ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ Եթե ամերիկացիները որոշեն հարձակվել իրանական նավթատարի վրա, Թեհրանը կարող է դա մեկնաբանել որպես լայնածավալ պատերազմի վերսկսում Մարկո Ռուբիոն է հազիվ ծիծաղը զսպում Թրամփի հերթական զառանցանքից Ուկրաինական ռազմական աղբյուրներ. Ռուսաստանը սկսել է օգտագործել նոր եւ վտանգավոր «Ֆիլին» հրթիռները Զապորոժիեն մեկ ժամվա ընթացքում հարվածել է 20 ավիառումբ Թրամփ եւս Պուտինի և Սիի հետ գագաթնաժողովը համարում է «Յալթա 2» Իրանը, տեւական դադարից հետո, հարձակվել է Բահրեյնի ԱՄՆ ռազմական բազաների վրա Ինչպես կապարակնքվեց Նկարիչների միության ցուցասրահը Նկարիչների միության նորընտիր նախագահի բացառիկ հարցազրույցը Ես տեղափոխվում եմ Հայաստան. Դենիս Ջորկաեֆը առաջադրվել է որպես ՀՖՖ նախագահի թեկնածու

Իսահակյանի տուն-թանգարանում տեղի կունենա մենահամերգ

Ազդագրեր

Դեկտեմբերի 21-ին` ժամը 16:00, Ավետիք Իսահակյանի տուն-թանգարանում տեղի կունենա Երևանի Ռոմանոս Մելիքյանի անվան պետական երաժշտական քոլեջի իգական երգչախմբի մենահամերգը։

Համերգի ծրագիրը բաղկացած է բացառապես տարբեր դարաշրջանների հայ հոգևոր երգասացություններից և հայ դասական կոմպոզիտորների խմբերգերից։ Նպատակը` հանրայնացնել առաջնահերթ հայ հոգևոր երգասացությունները, որոնք ներկայումս լայն հանրությանը ծանոթացնելու խնդիր կա։ Այնուհետև կհնչեն հայ դասական կոմպոզիտորների ստեղծագործություններ, այդ թվում` Արամ Խաչատրյան, Էդգար Հովհաննիսյան, Առնո Բաբաջանյան և այլն։

Համերգի առանձնահատկություններից մեկն այն է, որ վերոնշյալ երգասացությունները հնչելու են երիտասարդ ուսանողների կատարմամբ, քանզի քոլեջի պատերի ներքո երգչախումբը նպատակ է դրել և՛ ինքնակրթվել` երգելով այս խմբերգերը, և՛ հանրայնացնել դրանք` մատուցելով երաժշտական լայն հասարակությանը։

Երգչախմբի գեղարվեստական ղեկավարը և խմբավարը Գրիգոր Հարությունյանն է, որն ի մոտո ծանոթ է հայ հոգևոր երաժշտությանը, քանզի արդեն մեկ տասնյակից ավելի տարիներ իր ծառայությունն է բերում Արարատյան Հայրապետական թեմի Առաջնորդանիստ Սուրբ Սարգիս եկեղեցում` սկզբում որպես երգեհոնար, այնուհետև երգչախմբի խմբավար-դպրապետ։

Խմբավարը արդեն 10 և ավելի տարիներ իր գործունեությունն է ծավալում թե՛ եկեղեցում, թե՛ նրա պատերից դուրս` ծավալելով նաև մանկավարժական գործունեություն։ Այս շրջանում բազմիցս նրա ղեկավարած երկսեռ, միասեռ և մանկական երգչախմբերը հանդես են եկել հայ կոմպոզիտորական արվեստի հանրայնացմամբ` մենահամերգների շրջանակներում։

Համերգի մուտքն ազատ է, քանզի այն միտված է լայն հանրությանը ծանոթացնելու հայ խմբերգային երաժշտության անգին գոհարներին։

Հավանեցի՞ր հոդվածը, կիսվիր ընկերներիդ հետ