ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ Եթե ամերիկացիները որոշեն հարձակվել իրանական նավթատարի վրա, Թեհրանը կարող է դա մեկնաբանել որպես լայնածավալ պատերազմի վերսկսում Մարկո Ռուբիոն է հազիվ ծիծաղը զսպում Թրամփի հերթական զառանցանքից Ուկրաինական ռազմական աղբյուրներ. Ռուսաստանը սկսել է օգտագործել նոր եւ վտանգավոր «Ֆիլին» հրթիռները Զապորոժիեն մեկ ժամվա ընթացքում հարվածել է 20 ավիառումբ Թրամփ եւս Պուտինի և Սիի հետ գագաթնաժողովը համարում է «Յալթա 2» Իրանը, տեւական դադարից հետո, հարձակվել է Բահրեյնի ԱՄՆ ռազմական բազաների վրա Ինչպես կապարակնքվեց Նկարիչների միության ցուցասրահը Նկարիչների միության նորընտիր նախագահի բացառիկ հարցազրույցը Ես տեղափոխվում եմ Հայաստան. Դենիս Ջորկաեֆը առաջադրվել է որպես ՀՖՖ նախագահի թեկնածու

«Սոնետ» դաշնամուրային դուետ. նվիրում ուսուցչին

Ազդագրեր

Մայիսի 13-ին` ժամը 19:00-ին, Կոմիտասի անվան կամերային երաժշտության տանը տեղի կունենա համերգ՝ նվիրված անվանի դաշնակահար, պրոֆեսոր, «Հայրենիքին մատուցած ծառայությունների համար» 2-րդ աստիճանի շքանշանակիր Սերգեյ Սարաջյանի ծննդյան 80-ամյակին։ Սիրելի ուսուցչին իրենց համերգային կատարումները կնվիրեն միջազգային բազմաթիվ մրցույթների դափնեկիրներ, Երևանի Կոմիտասի անվան պետական կոնսերվատորիայի պրոֆեսոր, Խաչատրյանի անվան տրիոյի դաշնակահարուհի, 2004 թվականից Արամ Խաչատրյանի տուն-թանգարանի տնօրեն Արմինե Գրիգորյանը և նույնպես արդեն ճանաչված դաշնակահարուհի Սոնա Բարսեղյանը՝ «Սոնետ» դաշնամուրային դուետով:

Ծրագրում՝ Գաբրիել Ֆորե. Դոլլի Սյուիտ, երկ․56, 4 ձեռքի համար Ֆրանց Շուբերտ. Ֆանտազիա ֆա մինոր, երկ․ 103 Ֆրանցիս Պուլենկ. Սոնատ

• Պրելյուդ

• Գեղջկական

• Ֆինալ

Սերգեյ Ռախմանինով. Սյուիտ #1, երկ․ 5 «Ֆանտազիա» 2 դաշնամուրի համար

• Բարկարոլա

• Արցունքներ

• Լուսե տոն

Վիտոլդ Լյուտոսլավսկի. Վարիացիաներ Պագանինիի թեմայով Գեորգի Սարաջյան. 3 պիես Աշուղական թեմաներով սյուիտից Սերգեյ Սարաջյան. 2 պիես Կոմիտասի թեմաներով սյուիտից:

«Սոնետ» դաշնամուրային դուետը ստեղծվել է 2003 թվականին։ Նույն թվականին Հռոմի միջազգային մրցույթում անսամբլը դարձել է դափնեկիր և ստացել հատուկ մրցանակ։ Տարիների ընթացքում դաշնամուրային դուետը ձայնագրել է խտասալիկներ, ունեցել մի շարք համերգներ՝ Հայաստանում, Ռուսաստանում, ԱՄՆ-ում, Կանադայում, Ավստրալիայում, Գերմանիայում, Բելգիայում, Իտալիայում և այլ երկրներում։ Իտալացի կոմպոզիտոր Սերջիո Կալիգարիսը դուետի մասին գրել է. «Ստեղծագործությունների Ձեր մեկնաբանությունները հարուստ էին թեթևությամբ և պոեզիայով, իսկ հնչողության որակն իսկապես հիասքանչ էր»:

Պետք է նշել, որ Արմինե Գրիգորյանը որպես մենակատար և որպես Խաչատրյանի անվան տրիոյի անդամ ելույթներ է ունեցել աշխարհի ավելի քան 100 քաղաքներում՝ այցելելով բոլոր մայրցամաքները, այժմ էլ ակտիվորեն շարունակում է իր համերգային գործունեությունը, Սոնա Բարսեղյանը, ավարտելով Երևանի Կոմիտասի անվան կոնսերվատորիան, այնուհետև՝ Քյոլնի կոնսերվատորիան՝ որպես մենակատար և անսամբլային երաժիշտ /մագիստրատուրա և ասպիրանտուրա/, վերադարձել է Հայաստան և ակտիվորեն զբաղվում է ստեղծագործական աշխատանքով: Նա համերգներով հանդես է գալիս տարբեր երկրներում, միաժամանակ կազմակերպում է բազմաբնույթ համերգներ և փառատոներ։

Հավանեցի՞ր հոդվածը, կիսվիր ընկերներիդ հետ