Ի՞նչ հագնել Ամանորի գիշերը. խորհուրդներ ոճաբանից տոնական կերպար ընտրելու համար

Ամենասպասված տոնին՝ Նոր տարվան, մնացել է շատ քիչ ժամանակ, և արդեն կարելի է մտածել, թե ինչպես դիմավորել Կանաչ Փայտե Օձի տարին՝ գունային համադրություններով ու նորաձև ոճով։ Ոճաբանները և աստղագուշակները առաջարկում են գաղափարներ, որոնք կօգնեն գրավիչ և ներդաշնակ կերպար ստեղծել։

Ոճաբանի խորհուրդները գույների և ոճի ընտրության հարցում

2025 թվականը Կանաչ Օձի տարի է, ուստի առաջնահերթ ուշադրությունը պետք է դարձնել կանաչի և բնական երանգների վրա։

• Կանաչի երանգներ․ նախընտրելի են զմրուխտային, մուգ կանաչ և խոտի գույները։ Դրանք ոչ միայն կշեշտեն տարվա խորհրդանիշի բնույթը, այլև ներդաշնակ կդառնան տոնական միջոցառումների մթնոլորտին։
• Արծաթագույն․ դասական տարբերակ, որը կարող է ընդգծվել փայլուն զարդերով կամ ասեղնագործությամբ։ Արծաթագույնի տարբեր դրսևորումները՝ աքսեսուարներից մինչև կոշիկներ, նույնպես նորաձև են։
• Մուգ  բորդո․ այս երանգը սեզոնի գլխավոր գույնն է և կշարունակի արդիական մնալ առաջիկա ամիսներին։
• Սև․ համընդհանուր դասական գույն, որը ցանկացած երեկույթի համար տեսանելի է մնում, հաղորդելով խորհրդավորություն և էլեգանտություն։

Ամանորյա նորաձևության մեջ առանձնանում են նաև փայլուն նյութերը, ինչպես նաև փետուրներով զարդարված հագուստները, որոնք յուրահատուկ տեսք կհաղորդեն՝ հիշեցնելով տոնական զարդարանքները։

Աստղագուշակի խորհուրդները

Նոր տարվա գիշերը ճիշտ ընտրված գույները կարող են դրական ազդեցություն ունենալ ողջ տարվա հաջողության վրա։ 2025 թվականի Կանաչ Օձը խորհրդանշում է ինտուիցիա, հավասարակշռություն և հանգստություն, իսկ Փայտ տարրը շեշտում է կապը բնության հետ։

Կանանց համար

• Կանաչի նուրբ պիստակից  մինչև զմրուխտի  երանգները ներդաշնակություն և ներքին հավասարակշռություն են ապահովում։
• Դարչնագույնի և դրա երանգները կայունություն և վստահություն են հաղորդում։
• Կիրառեք նաև  կրեմագույն, արծաթագույն կամ ոսկեգույն՝ ավելի վառ կերպար ստանալու համար։

Տղամարդկանց համար

• Նախընտրելի են հանգիստ, բայց հարուստ բնական երանգները, ինչպիսիք են կանաչը, դարչնագույնը, մոխրագույնը, մուգ կապույտը։
• Փոքրիկ ոսկեգույն կամ արծաթագույն ակցենտները կհամալրեն կերպարը՝ առանց այն ծանրաբեռնելու։

Անկախ ընտրությունից, Կանաչ Օձի տարում կարևոր է, որ ձեր հագուստը լինի ոչ միայն նորաձև, այլև ներդաշնակ տարվա խորհրդանիշի հատկություններին՝ նրբագեղություն, իմաստություն և բնական ուժ։ Այս ընտրությունը կօգնի տոնական երեկոն վերածել կախարդական և հաջողակ մեկնարկի։

Ինչ հագնել կնոջը Նոր տարում. նորաձևության միտումներ

Ոճաբանի խորհուրդներ

Հագուստի ձևեր
Կանանց համար 2025-ի Նոր տարվա համար ոճաբանները խորհուրդ են տալիս ընտրել հետևյալը.

• Դասական զգեստներ․ օրինակ՝ երկար փայլուն զգեստ՝ ընդգծված ուսագծերով:
• Թրենդային տարբերակներ․ թավշե կոմբինեզոն՝ արդի գույներից որևէ մեկով:
• Կիսաշրջազգեստներ․ մինի երկարությամբ տարբերակները, որոնք գերել են համաշխարհային պոդիումները: Կամ՝ հակառակը, ընտրեք մաքսի կամ միդի տարբերակներ՝ մեծ ծաղիկներով, գրպաններով կամ փայլուն դետալներով:
• Շքեղ ներքևի համադրություն պարզ և մոնոխրոմ վերնաշապիկի հետ՝ ամբողջական և ներդաշնակ կերպար ստանալու համար:

Տաբատային կոստյումներ
Եթե նախընտրում եք տաբատ, ընտրեք լայն ձևվածքներ, որոնք տեսողականորեն երկարացնում են ոտքերը: Համադրեք կարճ բաճկոնի հետ՝ գոտկատեղը ընդգծելու համար:

Աստղագուշակի խորհուրդներ կանանց համար

Կտորներ և հյուսվածքներ
Ընտրեք թեթև և «հոսող»  կտորներ, ինչպիսիք են մետաքսը, ատլասը և շիֆոնը, որոնք կստեղծեն նուրբ և էլեգանտ կերպար: Բնական կտորներ, օրինակ՝ բամբակ կամ կտավ, նույնպես ներդաշնակ կլինեն Կանաչ Օձի տարվա գաղափարին:

Ձևվածքներ
Նոր տարվա հագուստը պետք է լինի էլեգանտ՝ ընդգծելով նրբությունն ու բնական գեղեցկությունը: Կարող եք ընտրել մոդելներ բաց ուսերով, ասիմետրիկ ձևվածքով կամ բարդ դրապերով: Խուսափեք ծանր և խիստ զարդարված հագուստներից:

Համապատասխան աքսեսուարներ Կանաչ Օձի տարվա համար

Ոճաբանի խորհուրդներ

• Պայուսակներ․ արծաթագույն կլատչը կամ շղթայով պայուսակները կլինեն արդիական:
• Կոշիկներ․ դասական սատինե «նավակներ» կամ մյուլեր կարճ գարշապարներով: Փորձարկումների սիրահարների համար հարմար են արտասովոր ձևի գարշապարները:
• Զարդեր․ բրոշներ, երկար կախված ականջօղեր, ժապավեններով աքսեսուարներ և խոշոր հյուսվածքով ապարանջաններ:

Աստղագուշակի խորհուրդներ
Ընտրեք զարդեր, որոնք ընդգծում են կապը բնության հետ, օրինակ՝ փայտից կամ քարերից պատրաստված աքսեսուարներ: Հատկապես հարմար են կանաչ նեֆրիտն ու զմրուխտը: Օձի կամ այլ կենդանիների մոտիվներով զարդերը նույնպես հիանալի ընտրություն են: Զուսպ և նրբաճաշակ աքսեսուարները հաջողության բանալին են:

Ինչ ընտրել

• Փոքր կլատչներ՝ բնական նյութերից կամ մետաղական շեշտերով:
• Մետաղական տարրերով պայուսակներ՝ նրբագեղ և շքեղ կերպարի համար:

Ինչ հագնել տղամարդուն Նոր տարվա գիշերը՝ ոճաբանի և աստղագուշակի խորհուրդներ

Տղամարդկանց համար ճիշտ հագուստի ընտրությունը Նոր տարվա գիշերն ապահովում է ոճային և ինքնավստահ կերպար: Ահա ոճաբանի և աստղագուշակի խորհուրդները՝ տոնական կերպարը ճիշտ կազմելու համար:

Ոճաբանի խորհուրդներ

1. Դասական և թեթև կերպար.
   Եթե տղամարդը չի հետևում նորաձևության միտումներին, առաջարկեք նրան հագնել դասական ու պարզ հագուստ.
   • Սպիտակ վերնաշապիկ՝ վերևի մի քանի կոճակները չկոճկած՝ թեթև և հանգիստ տեսքի համար:
   • Տաբատներ՝ դասական կամ տվիդից, որը 2024 թվականի ամենանորաձև նյութերից է:
   • Վերին շերտի համար ընտրեք դասական բաճկոն՝ պարզ և ներկայացուցչական կերպարի համար:
2. Նորաձև ու թրենդային տեսք.
   Ավելի նորաոճ կերպարների սիրահարները կարող են ընտրել.
   • Ուղիղ կտրվածքով կաշվե տաբատներ, որոնք մոդայիկ են առաջիկա սեզոնին:
   • Զուսպ սև բլուզ՝ նորաոճ և մինիմալիստական կերպարի համար:
3. Կոստյում՝ բնական նյութերից.
   Բնական հյուսվածքներից պատրաստված կոստյումները՝ բուրդ, վուշ կամ բամբակ, հարմարավետ ու նորաձև են: Դրանք նաև խորհրդանշում են Կանաչ Փայտե Օձիամրությունն ու ուժը: Բարձրորակ տեքստիլն ապահովում է ներկայացուցչական ու էլեգանտ կերպար:

Նյութեր և գույներ

• Բնական հյուսվածքներ. Վուշ, բուրդ, բամբակ կամ թավշ:
• Կանաչ գույնի մանրամասներ.Օգտագործեք կանաչ գույն՝ որպես փողկապ, գրպանի թաշկինակ կամ այլ աքսեսուար:
• Հագեցած և հմայիչ գույներ. Թավշյա բաճկոններ կամ հագեցած երանգներով հագուստ՝ շքեղության համար:

Ոճային լուծումներ

1. Դասական կամ թուլացված կոստյում.
   • Էլեգանտ բաճկոնը և տաբատը՝ համադրած չեզոք երանգի վերնաշապիկի հետ, ներդաշնակ և վստահ տեսք են հաղորդում:
   • Կանաչ կամ բնության մոտիվով աքսեսուարները կերպարին հաղորդում են թարմություն և նոր սկիզբի խորհրդանիշ:
2. Սմոքինգ՝ պաշտոնական ոճի համար.
   • Հարմար տարբերակ է նրանց համար, ովքեր նախընտրում են պաշտոնական ու դասական տեսք:
3. Casual ոճ՝ ոչ ֆորմալ միջոցառումների համար.
   • Հարմար է նրանց համար, ովքեր նախընտրում են հարմարավետություն: Ընտրեք բնական գույներ ու նյութեր՝ ներդաշնակ ու հանգիստ կերպար ունենալու համար:
4. Թավշյա հագուստ.
   • Թավշյա բաճկոնները կամ աքսեսուարները նորաձև են և հաղորդում են շքեղության ու հաջողության զգացողություն:

Մի վախեցեք փորձարկումներից: Նոր տարին հիանալի հնարավորություն է նոր ոճեր ու միտումներ փորձարկելու համար:

Աղբյուրը՝ rg.ru