Մինչեւ 7-րդ օրը երեխային զգում էի, երեխան թույլ է,վանք եմ տեսնում. Հայտնի աստղահոգեբանը բացառիկ կանխատեսում է իրականացրել

Երեխան ջրի մեջ չէ, Տիգրանը համաստեղությամբ Ցուլ է, իսկ այդ նշանի տակ ծնվածների համար լավ շրջան չէ (ի դեպ լուսահոգի որդիս էլ էր Ցուլ համաստեղության տակ ծնված)։ Ուսումնասիրել եմ երեխայի քարտեզը, երեխան լուսավոր, աշխույժ փոքրիկ է, նա ջրից վախենում էր, հաստատ դեպի ջուրը չէր գնա։ Մինչեւ յոթերորդ օրը երեխային զգում էի, բայց այսօրվանից սկսած, ցավոք, չեմ զգում։ Բայց առաջիկա օրերին, ավելի ճիշտ մինչեւ մայիսի 21-ը հնարավորություն կա հստակ տեղեկատվություն ստանալու։ Ես զգում եմ, որ նա շատ փակ, գողտրիկ տեղում է գտնվում,-անդրադառնալով 2-ամյա Տիգրանի առեղծվածային անհետացմանը, <<Իրավունքի>> խնդրանքով նման կանխատեսում է իրականացրել հայտնի աստղահոգեբան ԼՅՈՒՍՅԱ ՀԱԿՈԲՅԱՆԸ։

-Հարգելի տիկին Լյուսյա, վարկածներից մեկի համաձայն երեխան առեւանգված է, եւ առեւանգողը, ըստ նույն վարկածի, փոքրիկին փնտրողների մեջ է, ի՞նչ է ասում առումով աստղաբանությունը։

- Ես տեսա, որ ջրի ափին կանգնած մարդիկ, ովքեր հետեւում են որոնողական աշխատանքներին, այդ մարդը այդտեղ կանգնած է, ու դա ընտանիքին մտերիմ, հարազատ մարդ է, ու երեխան ճանաչել է իրեն, որ ձայն չի հանել։ Տեսել եմ նաեւ, որ այդ տղամարդը երեխային պահում է մութ, խոնավ տեղ, որոշ ժամանակ առաջ զգացել եմ, որ երեխան վանքում է պահվում։ Խորհուրդս է ծնողներին, որ ոչ ոքի չվստահեն, որովհետեւ երեխայի անհայտացման մեջ մատը խառը մարդը լսում է ամեն բան։ Ես կրկնում եմ, վերջին երեք օրվա մեջ ես երեխային այլեւս լավ չեմ զգում։

-Զգո՞ւմ եք երեխայի հոգեվիճակը։

-Այ՛ո, երեխան թույլ է, բայց ձայն չի հանում։ Երեխայի կորելու օրը լուսինը 9 օրական էր, այդ օրը սատանայական օր է համարվում։ Հիմա մինչեւ մայիսի 21-ը հույս ունեմ, որ հստակ տեղեկատվություն կլինի։ Տա Աստված չուշանանք, եւ փոքրիկը հասնի ողջ-առողջ ծնողներին, այսքանը կարող եմ ասել։

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝