Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան «Իմ ընկերը». Թրամփը հրապարակել է Պուտինի հետ լուսանկար

17 համայնքի կտրամադրվի 1 մլրդ 682 մլն դրամ՝ 27 սուբվենցիոն ծրագրի համաֆինանսավորման համար

Տնտեսություն

Կառավարության՝ ապրիլի 30-ի նիստին ՀՀ տարածքային կառավարման և ենթակառուցվածքների նախարար Դավիթ Խուդաթյանը ներկայացրեց ՀՀ համայնքների ենթակառուցվածքների զարգացմանն ուղղված սուբվենցիոն ծրագրերը 1 մլրդ 682 մլն դրամով համաֆինանսավորելու նախագիծը, որով նախատեսվում է համաֆինանսավորել 17 համայնքի ընդհանուր 27 սուբվենցիոն ծրագիր:

«Այս որոշման ընդունմամբ արդեն 2025 թվականի պետական բյուջեից ընդհանուր համայնքներին ֆինանսավորվում է 4 մլրդ 75 մլն դրամ 2025 թվականի ընթացքում»,- ասաց նախարարը:

Վարչապետ Նիկոլ Փաշինյանը թվարկեց այն ծրագրերը, որոնք նախատեսվում է համաֆինանսավորել. դրանք և՛ ավարտված, և՛ ընթացքի մեջ եղող ծրագրեր են: Ըստ այդմ՝ կկառուցվի Արաքս համայնքի Արաքս և Մեծամոր բնակավայրերը սնուցող՝ 17 կմ երկարությամբ գազատարը, որը նախատեսված է 580 տնտեսության համար: Գումար կհատկացվի Գավառում 90 սանի համար նախատեսված մանկապարտեզի կառուցման երկրորդ փուլի, իսկ Ելփինում՝ 60 սանի համար նախատեսված մանկապարտեզի կառուցման համար: Մարտունի համայնքի Վարդաձոր և Երանոս բնակավայրերում ոռոգման ջրատարներ են կառուցվում՝ նախատեսված 300 տնտեսության համար, կատարված է աշխատանքների 90 տոկոսը: Գումար կհատկացվի նաև Ծաղկաձորում 2,4 կմ երկարությամբ լուսավորության համակարգի արդիականացման համար, որի աշխատանքներն ավարտված են:

 

Հավանեցի՞ր հոդվածը, կիսվիր ընկերներիդ հետ