Ինչո՞ւ հրաժարական տվեց Գարեգին Բաղրամյանը

Օրերս հրաժարական տվեց ՀՀ հանրային ծառայությունները կարգավորող հանձնաժողովի նախագահ Գարեգին Բաղրամյանը, զուգահեռաբար հրաժարական տվեցին մի շարք փոխնախարարներ: Ինչպես միշտ ՀՀ թշվառ իշխանությունները որեւէ բացատրություն չտվեցին այդ ամենին:

Նշենք, որ Գարեգին Բաղրամյանը զբաղեցնում էր ՀՀ հանրային ծառայությունները կարգավորող հանձնաժողովի նախագահի պաշտոնը 2019թ.-ի ապրիլի 19-ից եւ Նիկոլի հետ լավ էլ «յոլա» էր գնում: Հավանաբար պատահեց այն, ինչը այլեւս անհնար դարձրեց Գարեգին Բաղրամյանի եւ մի շարք փոխնախարարների  աշխատանքը:

Ըստ մեր տեղեկությունների, հարցը վերաբերում է ՀԷՑ-ին: Նիկոլը, ըստ ամենայնի, հանձնարարություն է տվել Գարեգին Բաղրամյանին եւ հարցին առնչվող կառավարության անդամներին ՀԷՑ-ի վրա «կեղտ» բռնել, որպեսզի հնարավոր լինի «այն խլել» Սամվել Կարապետյանից: Սակայն, թե՛ Բաղրամյանը, թե՛ փոխնախարարները  որոշեցին հրաժարվել այդ կեղտոտ պատվերը կատարելուց:

Ընդ որում, ՀԷՑ-ի հարցը ոչ միայն լուրջ ֆինանսական եկամուտի աղբյուր է, այլ ունի երկրի համար ռազմավարական նշանակություն: Այն առնչվում է ամբողջ էներգետիկ համակարգը Ռուսաստանի ազդեցությունից հանելու եւ ամերիկացիների տիրապետության տակ դնելու ամերիկյան ծրագրի հետ: Այսպիսով, հավանական է, որ ՀԷՑ-ի վերաբերյալ պահանջը գալիս է ամերիկյան դեսպանատնից, քանի որ Սամվել Կարապետյանը, ի վերջո, համարվում է «Ռուսաստանի մարդը» եւ իր ձեռքում թողնել  ՀԷՑ-ի նման ստարտեգիական օբյեկտ, թե՛ ամերիկացիներ, թե՛ Նիկոլի համար վտանգավոր են:

ՍԵՓ. ԼՐԱՏՎՈՒԹՅՈՒՆ