ՏԵՍԱՆՅՈՒԹ. Սրբավայր ժայռի մեջ, որի հրաշագործ ջուրը մայրացնում է անզավակ ծնողներին

Զաղա (Սբ Գրիգոր Լուսավորչի ուխտատեղի) 

Զաղան կամ Սբ Գրիգոր Լուսավորչի ճգնարանը  գտնվում է Սառնաղբյուր  գյուղի հյուսիսային ծայրին` ժայռի մեջ: 
Պաշտոնական անվանումը` Անձավաջուր է։ 
 Ենթադրելի է, որ զաղա-քարայր բառից  առաջացել է սրբավայրի Զաղա անվանումը:
 Ըստ ժողովրդի մեջ տարածված զրույցների` Սբ Գրիգոր Լուսավորիչն  այստեղ է ճգնել:

Ուխտավայրը ներքուստ եռամաս է: Մուտքից բացվում է աղոթասրահը, որից աջ մշտահոս ջրավազանն է, որտեղից ոչ միայն ջուր են խմում, այլև հիվանդները լողա­նում են: Հիմնական սրահին կից ձախակողմյան սրահ կա, որը, ըստ ավանդության,սրբի նշխարն ամփոփող սրբատեղի-գերեզմանն է, իսկ նշխարների վրա հիշատակի
քար է դրված:  
Սրբավայրի ներսում կան երկու հարյուրի հասնող սրբապատկերներ, խաչ­քարեր, եկեղեցիների մանրանկերներ, հոգևոր բնույթի գրքույկներ, որոնք ուխտա­վորների կողմից բերվել են տարբեր ժամանակներում: Կան նաև ութ աշտանակներ և գանձանակ:

Սառնաղբյուրցիները Սբ Գրիգոր Լուսավորիչ սրբավայրի մասին հետաքրքիր ավանդազրույցներ են պատմում, որոնք փոխանցվել են սերնդե-սերունդ: 

Ավանդազրույց 1.
Տրդատ արքայի հալածանքներից հետո սուրբ Գրիգոր Լու­սավորիչն այստեղ Է պատսպարվել: Ոմանք ասում են, որ Տրդատ արքային բժշկելուց հետո է   սուրբը եկել այստեղ: Նրա մահից հետո մասունքները ամփոփվելեն տարբեր վայրերում, իսկ ձեռքն ամփոփվել է Զաղայում:

Զա­ղայի բուժիչ ջրերի օգնությանն են դիմում նաև  անզավակ կանայք: Հավատում են, որ սրբին ի սրտե ուղղված խնդրանքը կատարվում է:

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝