Որ դեպքում «թուղթ ու գիրը» կարող է ազդել մարդու ճակատագրի վրա

 Ի՞նչ է «թուղթ ու գիրը», արդյո՞ք նման բաները ազդեցություն ունեն հարցին պատասխանում է շաման ԱՐՄԱՆ ԱՅՎԱԶՅԱՆԸ․

-«Թուղթ ու գիրն» իրենից ենթադրում է երեք կողմ։ Մեկը՝ ում կողմից պատվիրվում է դա, երկրորդը՝ անձն է, որը կատարում է այդ սև մոգությունը և երրորդը՝ ում նկատմամբ կատարվում է «թուղթ ու գիրը»։ Առաջին երկուսն արդեն իսկ գտնվում է սատանայի դաշտում։ Նրանք երրորդ անձին էլ են փորձում ներքաշել այս ամենի մեջ։ Մեր զենքն աղոթքն է, որի միջոցով մենք կարող ենք պայքարել այդ չարությունների դեմ։ Եթե մտածում եք, որ ինչ-որ անձ «թուղթ ու գիր» է կատարել ձեր դեմ, ուղղակի չպետք է այդ ամենին ուշադրություն դարձնել։ «Թուղթ ու գիրն» ունենում է ազդեցություն, երբ գնում ես սատանայի դաշտ, տուրք ես տալիս սատանային։ Սակայն, երբ դու դրան անուշադրության ես մատնում և աղոթքով պայքարում ես, այն չի կարող որևէ իրական քրիստոնյայի վրա ունենալ ազդեցություն։