Նման է, որ ԲՐԻԿՍ-ի գագաթաժողովից հետո մեգաիրադարձություններ են լինելու

Ու մինչ նի­կոլ­յան չի­նով­նի­կութ­յունն ար­դեն չգի­տես էլ ինչ խա­ղե­րի մեջ է մտել (Տե´ս նաեւ https://iravunk.com/?p=295327&l=am), նա­խօ­րեին եւս մեկ ու­շագ­րավ փաստ ար­ձա­նագր­վեց Մոսկ­վա­յում: Պու­տի­նը Պետ­դու­մա ներ­կա­յաց­րեց Ռու­սաս­տա­նի Դաշ­նութ­յան եւ ԿԺԴՀ-ի միջեւ «Հա­մա­պար­փակ ռազ­մա­վա­րա­կան գոր­ծըն­կե­րութ­յան մա­սին» պայ­մա­նագ­րի վա­վե­րաց­ման նա­խա­գի­ծը:

Ա­ռա­ջին հա­յաց­քից Հա­յաս­տա­նի հետ ո­րե­ւէ կապ չու­նե­ցող այս դե­տա­լը, պարզ­վում է, որ լուրջ հե­տաքրք­րութ­յուն է ա­ռա­ջաց­րել մաս­նա­վո­րա­պես Ի­րա­նում: Այս­պես, ի­րա­նա­կան տե­ղե­կաց­ված աղբ­յու­րը մատ­նան­շում է պայ­մա­նագ­րի բա­զում կա­րե­ւոր կե­տե­րից միայն մեկը՝ նշե­լով, թե այն սահ­մա­նում է. «Ռու­սաս­տա­նի Դաշ­նութ­յան եւ ԿԺԴՀ-ի միջեւ Հա­մա­պար­փակ ռազ­մա­վա­րա­կան գոր­ծըն­կե­րութ­յան մա­սին պայ­մա­նագ­րի մաս­նա­կից երկր­նե­րից մե­կի վրա զին­ված հար­ձակ­ման դեպ­քում, մյուս կող­մը նրան կտրա­մադ­րի լիար­ժեք ռազ­մա­կան օգ­նութ­յուն...»: Այ­սինքն, սա, ի թիվս մի շարք այլ ուղղ­վա­ծութ­յուն­նե­րի, նաեւ իր էութ­յամբ ռազ­մա­կան դա­շին­քի մա­սին պայ­մա­նա­գիր է ՌԴ-ի եւ Հ­յու­սի­սա­յին Կո­րեա­յի մի­ջեւ, վեր­ջի­նիս՝ աշ­խար­հում հզո­րա­գույն­նե­րից մե­կը հա­մար­վող բա­նա­կով հան­դերձ: Ի­րա­նա­կան աղբ­յուրն ան­մի­ջա­պես էլ հի­շեց­նում է այս օ­րե­րին տե­ղի ու­նե­ցած ՌԴ պաշտ­պա­նութ­յան նա­խա­րա­րի այ­ցը Պե­կին եւ դրա շրջա­նակ­նե­րում հնչեց­ված մի շարք ոչ պա­կաս «ռազ­մա­կա­նաց­ված» հայ­տա­րա­րությ­ուն­նե­րը: Վեր­ջա­պես, աղբ­յու­րը նաեւ հի­շեց­նում է, որ ԲՐԻԿՍ-ի սպաս­վող գա­գա­թա­ժո­ղո­վի շրջա­նակ­նե­րում ՌԴ-ն­ եւ Ի­րա­նը նույն­պես կստո­րագ­րեն «Հա­մա­պար­փակ ռազ­մա­վա­րա­կան գոր­ծըն­կե­րութ­յան մա­սին» պայ­մա­նա­գիր՝ ակ­նար­կե­լով, որ այդ­տեղ եւս նման դրույթ կա:

Այս փաս­տե­րի հի­ման վրա ի­րա­նա­կան աղբ­յու­րը միան­գա­մայն տե­ղին մատ­նան­շում է, որ ըն­թա­նում է ՌԴ-­Չի­նաս­տան-ԿԺԴՀ-Ի­րան աշ­խար­հագ­րա­կան մեծ քա­ռանկ­յան ներ­քին ռազ­մա­կան հա­րա­բե­րութ­յուն­նե­րի գե­րամ­րապնդ­ման գոր­ծըն­թաց, ո­րը, ի­հար­կե, պետք է զու­գոր­դել այս օ­րե­րին ըն­թա­ցող մի շարք այլ ի­րա­դար­ձությ­ուն­նե­րի հետ:

­Նախ, վեր­ջին մի քա­նի օ­րե­րին ինչ­պես ա­րեւմտ­յան, այն­պես էլ ուկ­րաի­նա­կան աղբ­յուր­նե­րը կտրուկ թե­ժաց­րել են թե­ման, թե հյու­սիս­կո­րեա­կան մի շարք կա­մա­վո­րա­կան (նախ­կին զին­վո­րա­կան­նե­րից կազմ­ված) ստո­րա­բա­ժա­նում­ներ (հնչում են 10-50 հա­զար թվե­րը) այս պա­հին Ռու­սաս­տա­նում են եւ կներգ­րավ­վեն ա­մե­նա­մոտ ժա­մա­նակ­ներս սպաս­վող ռու­սա­կան շատ մասշ­տա­բա­յին հար­ձա­կո­ղա­կան օ­պե­րա­ցիա­նե­րի մեջ: Զե­լենս­կին ար­դեն մի մեծ աղ­մուկ է սար­քել, թե հա­սեք, փրկեք, հյու­սիս­կո­րեա­կան բա­նակն էլ է մտնում փաս­տա­ցի պա­տե­րազ­մի մեջ: Եվ ա­հա այս պատ­մութ­յա­նը զու­գա­հեռ, կտրուկ սրվեց նաեւ Հ­յու­սի­սա­յին եւ Հա­րա­վա­յին Կո­րեա­նե­րի հա­րա­բե­րութ­յուն­նե­րը, Կիմ Չեն Ի­նը բարձր մար­տա­կան պատ­րաս­տութ­յան վի­ճա­կի է բե­րել բա­նա­կը, եր­կու երկր­նե­րին կա­պող ճա­նա­պարհ­նե­րը ցու­ցադ­րա­բար պայ­թեց­րին: Կարճ ա­սած, ե­թե վա­ղը-մյուս օրն այս­տեղ էլ պա­տե­րազմ սկսվի, զար­մա­նալ պետք չէ:

Այս­քա­նից զատ, ա­վե­լի ճիշտ՝ այս ա­մե­նին զու­գա­հեռ Չի­նաս­տա­նը հեր­թա­կան ռազ­մաու­սում­նա­կան մա­նեւ­րը սկսեց Թայ­վա­նի շուրջ, ո­րը եւս ցան­կա­ցած պա­հի կա­րող է վե­րած­վել ի­րա­կան ռազ­մա­կան գոր­ծո­ղութ­յուն­նե­րի: Եվ, ի­հար­կե, չպետք է մո­ռա­նալ այն ի­րա­վի­ճա­կը, որն այս պա­հին տի­րում է Մեր­ձա­վոր Ա­րե­ւել­քում, որն ա­մեն պա­հի կա­րող է վե­րած­վել Ի­րան-Իս­րա­յել պա­տե­րազ­մի:

Այս ընդ­հան­րա­կան պատ­կե­րին նա­յենք հա­կա­դիր բե­ւե­ռից՝ ԱՄՆ-ից: Ուկ­րաի­նա­յի ուղ­ղութ­յամբ ԱՄՆ-ն­ այս պա­հին ա­րել է այն ա­մե­նը, ինչ կա­րող էր: Չ­նա­յած դրան, ռուս­նե­րը ակ­տի­վո­րեն հար­ձակ­վում են, եւ կա­րող է այդ դի­նա­մի­կան բազ­մա­պատկ­վել: Իսկ ուկ­րաի­նա­կան բա­նա­կին ա­վե­լին տա­լու դեպ­քում ԱՄՆ-ն կա­րող է ար­դեն ու­ղիղ բախ­ման մեջ մտնել ՌԴ-ի հետ՝ հաս­կա­նա­լի հե­տե­ւանք­նե­րով հան­դերձ:

Ս­րան էլ գու­մար­վեց Մեր­ձա­վոր Ա­րե­ւել­քը, եւ այս կրկնա­կի բեռն ԱՄՆ-ի հա­մար ար­դեն իսկ հնա­րա­վո­րութ­յու­ննե­րի սահ­մա­նա­գիծն է: Ընդ ո­րում, է­լի նույն պատ­կերն է. Իս­րա­յե­լին տվել եւ տա­լիս են այն, ինչ կա­րող են, մինչ­դեռ իս­րա­յել­յան բա­նա­կը Լի­բա­նա­նում «Հեզ­բոլ­լա­հի» դեմ հա­զիվ կա­րո­ղա­ցել է 2-3 կմ­ ա­ռա­ջա­նալ: Իսկ դրա­նից հե­տո դեռ կա Ի­րա­նը: Ա­վե­լին ա­նե­լու դեպ­քում ԱՄՆ-ն­ է­լի ստիպ­ված է ա­ռա­ջին դեմ­քով պա­տե­րազ­մի մեջ ներ­քաշ­վել:

Եվ ա­հա, կա­րող է պայ­թել կո­րեա­կան ուղ­ղութ­յու­նը, վեր­ջա­պես՝ Թայ­վա­նը: Իսկ դա ար­դեն ԱՄՆ-ին պար­տադ­րե­լու է գոր­ծել միան­գա­մից չորս ճա­կա­տով: Ընդ ո­րում, ա­ռանց հիմ­նա­կան դաշ­նակ­ցի՝ Եվ­րո­պա­յի վրա ա­ռանձ­նա­պես հույս դնե­լու. Եվ­րո­պա­յի հա­մար ակն­հայ­տո­րեն ան­գամ ուկ­րաի­նա­կան ուղ­ղութ­յունն է չա­փա­զանց ծանր: Ու պատ­կե­րը կամ­բող­ջա­նա, ե­թե հի­շենք, որ ԱՄՆ-ն­ այս պա­հին ա­ռանց այդ բո­լոր ար­տա­քին գոր­ծոն­նե­րի էլ հայտն­վել է ծան­րա­գույն վի­ճա­կում՝ կապ­ված նա­խա­գա­հա­կան ընտ­րութ­յուն­նե­րի հետ: Այս­տեղ բա­նը հա­սել է նրան, որ Թ­րամ­փը կոչ է ա­նում՝ պատ­րաստ պա­հել ազ­գա­յին գվար­դիան կամ բա­նա­կը՝ դի­մա­կա­յե­լու հա­մար «ան­կար­գութ­յուն­նե­րին, ո­րոնք կա­րող են սկսվել ընտ­րութ­յուն­նե­րի օ­րը»: Այն է՝ ներ­քին բա­խում­նե­րի հա­վա­նա­կա­նութ­յու­նը դար­ձել է չա­փա­զանց մեծ:

Այս­պի­սով, բո­լորն են հաս­կա­նում՝ նման ի­րա­վի­ճա­կով չորս ճա­կատ պա­հե­լու ԱՄՆ-ի հնա­րա­վո­րութ­յուն­նե­րը զրո­յա­կան են: Հաս­կա­նում են, օ­րի­նակ, ինչ­պես Չի­նաս­տա­նը, այն­պես էլ՝ Թայ­վա­նը, որ կա գլո­բալ բա­րեն­պաստ ի­րա­վի­ճակ՝ կղզու խնդի­րը լու­ծե­լու հա­մար: Հաս­կա­նում են եր­կու Կո­րեա­նե­րը: Հաս­կա­նում է Իս­րա­յե­լը, որ կա­րող է մտնել մեծ պա­տե­րազմ, սա­կայն Վա­շինգ­տոնն ու­զե­նա­լով, պար­զա­պես չի կա­րո­ղա­նա օգ­նել: Զե­լենս­կին չի՞ հաս­կա­նում, թե այն վի­ճա­կում է, որ ի­րեն պարտ­ված ճա­նա­չե­լով, գլուխն է կորց­նե­լու եւ ստիպ­ված է շա­րու­նա­կել. Չ­նա­յած` դա շատ բան ար­դեն չի փո­խում:

Այ­սինքն, կա­րե­լի է մտա­ծել, որ ծրագր­ված է կոոր­դի­նաց­ված հա­մընդ­հա­նուր հար­ված բո­լոր ուղ­ղութ­յուն­նե­րով, ո­րին դի­մա­կա­յե­լու ԱՄՆ-ի շան­սե­րը, կրկնում ենք, փոքր է: Եվ չբա­ցա­ռենք, որ ԲՐԻԿՍ-ի առ­թիվ հան­դի­պու­մը կդառ­նա վեր­ջին քայ­լը: Հոկ­տեմ­բե­րի 22-24-ին տե­ղի ու­նե­նա­լիք այդ գա­գա­թա­ժո­ղո­վից հե­տո, մին­չեւ ա­մե­րիկ­յան ընտ­րութ­յուն­ներ՝ նո­յեմ­բե­րի 5-ը, 10 օ­րի­ց ա­վել կա, եւ այն, որ այդ 10 օ­րե­րին հա­մաշ­խար­հա­յին մասշ­տա­բի ինչ-որ գոր­ծըն­թաց­ներ են լի­նե­լու, շատ նման է: