Վաղարշապատ-Արմավիր ավտոճանապարհը փակած և «դրիֆթ» կատարած տղամարդիկ ձերբակալվել են

Փետրվարի 24-ին համացանցում տեսանյութ էր շրջանառվում, թե ինչպես է «ԲՄՎ»-ի վարորդը նույն օրը՝ կեսօրին, հարսանեկան արարողության ժամանակ, Վաղարշապատ-Արմավիր ավտոճանապարհին, բացահայտ անհարգալից վերաբերմունք դրսեւորում երթեւեկության մյուս մասնակիցների նկատմամբ, կոպիտ կերպով խախտելով հասարակական կարգը եւ ճանապարհային երթեւեկության կանոնները` կատարելով, այսպես կոչված, «դրիֆթ»։ Հասարակական կարգը խախտում են նաեւ հարսանեկան արարողության մասնակից մի քանի «Մերսեդեսի» վարորդներ` երթեւեկելի գոտում «դրիֆթ» կատարելու ընթացքում մեքենաներով փակելով ճանապարհը:

Քրեական ոստիկանության Արմավիրի մարզային վարչության, Արմավիրի համայնքային բաժնի եւ Արմավիրի պարեկների ձեռնարկած միջոցառումների շնորհիվ պարզվել է «ԲՄՎ»-ն եւ «Մերսեդեսները» վարողների ինքնությունը:  Խուլիգանություն կատարելու կասկածանքով երեք տղամարդ ձերբակալվել եւ ավտոմեքենաներով հանդերձ տեղափոխվել է Համայնքային ոստիկանության Արմավիրի բաժին։ Նրանք եւ կազմված փաստաթղթերը ներկայացվել են Վաղարշապատի քննչական բաժին:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝