Ինչպես կապարակնքվեց Նկարիչների միության ցուցասրահը Նկարիչների միության նորընտիր նախագահի բացառիկ հարցազրույցը Ես տեղափոխվում եմ Հայաստան. Դենիս Ջորկաեֆը առաջադրվել է որպես ՀՖՖ նախագահի թեկնածու Լեվոն Զուրաբյան VS Նիկոլ Փաշինյան Ակրոպոլիս թանգարանում բացվել է «Հին Հայաստան» միջազգային ցուցահանդեսը Ջրամատակարարման ընդհատումներ են տեղի ունեցել Կիևի հինգ շրջաններում Բրիտանիան ցանկանում է վերադառնալ ԵՄ. Brexit-ը չափազանց թանկ էր. The Times Մելանյա Թրամփը հնարավոր է համարում Ուկրաինայում հրադադարը մինչև Սուրբ Ծնունդ Քո մասին այնպիսի ճշմարտություն կասեմ, ստիպված կլինես փախչել նաեւ ՌԴ-ից․ Դանիելյանը՝ Պիպոյին Մեզ այսօր շատ են պակասում Մոնթեի պես հայերը․ Հռիփսիմե Նահապետյան

ԽՈՒԶԱՐԿՈՒԹՅՈՒՆՆԵՐԻ ԺԱՄԱՆԱԿ ՓՆՏՐԵԼ ԵՆ ԶԵՆՔ, ՑՈՒՑԱԿՆԵՐ, ԳՈՒՄԱՐՆԵՐ․ ՈՉԻՆՉ ՉԻ ՀԱՅՏՆԱԲԵՐՎԵԼ

Իրավական

Երեկ ուշ երեկոյան դատարանը ազատամարտիկ, «Սև հովազ» ռազմահայրենասիրական ՀԿ նախագահ Սերոբ Գասպարյանին կալանավորելու որոշում է կայացրել։ Նրան կալանավորել են հանցավոր խումբ ձևավորելու և իշխանությունը զավթելու, յուրացնելու փորձի համար, որն «անկախ իրենց կամքից չի հասել ավարտին»։ 

 

 

Հիշեցնենք, որ Քննչական կոմիտեն հաղորդագրություն է տարածել «Իշխանությունը յուրացնելու նախապատրաստության դեպք» հայտնաբերելու եւ 7 անձի նկատմամբ մեղադրանք առաջադրելու մասին, որից 3-ը կալանավորվել են, 4-ի նկատմամբ հետախուզում է հայտարարվել։

 

Մեզ նոր տեղեկություններ հասան Սերոբ Գասպարյանին կալանավորելու մասով։ Պարզվում է, ամիսներ շարունակ իշխանությունները մշակել են նրան կալանավորելու ծրագիրը։ Սերոբ Գասպարյանի մտերիմներից մեկը «Հրապարակին» տեղեկացրեց, որ ամիսներ շարունակ Գասպարյանն իրենց զգուշացրել է, որ իշխանությունները առիթ են փնտրում իրեն կալանավորելու համար։ Նա շատ սուր որակումներով էր հանդես գալիս Փաշինյանի եւ ՔՊ-ական իշխանության հասցեին:

 

Այս վարույթը հարուցելուց հետո խուզարկել են ոչ միայն Սերոբ Գասպարյանի տունը, որտեղ ոչինչ չեն հայտնաբերել, այլև մի շարք այլ, Արցախյան վերջին պատերազմին մասնակցած ու մարտական ուղի անցած այլ անձանց տները։ Սցենարը նույնն է եղել՝ խոշոր տրամաչափի զենքեր են փնտրել, ցուցակներ ու գումարներ, սակայն խուզարկություններն անարդյունք են ավարտվել` ոչինչ չեն հայտնաբերել։

 

Ըստ էության, մեղադրանքը կառուցված է ենթադրության եւ ցուցմունքի վրա, որ ինչ որ մեկը Ռուսաստանում զորավարժությունների պատրաստվող տղաներին ասել է, որ իրենց պատրաստում են, որ գան եւ Հայաստանում իշխանափոխություն իրականացնեն:

Մեզ տեղեկացրին նաև, որ 2 օր առաջ ԱԱԾ մեկուսարան տեղափոխված Սերոբ Գասպարյանին երեկ թույլ չեն տվել ուտելիք փոխանցել։ Գասպարյանի հարազատները կարողացել են նրան ուտելիք փոխանցել միայն ուշ երեկոյան։

Այս պահի դրությամբ ոչ մեկին թույլ  չեն տալիս տեսակցել կամ հանդիպել Սերոբ Գասպարյանին։

 

Հավանեցի՞ր հոդվածը, կիսվիր ընկերներիդ հետ