Մասկը սեղմեց թրամփիստների եւ գլոբայիստների սուր պայքարի նոր փուլի մեկնարկի կոճակը

Շատ նման է, որ Թրամփի թիմը փորձում է հասնել քաղաքականության վերաֆորմատավորման ոչ միայն ԱՄՆ-ում, այլ նաեւ Եվրոպայում եւ միգուցե ոչ միայն: Ամեն դեպքում, թրամփականների և գլոբալիստների սուր առճակատման միանգամայն ծանրակշիռ դետալ նկատվեց Գերմանիայում` կապված սպասվող ընտրությունների հետ:

Խոսքը Թրամփի թիմի կարկառուն ներկայացուցիչ եւ աշխարհի ամենահարուստ մարդ Իլոն Մասկի հայտարարության մասին է, որ ընդդիմադիր «Այլընտրանք Գերմանիայի համար» կուսակցությունը կարող է փրկել Գերմանիան։ Եթե դրան նայենք ոչ միայն ընտրությունների, այլ այն էլիտաների առճակատման անկյունից, ապա նման պատկեր է ուրվագծվում: «Այլընտրանք Գերմանիայի համար» ուժը, ըստ էության, պայքարում է ոչ թե միայն հաղթանակի համար, այլ գերմանական քաղաքականության մեջ հիմնարար դիրքեր զբաղեցնող գլոգալիստների: Այսինքն, այդ ուժի հաղթանակը Գերմանիայում կունենա նույն իմաստը, ինչ Թրամփի հաղթանակն ԱՄՆ-ում: Իսկ ահա Մասկի հայտարարությունը պետք է ընկալել ոչ միայն որպես քաղաքական գնահատական կամ նումնիսկ «Այլընտրանք Գերմանիայի համար» ուժի քարոզ, այլ բաց ակնարկ` Թրամփը պատրաստ է գործակցել այդ ուժի հետ: Ընդ որում, եթե Թրամփին հաջողվի հասնել «Այլընտրանք Գերմանիայի համար» ուժի հաղթանակին եւ նրա կողմից կառավարության ձեւավորմանը, ապա ԱՄՆ-Գերմանիա դաշինքը` հակագլոբալիստական հողի վրա ի զորու կլինի բառացիորեն գլխիվայր շրջել ողւ եվրոպական տիրույթում գլոբալիստական ներկա դիրքերը: Գլոբալիստական ուժերը, որոնք այսպես թե այնպես, ունեն հսկայական հնարավորություններ, իհարկե, դրանով չեն ոչնչանա: Բայց հարվածը կլինի չափազանց ծանր, եւ անգամ դժվար է ենթադրել, թե գլոբալիզմը երբ ռեալ հակահարվածի հնարավորություն կստանա:շ

Իսկ Մասկի նման հայտարարությունը մեկ բան է նշանակում` թրամփիստների եւ գլոբայիստների սուր պայքարի ներ փուլի մեկնարկը դրանով տրված է:

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝