Ուկրաինական ուժերի վիճակը Կուրախովոյի ճակատում դարձավ կատաստրոֆիկ (Քարտեզ)

Ռուսական ուժերը Կուրախովոյի հարավային թեւում շատ արագ Յասնայա Պոլյանա-Նովուկրաինկայ-Բագոյավլենկա գիծը գրավելով (https://iravunk.com/?p=296414&l=am), ռուսական զորքերը շարունակում են նույն հաջողությամբ զարգացնել ուկրաինական ճակատի չեղքումը դեպի հյուսիս` Կոեւրախովոյի հիմնական ուղիները Վոլչե գետից հարավ կտրելու եւ ողջ գոտին հարավից շրջապատելու համար:

Յասնայա Պոլյանան (Քարտեղում) գրավելով, այդ ուղղությամբ ռուսական ուժերը շարժվում են Կուրախովոյի մայրուղու մերջակա վերջին փոքր բնակավայրի` Ռազլիվի ուղղությամբ` թեւերից մեկով էլ դուրս գալով Մաքսիմովկայի թիկունք: Թերեւս այն իմաստով, որ այստեղ ուկրաինական պաշտպանությունը մի փոքր ավելի պատրաստված է, եւ Նովոուկրաինկայից գրոհող ռուսական ուժերը մի փոքր հետ են մնում` թուլացնելով Ռազլիվի ուղղությամբ գրոհող ուժերի աջ թեւը: Իսկ դա խանգարում է ավելի արագ առաջընթացին:

Ամեն դեպքում, Ռազլիվի հատվածում ռուսները հաղթահարել են հակատանկային պաշտպանական բնագծերից մեկը, որը, սակայն, թեեւ կառուղված էր «վիշապի ատամներով», սակայն ոչ ոք չի հսկել (սա եւս խոսում է ուկրաինական ուժերի խիստ անբավարարության մասին այս հատվածում): Արդյունքում, օրվա երկրորդ կեսի դրությամբ ռուսները Ռազլիվից մոտ 6 կմ-ի վրա էին, եւ մեծ հավանականությամբ արդեն վաղը կգրոհեն այն` դուրս գալով Բոգատիր-Կոստանտինապոլ հատված` Վոլչեի հարավային ափին: Իսկ այն, որ ուկրաինական պաշտպանությունն այս հատվածում, ինչպես եւ սպասվում էր, արդեն գրեթե լիովին փլուզված է, հասկանում են անգամ ուկրաինական փորձագետները:

Սրանից զատ, կան նաեւ խոսակցություններ, որ Սիրսկին շտապ Եվրոպայից կանչել է այդ մի քանի նոր բրիգադներ, որոնք վերապատրաստվում և վերազինվում էին այնտեղ: Խոսքը չորս բրիգադների մասին է, որոնք, ենթադրաբար, թեեւ արդեն Կուրախովոյի հարավային թեւի մարտերին չեն հասնի, եւ դրանք կտեսակայվեն Վոլչեի հյուսիսային հատվածում` Սելիդովոյի գոտուց այս ուղղությամբ հարձակման եւ Կուրախովոյի գոտու շրջապատման օղակի փակվելու նպաստելու համար: Բայց եթե անգամ այդպես է, եւ հասցնեն (այս հատվածում էլ ռուսները բավականին արագ հարձակվում են դեպի Վոլչե գետի հյուսիսային հատված), ապա դա կարող է միայն նոր խնդիրներ ստեղծել: Նախ, ռուսական ուժերը կարող են գետանցել Վոլչեն, եւ այդ դեպքում ուկրաինական ուժերը, այդ չորս բրիգադներով հանդերձ կհայտնվեն երկկողմ հարվածի տակ:

Երկրորդը. այդ բրիգադները Ուկրաինայի ռազմավարական ռեզերվներն էին` նախատեսված ձմեռային մարտերի համար: Եթե դրանք հիմա ստիպված են հանել մարտադաշտ, ապա Ուկրաինան պարզապես զրկվելու է ռազմավարական ռեզերվներից, ինչն իրեն զգացնել կտա բոլոր ռազմաճակատներում: Առավել եւս, ուկրաինական բանակի ներկա կորուստների եւ ահավոր չափերի դասալքության պարագայում (ուկրաինական աղբյուրները խոսում են օրական երկու գումարտակի հասնող թվերի մասին)։