Ինչպես կապարակնքվեց Նկարիչների միության ցուցասրահը Նկարիչների միության նորընտիր նախագահի բացառիկ հարցազրույցը Ես տեղափոխվում եմ Հայաստան. Դենիս Ջորկաեֆը առաջադրվել է որպես ՀՖՖ նախագահի թեկնածու Լեվոն Զուրաբյան VS Նիկոլ Փաշինյան Ակրոպոլիս թանգարանում բացվել է «Հին Հայաստան» միջազգային ցուցահանդեսը Ջրամատակարարման ընդհատումներ են տեղի ունեցել Կիևի հինգ շրջաններում Բրիտանիան ցանկանում է վերադառնալ ԵՄ. Brexit-ը չափազանց թանկ էր. The Times Մելանյա Թրամփը հնարավոր է համարում Ուկրաինայում հրադադարը մինչև Սուրբ Ծնունդ Քո մասին այնպիսի ճշմարտություն կասեմ, ստիպված կլինես փախչել նաեւ ՌԴ-ից․ Դանիելյանը՝ Պիպոյին Մեզ այսօր շատ են պակասում Մոնթեի պես հայերը․ Հռիփսիմե Նահապետյան

Արցախի նախագահը հարցաքննվում է թվով երեք վարույթների շրջանակներում․ մանրամասներ

Իրավական

2023թ.-ի սեպտեմբերի 19-ից հետո, երբ Արցախի ողջ բնակչությունը տեղափոխվել է ՀՀ, ՀՀ իրավապահ մարմինների, մասնավորապես ՔԿ-ի կողմից տարբեր փաստերի առթիվ նախաձեռնվել են տարբեր վարույթներ։ Թվով երեք վարույթների շրջանակներում Արցախի նախագահը հարցաքննվում է. ՔԿ-ի մոտ լրագրողների հետ ճեպազրույցին ասաց Սամվել Շահրամանյանի փաստաբան փաստաբան Ռոման Երիցյանը։

 

Ըստ փաստաբանի՝ նախաձեռնված է պատերազմի ժամանակ թշնամուն ռազմաթերք հանձնելու և պատերազմի ժամանակ զինվորական անփութության քրգործի շրջանակներում։

 

Թե ինչ բովանդակությամբ հարցեր է հնչեցվում և ինչ պատասխաններ են տրվում՝ Սամվել Շահրամանյանի փաստաբանը նախաքննության գաղտնիքից ելնելով չմանրամասնեց։

 

Նա միայն նշեց, որ ըստ հրապարակումների՝ գործը հարուցվել է Սամվել Բաբայանի՝ եթերում հնչեցրած հայտարարությունների և հոկտեմբերի 6-ին ներկայացրած հաղորդման հիման վրա:

 

«Ցանկանում եմ պարտադիր նշել, որ Սամվել Շահրամանյանն այսպիսի ինտենսիվությամբ հարցաքննություններից երբեք չի խուսափել, լինելով գերզբաղ»,-ասաց փաստաբանը։ 

 

Ըստ նրա՝ Շահրամանյանի հարցաքննությունները վերջին երկու շաբաթվա ընթացքում 4-րդ անգամն է և Արցախի նախագահն ունի բացառապես վկայի կարգավիճակ։

 

Փաստաբանը նաև մտահոգությունը հայտնեց, որ թեև քրեական վարույթը նախաձեռնվել է դեռևս 2023 թվականին, և միայն երկու տարի անց է Սամվել Շահրամանյանը առաջին անգամ հարցաքննվում, այնինչ պետք է լիներ ամենաառաջին հարցաքննվողների ցանկում:

 

«Կարող եմ ընդամենը հայտարարել վարույթ իրականացնող մարմնի բարձրաձայնած այն դիրքորոշումը, որ այս վարույթը կրում է նաև պատմական բնույթ, այսինքն՝ ՀՀ-ն ի դեմս գուցե նաև ՔԿ-ի փորձում է պարզել իրողությունը և ավելի շատ ինֆորմացա ձեռք բերել, թե ինչ է տեղի ունեցել կամ ոչ, գուցե պատմության մաս դարձնելու նպատակով»,-ասաց նա։

 

Փաստաբանը նշեց, որ այս պահի դրությամբ Շահրամանյանի ինտենսիվ հարցաքննությունենրում քաղաքական նկատառումներ չի տեսնում՝ հաշվի առնելով գործի ծավալից։ 

 

Հաջորդ հարցաքննությունը տեղի կունենա հունիսի 6-ին։ 

 

Հավանեցի՞ր հոդվածը, կիսվիր ընկերներիդ հետ