Ինչպես կապարակնքվեց Նկարիչների միության ցուցասրահը Նկարիչների միության նորընտիր նախագահի բացառիկ հարցազրույցը Ես տեղափոխվում եմ Հայաստան. Դենիս Ջորկաեֆը առաջադրվել է որպես ՀՖՖ նախագահի թեկնածու Լեվոն Զուրաբյան VS Նիկոլ Փաշինյան Ակրոպոլիս թանգարանում բացվել է «Հին Հայաստան» միջազգային ցուցահանդեսը Ջրամատակարարման ընդհատումներ են տեղի ունեցել Կիևի հինգ շրջաններում Բրիտանիան ցանկանում է վերադառնալ ԵՄ. Brexit-ը չափազանց թանկ էր. The Times Մելանյա Թրամփը հնարավոր է համարում Ուկրաինայում հրադադարը մինչև Սուրբ Ծնունդ Քո մասին այնպիսի ճշմարտություն կասեմ, ստիպված կլինես փախչել նաեւ ՌԴ-ից․ Դանիելյանը՝ Պիպոյին Մեզ այսօր շատ են պակասում Մոնթեի պես հայերը․ Հռիփսիմե Նահապետյան

«Ֆոտոլուրը» դատարանում հաղթեց 1in.am-ին

Իրավական

Երևան քաղաքի առաջին ատյանի ընդհանուր իրավասության քաղաքացիական դատարանը հունվարի 17-ին որոշել է, որ «Սկիզբ մեդիա կենտրոն» ՍՊԸ-ն՝ 1in.am կայքը խախտել է «Ֆոտոլուր լրատվական գործակալության» իրավունքները, հաղորդում է a1plus–ը։

1in.am կայքն իր նյութերում օգտագործել է «Ֆոտոլուրի» լուսանկարները՝ առանց համապատասխան իրավունքի կամ վճարումների։

«Ֆոտոլուրը» դեռևս անցած տարվա հուլիսին դատի էր տվել «Սկիզբ մեդիա կենտրոնին»՝ պահանջելով դադարեցնել հեղինակային իրավունքի օբյեկտների օգտագործումը։ Նաև պահանջել էր փոխհատուցել կատարած խախտումների համար։

Դատարանը քննել է դիմումը և վճռել՝ «Սկիզբ մեդիա կենտրոն» ՍՊԸ-ից հօգուտ «Ֆոտոլուրի» բռնագանձել 2.400.000 ՀՀ դրամ՝ որպես հոնորար։

Հօգուտ «Ֆոտոլուրի» պետք է բռնագանձվի նաև 20.000 դրամ՝ որպես ոչ դրամական պահանջի համար նախապես վճարված պետական տուրքի գումար, 72.000 դրամ՝ որպես դրամական պահանջի համար նախապես վճարված պետական տուրքի գումար և 200.000 դրամ՝ փաստաբանի վարձատրության համար:

«Հայաստանում լուսանկարների օգտագործման մշակույթը շատ ցածր է, ով ինչ ուզում, որտեղից ուզում՝ օգտագործում է։ Մենք հետևեցինք և բազմաթիվ լրատվամիջոցներ տեսանք, որոնք ոչ միայն մեր, այլև ումից ասես, լուսանկար են վերցնում՝ խախտելով հեղինակային իրավունքը։ Մեր փաստաբանը մի քանի անգամ զգուշացրել էր դադարեցնել այդ պրակտիկան, բայց բանի տեղ չդրեցին, և մինչև հիմա էլ օգտագործում են մեր լուսանկարները՝ չունենալով դրա իրավունքը։ Սա պետք է նախադեպ լինի, որ մյուս լրատվամիջոցներն առանց իրավունքի չօգտագործեն»,- ասում է «Ֆոտոլուրի» տնօրեն Մելիք Բաղդասարյանը։

 

Հավանեցի՞ր հոդվածը, կիսվիր ընկերներիդ հետ