2019թ.-ին, երբ Հունաստանի թիմի հետ ժամանեցինք Հայաստան, հիացել էի այստեղի ֆուտբոլի հանդեպ մեծ հետաքրքրասիրությամբ. Ջոն վան'տ Սխիպ

Ֆուտբոլի Հայաստանի հավաքականի նորանշանակ մարզիչ Ջոն վան'տ Սխիպը առաջին հանդիպումն է ունեցել լրագրողների հետ: Ազգերի լիգայի B դիվիզիոնի ուղեգրի համար փլեյ-օֆֆի առաջին հանդիպման նախախաղային ասուլիսում նա խոսել է Հայաստան - Վրաստան խաղի մասին:

«Հայաստանից առաջին տպավորություններս շատ լավն են: Երեւանն ինձ շատ է դուր եկել, հայկական սնունդը շատ համեղ է, եղանակն էլ էր լավն էր մինչեւ այսօր: Ինչ վերաբերում է իմ առաջին տպավորություններին հայ ֆուտբոլիստներից, ես առաջին օրից տեսել եմ մեծ նվիրվածություն, ցանկություն եւ ձգտում՝ լավ արդյունքների հասնելու համար:

Դեռ քիչ ժամանակ եմ ունեցել ֆուտբոլիստներին ճանաչելու համար: Առաջին հավաքն ենք անցել: Շատ քիչ ժամանակ կա, խաղում ենք հենց այս խաղային շրջանի առաջին օրը, դեռ մեկ օր էլ շուտ: Այս օրերին տեսել եմ շատ մեծ նվիրվածություն եւ դրական տրամադրություն թիմում:

Հայաստանի հավաքականի հրավերը ընդունեցի, որովհետեւ հիշեցի իմ փորձը Հունաստանի հավաքականում: Ցանկացա այստեղ էլ փորձել ուժերս որպես գլխավոր մարզիչ: Հիշում եմ, երբ 2019 թվականին Հունաստանի թիմի հետ ժամանեցինք Հայաստան, արդեն այդ ժամանակ էի հիացել ձեր ենթակառուցվածքներով, ֆուտբոլի հանդեմ մեծ հետաքրքրասիրությամբ: 

3-4 շաբաթ է, ինչ գտնվում եմ այստեղ: Բացել ենք հավաքականի դռները բոլորի առջեւ: Պատրաստ են ընդունել մեր շարքերը բոլոր նրանց, որոնք արժանի կլնեն հանդես գալ հավաքականում: Հետեւել եմ Հայաստանի առաջնության մի քանի խաղերին: Հաճույք եմ ստացել Պրեմիեր լիգայի որոշ խաղերից, մասնավորապես  ինչպես երիտասարդ, այնպես էլ ավագ տարիքի խաղացողների խաղամակարդակից: Մեծ հույս ունեմ, որ Հայաստանի առաջնությունում հանդես եկող ֆուտբոլիստները կավելացնեն իրենց խաղամակարդակը եւ ավելի մեծ հնարավորություններ կստեղծեն իրենց համար: 

Մեր հիմնական նպատակը սեպտեմբերին մեկնարկող աշխարհի առաջնության հիմնական փուլի հանդիպումներին լավ պատրաստվելն է: Այս պահին մեր նպատակը վաղվա խաղում լավ հանդես գալն է, Վրաստանի հավաքականին «վատ իրավիճակում» դնելը, լավ արդյունք գրանցելը:

Վրաստանի հավաքականը շատ լավ թիմ է, բարդ  մրցակից է: Ցավոք, վաղվա խաղում մեզ չենք կարող օգնել երկու ուժեղ խաղացողներ Սելարայանն ու Սպերցյանը, բայց սա լավ հնարավորություն է մյուս ֆուտբոլիստների համար, փորձել իրենց ուժերը այս մակարդակի վրա:

Հայաստանը փոքր երկիր է եւ վաղվա խաղը մեզ համար մարտահրավեր է մեկնարկի համար»,- ասաց Ջոն վան'տ Սխիպը:

Հայաստան - Վրաստան հանդիպումը տեղի կունենա մարտի 20-ին Երեւանի Վազգեն Սարգսյանի անվան «Հանրապետական» ստադիոնում, պատասխան հանդիպումը՝ մարտի 23-ին Թբիլիսիում։