ողջ պետական համակարգը՝ ե՛ւ իշխանությունները ե՛ւ ընդդիմությունը։

Հավանեցի՞ր հոդվածը, կիսվիր ընկերներիդ հետ